Ka Nupepa Kuokoa, Volume XLII, Number 51, 20 December 1907 — MAKAIKAI KA PERESIDENA I KA HAKOKO KEPANI. [ARTICLE]

MAKAIKAI KA PERESIDENA I KA HAKOKO KEPANI.

WASINETONA, D. C„ Nov. 11,—He nui na hana o na ano like ole i malamaia maloko o ke keena i kaulana ma ka moolelo o ka Rumi Hikina o ka Hale Keokeo, aka nae akahi wale no a hoikeikeia ae no ka manawa mua loa ka ikaika ame ke akamai, nana i hoohauoli loa aku ia Peresidena Ru«awela ame kekahi poe malihini 1 kono ia. „ JUa hoike ae ka Peresidean ame kekahi poe lehulehu e ae, mahope iho o ka pau ana o na hana hoikeike o keia ka manawa,maikai i loaa ia lakou ma ka makaikai ana i na hana hoikeike 1 paholaia aku imua o lakou.

He hakoko ke ano o keia hoikeike i haawiia e Mr. Taniemon Hitachiyama ka moho hakoko kaulana maluna o na Kepani apau o lapana, ame kona mau kokua ekolu, he. poe kaulana wale no i ka hakoko, aka no ka papa elua nae ia mau Kepani.

O ka hooko ana keia i ka mea a keia moho kaulana i ka hakoko i hoohiki aku ai imua o ka Peresidena i ka mahina aku nei o Sepatemaba i hala, oia hoi ina e huli hoi hou aku ana oia i Wakinekona, e hoikeike aku no oia i kona makaukau ma ka hana hakoko. Ma kela hui mua loa ana ona me ka Peresidena i haawi makana aku ai oia he pahlkaua i haawiia mai iaia mai kona mau kanaka ponoi mai mamuli o kona akamai i ka hakoko. A ma keia hoea hou ana ona i Wakinekona i haawi ai oia i aha hoikeike no na lealea e hanaia ana ma kona aina makuahine.

He Kepanl nui keia i hiki aku kona kaumaha i ka elua haneri paona a oi aku, a malalo mai no hoi kona mau hoa, aka ua liloMakou i mea ole ia'a i ka wa i hookukuia ai o ko lakou makaukau ma ka hakoko. Wahi ana i olelo ae ad, o kana hana maoli no ia i a'o ia ai i kona aina a e ku pakahi ana oia me na Kepanl he kanaha ma kekahi aoao mai, a i kekahi manawa he elua a ekolu e hele mai ai e hakoko pu me ia i ka manawa hookahi.

I ka pau ana o kela poe Kepani 1 ka hina ma ke ku pakahi ana, ua holo pualu mai la lakou ma ka ekolu i ka wa hookahi, a ua like no lakou apau me he mea ole la imua ona. Ua hoao lakou "e hoohina iaia ma> pa ano apau e hiki ana ia lakou ke hana, aole nae he hina iki, a i ka pau ana o ka hakoko ana, ua hele aku la ka Peresidena a hoike aku la iaia, o keia Jtana lealea mua loa i ike ai I kona hialaai.