Ka Nupepa Kuokoa, Volume XLIII, Number 10, 6 March 1908 — HOOKUUIA KE KALAIWA KAAPIO [ARTICLE]

HOOKUUIA KE KALAIWA KAAPIO

Ma ka Poalima o ka pule i hala i hookuuia ai o Hr. Powers, ke kalaiwa kaapio, i hopuia ai e ke kiure koronero no ka make ana o kekahi kaikamahine Kepani uuku ma ke alanui Auld aneane he umi la i hala hope aku nei, e ka Lunakanawai Andrade. Ua hoike no o Powers i ka mea oiaio i ke kumu o ka poino ana o kela kaikamahine a ua kakoo ia kana olelo ike e na hoike e ae apau. Oiai oia e holo ana no ma ke alanui ua ike aku la oia i kekahi puulu kamalii e paani ana iwaena o ke alanul. I ko lakou ike ana mai iaia ua pau nui aku la lakou I ka holo ma ha'i o ke alanui a hiki i ko lakou pau loa ana ma kekahi aoao. A I kona wa i kokoke aku al 1a lakou, ua holo hope hou ae la kekahi o lakou a oia no kela kaikamahine i make ai me ka hoao ana e holo' hou ma kekāhi aoāo o' ke alanui a iaia nae i holo ae ai ua kapoo ae la oia malalo o ka lio a hina aku la ilalo a ia manawa hookahi no ua piiia aku la oia e na huila o. ke kaapio a eha loa, a miunuli o ia eha i make ai oia. I