Ka Nupepa Kuokoa, Volume XLII, Number 51, 20 December 1907 — KUI KUI HANAUPELE HOLO IUKA HOLO I KAI, HOLO I KOU WAHI E PEE AI A NALO. [ARTICLE]

KUI KUI HANAUPELE HOLO IUKA HOLO I KAI, HOLO I KOU WAHI E PEE AI A NALO.

I ko'u mau la kamalii e holoholo kamalii ana no ma na aekai aloha o ke Onewali o Ohele, i ke kai honehone o Paikaka I ka nuku o ka manu i ka u* Kanilehua; o )teia ae la kekahi o na paani punahele loa i na kamalii iloko o ia mau la.

E pili aku ana kekahi mahope o ke kua o kekahi, a pela iho la e ku lalani ai a hiki i ke kanaka hope loa, a o ka mea no hoi nana e heluhelu ano olioli mai i kela mau hopuna olelo maluna ae, me ke ku'ikifi pu mai mahope o ke kua o kela ame keia hoa paani. a o ka mea e koe hookahi iho ana oia ke Akua nana e hele huli aku i kahi a kona mau hoa paani e hoeke* pue mai ana, a mamua ae o kona manaxa e hele ai e hull, e kahea ae oia 1 keia mau hopunaolelo penei:

Ua nalo, ua nālo, ua nalo, a ia manawa oia e hele aku ai e huli i kahi e pee ana kona mau hoa paani a hiki i ko lakou loaa ana aku; pela iho la keia ano paani a na kamalii o ke au i hala i o kikilo loa, a he paani punahele no hoi i na kamalii iloko o ia mau !a.

Ua hala loa aku la nae ia ano paani 0 ke au i o kikilo loa, aka, eia no nae ke paani ia mai nei no iloko o keia mau la , he oiaio, ua mahelehele ia no ka manawa paani o kela me keia ano paani iloko o ia mau la, e laa ka paani palepio, paani kakalaau, paāni kinikini mabala, paani auau kai, a auau wai no hoi, ma ko'u aina hanau ma Waiakea, Hilo, Hawaii, pela iho la na paani ana i ko makou wa kamalii pela no iloko o keia mau la e nee aku nei, he mau la helu wale no koe a pau ae nei makahiki me kana mau ano paani apau o kela me keia ano. A eia aku ka makahiki 1908 me kana mau ano paani, he paani Repubalika kahi, he paani Demokarata kahi, he paani Home Rula kahi, a he paani ona limahana poola kekahi, ke kuikui hanaupele mai nei ka aoao Repubalika ia oe e holo aku e pee iloko ona i nalo, oe, pela no hoi me Demokarata, Home Rula ame na Limahana o na Poola, o ia kuikui hanaupele like o lakou a pau i kela me keia i loaa ka mana koho balota e holo aku iloko o kahi o laKpu i nalo, aka no'u lho ke manao nei kahi naau o'u e akahele, a no ka mea, aole keia he wa nou e luhelelei wale aku ai no i kou pono k\wila oiaio 1 na paani haupeepee Akua o keia ano. Aka. e ku kela me keia nona iho me ka hoohele malie ana i kona mau noomoopuna no keia mua aku, a oiai oe kau wahine, kau keiki ame kau mau moopuna no keia mua a ku, a oiai oe e kono ia mai ana e lilo aku 1 hoa paani no kekahi o na aoao kuikui hauaupele Akua o kei'a makahiki ae, ea mamua o kou ae ana aku i hoa paani no kekahi o lakou, e oluolu e loaa papaono ia oe na ike ma kou mau aoao apau.

