Ka Nupepa Kuokoa, Volume XLIII, Number 2, 10 January 1908 — KAKOOIA KE KOI AIE A KE KALANA O MAUI. [ARTICLE]

KAKOOIA KE KOI AIE A KE KALANA O MAUI.

Ma ka leka a Kiaaina Frear I kakau mai nei la Kokua Klaaina MottSmith, o ka la 23, o ka mahina aku nei o Dekemaba, e hoike mai ana oia no ke kanalua ole o kona huli hoi pololei mai i\p ke Teritori maluna o ka Mokuahi Manchuria, e ku mai ai hoi no Honolalu nei ma ka la 13 o keia mahina. Ua hoike pu mai nei no hoi oia i na mea e'pill ana i ke noi aie dala a| ke Kalana o Maui, i hoouna loaia aku nei i yVakinekona no ke apono ana mai a ka Peresldena Rusawela. Ua loaa mai ka hooia ana i ke Klaaina, mai ke K&kauolelo Garfleld mai o ke Keena Kalalaina, e hoike mai ana i ke apono ana o ka Peresidena e hoopukaia ua, aie Kalana la, a e hoopuka pu ia na bona aupuni, a ua hookoia hoi keia apono ana o ka Peresidena i kulike ai me ke kanawai kumu o ke Teritori o Hawaii. He mea nae keia e ikeia ai ka lioopuhiliia o na manao kanawai o Kiaaina Carter ame Prear maluna o ke kanawai a ka Ahaolelo kuloko i hooholo ai i ke kau aku nei 1 hala, e haawi ana i ka mana i na Kalana e hoopuka i mau aie aupuni. I ka manawa i hooholoia ai o kela kanawai, ua vito mai ke Kiaaina i ke kupono ole o ia kanawai I hana ia ai, eia nae ua a'e no ka Ahaolelo maluna o ko ke Kiaaina mana, a lilo aku la i kanawai manu.

Ia Frear hoi i pii ae nei ma ia noho, ua hoike oia i kona manao e kakoo ana no i ka vito ana a Kiaaina Carter, eia nae, ma o ke noi ana mai a na Lunakiai o ke Kalana o Maui, e ui loaia aku ko Amerika manao maluna o keia ninau, ua loaa mai la ke apono ia e like me ka ka Ahaolelo i hooholo i ai.