Ka Nupepa Kuokoa, Volume XLIII, Number 6, 7 February 1908 — KEKAHI HANA PONO NO KA PILIWAIWAI. [ARTICLE]

KEKAHI HANA PONO NO KA PILIWAIWAI.

Iloko no o ka hopuliopu mau ia o ka poe piliwaiwai i kela keia uianawa e ka oihana makai, he keu no nae ka pau ole.o ka piliwaiwai, no ka mea aole paha he pule hala me ka loaa ole o kekahi liiliia piliwaiwai maloko o ka Alia Hoomalu o.Honolulu nei. O ke anpuni nae ka i hoopomaikaiia ma o ka uku mau ana a keia poe piliwaiwai i ko lakou mau uku hoopa'i, a o .ko lakou mau ohana ke noho iloko o na auwe ana i ka nele ame ka hune. Ke hoomaopopo nei makou i ka lilo ana o kekahi wahi i wahi e uiomoku uui ai na kauaka, no ka manao ana he wahi kupono loa ia no ka piliwaiwai ana, oiai he ahuwale loa kahi a na makai e hele ae ai, e hiki ole ai hoi ke hopu aku ia lakou apau i ka paa. Ke hoomanao nei nae makou i ke a'o a ka Hope Lbio Kiihina l»rosser i kekahi o na Hope Makai Nui o ke Kalana o Kauai, e kauoha ana iaia, ina he mea paakiki loa ka paa ana o ka poe piliwaiwai i ka hopuia, alaila o ka hana hiki wale no, oia ka hoonoho ana i makai mawaho o ka hale piliwaiwai, a ma ia ano iho la e haua oleia ai ka piliwaiwai. Aia ma kahi kokoke i ka Paka ma Kakaako, e hana mau ia nei ka piliwaiwai i kela ame keia Sabati, oiai e lilo ana ka lehuleliu i ka makaikai i na lealea kinipopo, e hana ana ka poe piliwaiwai i ka lakou hana me ke komo pu ana o kekahi poe wahine ame na kane ma ia liana. He hana paakiki no no na makai ka hopu ana ia lakou, oiai he ahuwale loa na aoao apau e nalowale ole ai ka malihini ke hele aku i keia wahi, aka nae ina e laWeia mai ana na a'o ana a kela Loio Kuhina, oia ka hoonoho ana aku i makai kiai ma kela wahi, alaila e melia auanei ka hanaia ana o ia hana, a e koe ana hoi kekahi mau dala iloko o na pakeke o ka poe i manao e hele aku malaila e pillwaiwai ai. Aole palia no keia wahi wale no i manaoia ai e hana aku pela, aka ma kekahi mau wahi maopopo e ae no kekahi i hiki ole i na makai ke hopu aku.i ka poe hakihaki kanawai, a ma keia ano ilio la v kokua nuiia aku ai kekahi poe, ma o ke kau ana o ka weli no ka jma aku i ka hopuia. Ua ike no nae makou i ka hooikaika maoli ana no o ka Oiliana Makai e hooko aku i ka lakou hana mlaluna o keia poe ku-e kana<vai, e like me na hoike maopopo o ka lakou mau hana e ku nei imua o ka lehulehu, a no ko makou ike ana o keia kekahi o na punana a ka j>oe piliwaiwai e hoolulu nei, pela makou i lawe mai ai i ke a'o ana a kela Loio Kuhina a hoike ae i ke akea ina paha ia he kumu e hoopuehuia aku ai keia poe, ke ole lakou e paa maoli i ka hopuia.