Ka Nupepa Kuokoa, Volume XLIII, Number 8, 21 February 1908 — PAU MAI KA HANA MAI MAMULI O KA LEALEA. [ARTICLE]

PAU MAI KA HANA MAI MAMULI O KA LEALEA.

0 kekahi o na meahou i hoopukaia ae maloko o kekahi nupepa o ke kulanakauhale o Hilo, e pili ana no ia i ka hopu ana o kekahi makai o Honokaa i kekahi mau lawehala, a o na dala bela hoi 1 haawiia aku iaia, ua nalowale aku mai iaia aku i kona wa e moe ana i ke kahiohio. Penei iho ke ano nui o ua mea hou la:' Ua hopuia iho la kekahi mau mea ku-e 1 ka maluhia o ka lehulehu e kekahi o na kaiko o ke aupuni, eia nae ua laweia mai la e ia he kanahiku kumamalima mau dala bela i hiki ai ia laua ke noho a hoea mai imua o ka aha hookolokolo ma kēkahi la ae. 1 ka pau ana o ka hana a ka makai, ua hele aku la oia no ka hale o kekahi hoaloha, a ilaila e like me kq. oleloia, 1 noke ai oia 1 ka inu, a no ka maluhiluhi ua haule aku la oia hiamoe. I ka puoho ana ae ka hana aole na dala bela he kanahiku-kumamalima a o kona manawa ia I hopu aku ai 1 kona lioaloha me ka hoopaa ana iaia i ka v>no. a kamau wahi kiaha hou iho 1a no ola a haule hou aku la no hlamoe. O na lawehala mua hoi keia ana i hopu ai na laua na dala bela 'i lilo ai mai iaia aku, ua hele aku la laua c mare oiai no ka makai e hiamoe ana me ka ike ole aku, oiai hol ka hoaloha j hoopaaia ai na lima i ka hao i hele aku ai no ka halepaahao a koi aku la e weheia ae ka hao mai kona mau lima ae. E ole na hoaloha o ka makai, na lakou i kokua i hiki ai ke papiia aku na dala bela i pau i ka makai, a o ka hihia e pili ana i na mea mua i hopuia ai, ua hookuuia laua, mamuli o ka hoopau wale ana o ke aupuni i ka hihia a pela iho no me hoaloha i hoopaaia ai na lima i ka hao. A no ua makai nei hoi, ua hoopauia aku oia mai ka hana ,aku, me he mea la nae e iml ponoia mai ana na hana a kela makai e ka Makai Nui Keolanui o ke Kalana o Hawaii.