Ka Nupepa Kuokoa, Volume XLIII, Number 3, 17 January 1908 — KAKAUIA KA INOA O NA POE I AHEWAIA [ARTICLE]

KAKAUIA KA INOA O NA POE I AHEWAIA

Ua kaula ae nei ka inoa o ka poe i hoahewaia no ka ona rama iioko o na mahina eono i hala ae nei, ma na hale inu rama o ke kulanakauhale o Honolulu nei. I hanaia keia 1 ole ai e kuai waT<eia ka waiona i ka poe i ahewa muaia no ka ona, i kulike ai me ka man&o* 0 ke kanawai, a na hale inu rama hoi 1 nana ole ai i ka wa ae nei 1 hala, a ina e hooko ole ana iakou i keia kauoha ma keia hope aku, aiaila aole he mau kumu kupono ma ko lakou aoao e pale mai ai no ke kau ana aku o na hoopa'i maluna o lakou. He ekolu haneri ka nui o na inoa i paa maluna o ka papainoa i hoomakaukauia; a mai ka hookahi manawa aku i hoahewaia ai, a hiki i ka umikumamaiwa manawa. O ka mea i ahewaia no uffii-kumamaiwa manawa, 0 Frank Peterson, o Ciaudine Jack aku me umi-kumamalima manawa i ahewaia ai. He ewalu hou ae poe i emi mai ko lakou mau manawa I ahewaia ai a aia hoi ma kahi o ka haneri a oi aku poe 1 papalua ko lakou hoopa'iia ana, a 0 ke koena iho, ua hoopa'ila no hookahi manawa. Ua kauoha puia aku no hoi na hale inurama e hanaia i mau puka aniani e hiki ai ke ikeia aku oloko o ka hale 1 ka wa e paa ai a e kapu ai ke kual ana aku i na waiona mahope o na hora i papaia e ke kanawai.