Ka Nupepa Kuokoa, Volume XLII, Number 50, 13 December 1907 — HE MANAO HOAKAKA I KA LEHULEHU. [ARTICLE]

HE MANAO HOAKAKA I KA LEHULEHU.

No kekahi mau mahina loihi ae riei i hala i ae aku ai ke Kuokoa i na manao hoakaka o na makamaka, no na mea e pili ana i ko lakou manaoio maluna o kekahi mau loina a ka Palepala Hemolele i hoakaka mai ai no kekahi mau rtiea pono a na kanaka e hana aku ai ma ko lakou aoao e like me ka makemake o ke Akua, a e like hoi me ke a'o ana mai a ka Olelo a ke Akua, a mamuli nae o mau manao hoakaka o keia mau makamaka 1 mai ai kekahi mau manao pane e ku-e ana i ka pololei ame ka oiaio o ia mau manao hoakaka, e like me r»a mea i ikeia maloko o kekahi mau helu lehulehu o ke Kuokoa i hala aku nei. Ua lawe mai ke Kuokoa i na manao o na makamaka me ka hoono, oiai e ala mai ana na manao ku-e aku a ku-e mai o lakou a ku a hoopaapaa maoli, a aneane no e ikeia aku ke kulana ano kristiano ole o ke kanaka mamuli o kekahi mau manao pili kino i hoikeia no ke ku-e ana aku i ka pololei ole o ka hōakaka ana a kekahi. Oiai hoi ua loihi ka ae wale ana aku o ke Kuokoa ia mau manao e hookōmoia maloko o kona mau kolamu, a mau mai ana hoi ke kupale mau ana o kela ame keia maluna o kona manao iho i hookomo mai ai, nolaila i ka manawa hea lā e pau ai keia mau hana hoakaka

manao maluna o kekhi mau mea o ka Palapala Hemolele, e nokeia nei i ke kamailioia ma ke ano paio aku kekahi i kekahi, a ua ulu mai ka manao iloko o makou e hoakaka aku imua o ka lehulehu, e hoopau i ka hoomau ana aku i keia mau tivmao paio, mamua o ka hiki ana mai i keia makahiki hou ae o kakou. Aole i kaupalenaia na manao e pomaikai ai ka lehulehu ma ka helulielu ana, na meahou no boi e lilo ai i mau mea e hauoli ai ka manao ma ka heluhelu ana iho, ua hamāma mau na kolamu o ke Kuokoa no ia mau manao, a o ka hoala hou ana mai i kekahi mau mea e hlo ai i mau mea hoopaapaa, he mea pono no i ka lehulehu ke hoomaopop>ō i keia leo poloai a ke Kuokoa. Ke kauleo puia aku nei jio hoi, i ka poe heluhelu o ke Kuokoa, e hooponopono mai i ke kakau ana i ko lakou mau manao, no ka mea ua lilo i hana nui ka hooponopono hou ana ae i na manao huikau i hoounaia mai no ka hoopuka ana aku maloko o na kolamu o ke Kuokoa, a he hafta nui hoi ia na makou e hookolo ai a hiki i ka loaa pono ana oka manao maoli i kakauia mai. Nolaila ua kapaeia ka hoopuka ana aku i kekahi mau palapala ī kakauia mai mamuli iho la o ia mau kumu, a mamuli no hoi kekahi o ke kakau oleia ana o na inoa pololei, oiai, aole e ili iho maluna o makou ke ko'iko'i o i kakauia mai. x Ke lana nei nae ko makou manao, e luia ana keia mau manao lioakaka o na makamaka maluna o ka Palapala Hemolele, mai ko kakou mau noonoo aku no keia makahiki ae, a nee aku kakou me na manao hou e lilo ai i mau manao e pomaikai like ai kakou apau.