E ike oe i na haupeepee Akua ana a ka aoao Repubalika, ame ke ano o ka lakou kuikui hauaupele ana i kou la!hui Olwl aloha, a e ike pu. aku no hoi 1 na haupeepee Akua ana a ka aoao Demokarata me ke ano o ka lakou kuikui hanaupele ana, a pela no hoi me ka aoao o na Home Rula; nolaila, me ia mau ike lehulehu i loaa ia oe e kilohi pu aku i na iliili konane o na papa kuhlkuhi hana o na Ahahui 0 na limahana uniona e kukulu mai nei iloko o keia mau la, ka Ahahui Oiwi, ka Ahahui Kauikeaouli artie kahi mau Ahahui o kakou e paani mai nei no lakou iho. E ku nou iho maluna o ke kiekiena o ke aloha oiaio ! kou lahui ponoi e paani wale ia nei no e na īimahana Asia, ka poe hoi nana e kailiku ijei i kau wahi mana ai me kau wahine, ame kau mau J<eikl mai kou waha aku. E ku! E hoolono 1 ka nehe a ke kai e, 0 Papaloa la i Kahikinui, Pupuuwale ka'u ahi e, He-a wale kau moe, 1 moe au i kaniku iwaenakonu o ka ino e O ka poe ino o lakou nei e, O ka lahui Asia e hana pu nei me kakou e, E nana ka ia kakou e kuikui hanaupele aku e, He oiaio, he mau aoao kalaiaina wale no lakou nei apau i maamaalea wale no i ka lakou mau paani ponoi iho; a me ia paani i maamaalea ia lakou ke paani mai ana ia kakou i keia makahiki ae a oiai, eia imua o kou alo, a imua ponoi o kou mau maka na paani haupeepee Akua o keia ano, e hoomanao pu ia o ke kinipopo o ka aoao Repubalika e nou ia mai ana imua ou a i lele owili mai ke kinipopo e hoomanao iho oe he paani haupeepee Akua la o ke ano Owili mai ia oe iloko o ka huluhulu' hookahl me la« kou, aka, ua akea ke alanui hele nou pela no me ke Demokarata, aia he mau noupopo akamai loa iloko o ia aoao kalaiaina, a he mea pono no ia oe ke nana pono -aku i ka lakou nou mai, a ina e lele a mio mai ka popo malalo o kou kulana e ku ana, e hoomanao oe he paani kuikui hanaupele ia o ke ano amio pu aku ia oe iloko o ke kamaa buki hookahi, 'a oiai, ua kanaka makua no oe, e pono no oe e kial a makaala nou iho, e nana pu aku i na hooleina kiola noupopo a ka Home Rula i na makahiki i kaahope aku he oiaio, aia he nou popo akamai loa i lele aku mai. ka noupopo aku o ka Home Rula, Hon. R. W. Wilcox a kupono aku la i ka Aama kualenalena o ka Hale Wakinekona, loaa mai la kela pono kiwila ou, 0 ka mana koho balota a hiki 1 kela la, a ke al ku ai hele nei oe i ka mea 1 loaa mai i ka noupopo kaulana Hon. R. W. Wilcox e waiho mai la ma ka ilina 0 Koula. Aloha wale oia, aloha kana wahine, aloha no hoi kana maū keiki e ola nei i keia mau la, a owai hou ae la ma Hawaii nei a iwaena o na Ahahui i keia la i like aku me ia, aole! Aole loa!!

He okoa loa no ka lakou nei ma ae paani ana. he paani o ke ano hoinainalua kanikoha ka lakou nel, a pēhea ana la e kanikoha ai, aia ke kini a kona kokoolua iloko o ka lua kahi i hoekepue mat ai, a oiai, aohe kalia aohe hoopuupuu, aohe onou, aohe no ma na ano apau e kanikoha ai ke klni a kona hoa paani e waiho mai la iloko oka lua. . , Nolaila e like 'me ko kakou ike ame ko kakou hoomaopopo, he makahiki oi ae keia o na paani haupeepee Akua ana e pahola ia mai ana e na aoao kalaiaina like ole imua o kou alo e kuu io ame kuu koko. o ke ola o ka lehulehu ka mea nui oi loa e hana la a e loaa i mau kanaka noupopo akamai loa e lanaklla ai ka lehulehu mal na umii ana a na kanawai monc|>ole anunu o ke au i hala, a e holoi a hoopau loa ia na ano kanawai kuikui hanaupele a ka Papa Ole e noho mana

nei Iloko o Wla mau la, ano ka wa nou e noonoo ai nou iho, Kau wahine, kau kelki ame kau mau moopuna, a mal kali wale i kau olelo hooholo a mahope aku o ka loaa ana ia oe o ka mohala malkal ana o kou noonoo no na kumu wehewehe maopopo no kou pono o oe ame ko ka hale, a na ke Akua Kiekie loa e hoopakele mai i kuu lahui Oiwi aloha mai na paanl kuikui hanaupele a ke aloha ole o na la paani baloka e hiki mai ana. No kahi wa aku, SAMUEL K. KAMAKEIA. Honolulu, Oahu.