Ka Nupepa Kuokoa, Volume XLIII, Number 10, 6 March 1908 — HOPUIA NO KE PUHI OKOLEHAO. [ARTICLE]

HOPUIA NO KE PUHI OKOLEHAO.

Ma ke ku ana mai o ka Mokuahi Malulanl ma ke kakahiaka o ka la Sabati nei i huli hoi mai ai ka Hope Ilamuku Amerika Bruns ame ka Hope Luna Ohi o na Loaa Makahiki R. S. Johnston mai Kauai mai me elua mau paahao i hopuia no ke puhi okolehao. O John Paris ame Ah Fa na inoa o keia mau paahao, a ua hoihoi pu ia mai no hoi,na mea hana i loaa aku no ke puhi ana i ka okolehao ame na barela o ke ki i makaukau no ke puhi ana aku. Penei iho ka moolelo pokole e pili ana i ke ano o ka paa ana o keia mau kanaka i ka hopuia e ka Makai Nui W. Rice o ke Kaiana o Kauai:

Iloko o kekahi manawa i hala ae nei, 1 ka Makai Nui I hoea aku ai no ka Apana o Koloa, ua ikeia aku la na hiohiona aia ka okolehao ke hoolakoia nei ma keia apana, a no ka loaa ole nae iaia he manawa e noii pono ai no keia mea, ua waiho aku la oia i ke kauoha i kekahi mea nana e imi aku i ka oiaio o ka mea i hoohuoiia. ( Ma ka Poalua nae, ua loaa mai Ja ka lohe i ka Makai Nui māi 'kona kanaka mai, no na mea e pili ana I na mea na laua e puhi nei i ka okolehao, a i ka hoea ana aku i kahi o kona kanaka, ua hoike mai la .oia o John Paris ka mea nana e puhl nei a e kuai nei i ka okolehao. 0 keia wahi e puhiia nei o Jca okolehao, aia ia ma ke awawa o Lawal ma kahi he ekolu mile mai ka hale aku o John Paris. I keia wahi I pii aku ai ka Makai Nui Rice ame Tanaka he Kepani i hele pu aku me ia mal Lihue aku, ame ka mea nana i kiu. 1 ko lakou hoea ana aku nae i ka hale o John Parls, o kana wahine wale no ke noho mai ana i ka hale, a ua hoike aku la ka Makai Nui I ke ano o ka lakou huakai ,o ka hoea ana no ka hopu ana i kana kane ame kekahi Pake ma ka Inoa o Ah Fa no ke/ puhi okolehao. v Ua haalele iho la no lakou i ka hale, a kamoe aku la no keia.wahi e puhiia ana o ka okolehao. I ko lakou hoea ana aku ilaila, ua loaa aku la o Akama e noho mai ana iloko o kekahi wahi pupupuhale, a i ka hoikeia ana aku iaia o ka hana a na makai o ka hiki ana aku, ua hoole loa mai la oia aole he hanaia o ia ano hana malaila, a oiai nae aia kekahi omole e waiho ana iloko o ka hale, ua makemake mai la ua Pake nei e nininl i ka wai oloko, aka ua holopono ole mamuli o ka lilo e ana i na makai, a o ka wai oloko he okolehao. Ua hookikinaia aku la ua Pake nel e hele pu lakou e huli i kahi e puhi ia ana o ka okolehao, a o ko lakou hele aku la no ia ma ka Hhi kahawal a hiki i kahi i mana palua ai na alanui: ilaila i ninau aku ai o Rice i ka Pake i ke alanui pololei e hoea aku ai i kahi e puhiia ana o ka okolehao. Ua hoike aku la ka Pake o ka mana e holo ana i ka hema ke alahele pololel, eia nae ua hooholo iho la ka Makai Nui o ke alahele ma ka akau kahi pololei e hookolo aku ai, a he hoopunipuni wale mai no ka* keia Pake 1 wahi e hoolalaula ai lakou nei.

Ua kauoha aku la o Rlce I kona mau kanaka e hele pu me ka Pake ma keia mana alanui e moe ana i ka akau, a ma kekahi mana hoi ua ,Makai Nui la i hele aku ai. Aole nae 1 liuliu ia hele ana aku a lakou, ua loheia aku la ke kahea ana mai a na makai, ua holo ka Pake a iho ma kekahi aoao o ka puu, aka e noho aku ana o Rlce ma ia aoao me kana pu, a hiki ole i ua Pake la ke holo aku a hoike i kona kokoolua no keia piiikia.

Ma kela wahi I hoomaopopo iho al na makai eia lakou ma ke alahele pololei i kahi e hoea aku ai i kahl puhi okolehao, oiai e ahu mokaki ana ke ti i nokeia i ka okioki. I ka hoomau ana aku o ko lakou pii ana aku nouka ua ikeia aku la ka pu-a mai o ka uwahi mai kekahi wahi papaihale ae, a hoomaka ae ia ka Pake e uwa» me ka manao e hoike aku 1 kona hoa Aa ka pilikia ke hookokoke dku nei.

Ua puka koke mai la o Parls mailoko mai o ka hale, aka e kau pono aku ana ka pu panapana a ka Makal Nui Rice a i ke kauohaia ana aku e kau kona lima iluna a e haawipio mai, o kona hooko mai la no 4a i keia kauoha, a paa 'ana ke koiohe i ka hopuia.