Ka Nupepa Kuokoa, Volume XLIII, Number 1, 3 January 1908 — UA HOLOPAPA LIKE KA HOONEI ANA A KE OLA'I. [ARTICLE]

UA HOLOPAPA LIKE KA HOONEI ANA A KE OLA'I.

He nui ka poe i hoike ae 1 ko lakou ike ana i ka hoonei ola'i ma ka po o ka Poaha he elua pule aku nei oiai i na hora ahiahi okoa no ka hoonei ana ae no elua manawa. O ka poe no i hoi koke e hiamoe mamua aku o ia manawa, o lakou ka 1 ike ole, a pela no hoi me kekahi poe ma na alanul. O keia iho la ka ike houla ana o ka hoonei ola'i i kulike loa me ko na makahLki eha a eiima i hala ae nei maloko no o keia kulanakauhale, koe nae na hoonei ola'i liilii i kekahi| mau manawa. *' Mai na pe'a l waho mai o kte kulanakauhale nei i h<}ea mu'a mai ai na lono e pili ana i keia meahou, a ma ka hookuku ana i ka lakou ike, ua kulike loa ka manawa ame ke ano o kela hoonei oia'i ana. Ma ka hoike a kekahi poe, ua hoonaueue maoiiia no ko lakou hale, a ma ka kekāhi hoi, o ka puka wale no ka lakou i lohe i ka ukeukeia, un» ka hoomaopopo ole, i ka naueue ana ka hale hoiookoa. Mamull no hoi o na lono I hoikeia mai na mokupuni* mai, he hoonaueue ola'i holopapa keia apuni na mokupuni, a koe wale no paha o Kauai» aole i iohe ia mai, a mai Moiokai mai kekahi leka i kakauia mai e hoike mal ana e like me ia malaio iho nei: KALAE, Molokai, Dekemaba 21.— Ma ka la 19 o Dekemaba, ma ka hora 8:45 o ke ahiahi a he mau minute paha mahope iho o ia manawa, i hoonei ae ai kekahi ola'i ikaika maanei. He elua mau hoonei ola'i ana, me ka hoomaha ikl ana mawaena o kfela mau naueue ana. He oi aku ka ikaika o ka hoonel ola'i elua ame kona loihi mamua o ka' hoonei ekahi, ana, me he mea la ma ka hoomaopopo ana aia ma kahi o ka iwakalua-kumamallma ame kanakolu naueue ana. Aole nae i ikeia-ka oni ana i o a ia nei, e like me ke ano oia'i o Kaleponi. J3 noke mau ana nae ka puka i ka ukeuke i keia manawa e naueue nei ke ola'i. E 'onioni pu ana no hoi ka ipukukui maluna o ke pakaukau, me ke kono koke ana mai i kekahi mea e paa koke aku i ole ai e hina. Aole he ano hele ko keia ano ola'i, me tie mea la oia hoonaueue ae la ilo apau pu wale lho la no.