Ka Nupepa Kuokoa, Volume XLIII, Number 1, 3 Ianuali 1908 — HE HOOMAIKAI PALENA OLE. [ARTICLE]

HE HOOMAIKAI PALENA OLE.

I o'u mau hoahanau aloha o ka Ekalesia o Kealaokamalamalama, na mua, ame na pokii o'u ma ka hana a ke Akud,, ka hana hoi a kakou apau i haawi, hoolilo, hoolaa a berita pu ai ma ka hoohiki ana i ko kakou kino, uhane me ko kakou Ikaika apau no lehova Sabaota, ko kakou Akua. No ko'u lohe ana mai i ka oiaio o ko oukou hoohiki ana no lehova, ua hoonahae mai oukou i ko'u uhane me ka helelei ana o ko'u mau waimaka e pakuikui ana i kou puunahu i ke aloha i ol aku i ke aloWa. o na wahine. O ka oUkou i hana ai, oia kekahi o na hana kupaianaha loa i hana ia e ko oukou manaoio hana. He mea ole ka loa o na mile 4 i ka hele wawaeia e oukou, he meaoie kela piina o ka pali o Keaniani—e heie ana na makua, na keiki me na moopuna, a i oi pahikuhiku ia ka nahae o ko'u puuwai oia no ka hii ana o na makuahine i ka lakou mau bepe i ka- wa a ka ua nui e poi pu ana mai o a o o ka alna. Me keia mau hiohiona ka ino nui e haluku ana, e kahe ana ka wai o na alanui ame na kahawai, aole nae 'e hiki i ko lakou mana hooweliweli ke paio mai i kela manaoio hana iloko o oukou. Ua hoea aku la oukou iloko o ka liale a oukou i hoolaa ai no lehova ke Akua, ua haia ae ia ka ua mawaho, a aia oukou iloko o ke awa lululai o na hana "Hoike Kula Sabati," no ka. nani oi pookela loa o ke kahu kula sabati nui o ko ke ao apau o Imanuela kona inoa, a malalo hoi o na hooponopono ana a ka Peresidena o na Kula Euanelio o ka Mokupuni o Oahu nei, oia ame oukOu pu kai kaana pu i na ino a ka ua e haluku ana mai luna o ko oukou mau kino pakahi; iloko o ka hoomanawanui ua hoea aku la i ka ipuka o ka hale ua 'hele wale a opili haukeke na manamana wawae ame na lima i ke anu, aka, ua hana oukou i ka hana me ka manaoio hana mailoko lilo ae o ko oukou mau puuwai, ua hooiohe oukou i 'ka leo hea o ka oukou wahi kauwa nei, ua malama i'o oukou 1 na hana hoike kōla euaneiio me ka nana ole ae i na alalai a ka ua e ihaluku ana, me , mau manao hoomaikai, ke haawi aku nei i ko'u aloha ia oukou apau. Ka oukou kauwa, SAMUEI< K. KAMAKEA,