Ka Nupepa Kuokoa, Volume XLII, Number 50, 13 December 1907 — LEDE ANOLA Ka U'i Hookalakupua Nana i Hoehaeha aku i na Puuwai Elua A I OLE Ka U'i i Molia Iaia Iho Iloko o ka Haawina Laahia o ka Mare ma ke Ka'e o ka Moe Make AOLE MA KE KUAHU. [ARTICLE]

LEDE ANOLA

Ka U'i Hookalakupua Nana i Hoehaeha aku i na Puuwai Elua A I OLE Ka U'i i Molia Iaia Iho Iloko o ka Haawina Laahia o ka Mare ma ke Ka'e o ka Moe Make AOLE MA KE KUAHU.

MOKUNA XV. NA MAHALO KIEKIE I LOAA I KE KEIKI NO KANA MAli / HANA MAIKAI. "O, ina e liiki ana ia'u ke ike ia mea—ina e hiki ana ia'u ke ike aia no ko'u makurihine ke ola la, a e hiki ana ke huli aku iaia, a e ike ana hoi e hiki ana iaia ke aloha mai ia'u e like me kekahi makuahine e ae i ka lakou mau keiki, alaila e loaa ana ia'u ka manao ua komo aku au iloko o ka lani!" wahi ana me ka hauoli nui. I kela manawa ua hele ae la kona helehelena a haikea, me ka hapai pu ana ae o kona umauma no ka nui loa o kona aloha, me kona puili ana ae i kona mau lima, me ka haloiloi pu ana mai o na waimaka nunui ma kona mau maka poniponi. Loli ae la kona helehelena a pane mai la oia i ka wahme e nana pono aku ana iaia, "e ka lede maikai, he makemake wau e kamaiho Imaopopo loa mai oe ia'u no keia mea. Ua olelo mai oe e hele ana oe i kahi o Auntie*e huli ia'u—ua makemake oe e īke ia u no kekahi mea. Nolaila ina ua ike oe i kekahi mea no'u ai ole no kou ohana paha, ano ka manawa kupono loa au e hoike mai ai ia mea me kou poipoi ole iho i kekahi mea." "E kuu keiki e loaā aku ana ia oe na hoakaka apau au 1 makemake ai mai ia'u aku; aka aole nae maanei ma keia alanui no ka mea he moolelo loihi ka'u e hoike aku ana ia oe. Ina he hiki ia oe ke hilinai mai ia'u a e hele pu hoi me a'u, alaila he moolelo kau e hoike aku ana ia oe e lilo ai i mea nou e hauoli loa ai i kou wa e lohe ai īa mealiou Aole ōia i pane koke mai iaia ia manawa, aka i ka nana aku me he mea la e noonoo ana oia me ka nana pono loa ana iluna i na maka o ka wahine. A mahopfe iho pane aku la oia: e "Ae, e ka lede maikai ke hilinai nei au ia oe; he makemake wau 1 kou helehelena, eia nae ua hoopaila mai oe ia loko o'u a lilo wau me he waiu bata la i ku'i ia, oiai ua hana aku nei oe 1 kekahi hana maikai loa ia Aunty a ke manao nei no wau pela ana no paha oe e hana maikai mai ai ia'u. A nolaila ke ae aku nei wau e hele pu me oe, aka "Aka i keaha la?" "E ka lede maikai, ina oe e oluolu ana," wahi ana me ka pn ana ae o kona ula, "aole no ia he mea maikai e olelo aku ai 1 kekahi lqde, aka e leha mau ana ko'u mau maka ma na wahi apau a'u e hele ai. "Ua pololei loa od no kou nana ana ma ka helu ekahi, īna o kou manao ia wahi a kona hoa i kamailio mai ai me ka akaaka ana mai iaia Ke manao nei wau he wahi poo uuku naauao maoli kou maluna 0 kou mau wahi poohiwi uuku," wahi a ka wahine 1 pane hou mai ai, a"aka, aole kumu o kou maka'u ana no kou pilikia a pahele īa paha. He makemake wale no ko'u ia oe e hele pu me a'u no hookahi la. He hiki no ia oe ke hoi mai i ka la apopo ke makemake oe pe a. "He mamao loa aku paha ia wahi mawaho aku o ke kaona nei. wahi a Bertie i ninau ae ai me ka nana ana ae iluna i ka walune me ka hikiwawe. . .. "Ae, he manao no; ;he makemake wau e lawe aku ia oe 1 īke oe 1 kou makuahine, e Bertie." , ' 1 Hoomaka ae la kahi keiki e haalulu i kona lohe ana e laweia aku ana ia imua o kona makuahine, a hiolo mai la na waimaka nunui ma kona mau maka. "Mai hana lapuwale oe i kekahi keiki e hke me a u nei ka mea 1 lini nui e ike a e noho pu hoi me kona makuahine i na la he nui 1 aui ae nei?" wahi ana i noi haaliaa aku ai i kela wahine me ka hiki pono ole iaia kte kamailio oiai oia e hauhau uwe ana, no kona ake nui e īke koke aku i kona makuahine. . , . , • «E kuu keiki; aole o'u manao e hoopunipuni aku īa oe, wahi a ka wahine i pane mai ai me kona aloha nui i kahi keiki e uwe haalo ulo'u ana no kona lohe maopopo ana i kekahi mea e pili ana 1 kona makuahine. . , ~ . .. "Pehea, e aloha mai ana no anei oia ia u? aole o u maikai; ua īke ♦no 0 e aole i loaa iki īa'u he manaw& kupono," wahi ana i hawanawana mai ai me ka haalulu. » "E haawi n\ai ana oia i kona aloha nui me kona naau apau no ka mea ana i aloha nui ai e like me oe, e kuu keikl." «A ina hoi ha pela e lawe koke aku oe ia'u imua ona me ke kali ole!" wahi a Bertie, me ka hauoli nui e ake ana e ike koke aku 1 kona makuahine. • , , , "Manao wau o kau hana pono loa e hele mua oe e kuka me ke keonimana au e noho hana nei, o ha'oha'o mai auanei kela īa oe, wahi a ka wahine i pane mai ai no kona noonoo ana īho o lilo kona nalowale ana i mea e hana nui ai no kela keonimana. "Aohe waiwai o ka hele ana aku e kuka me ia, no ka mea aole oia iloko nei o ke kulanakauhale. I ka la mamua aku o oia i hele ai, a i ka po nei ka hoi ana mai a ua hele hou aku nei 1 keia la, a aole paha oia e hoi mai ana a hala he pule okoa; a nolaila ua luki ia'u ke hana e like me ko'u makemake." "A ina pela ua pono. E kau kaua maluna o kela kaa ina oe e kahea aku ana e holo mai maanei, a maluna olaila kaua e holo aku ai 1 hikiwawe." . A i kela manawa ua kahea aku la,o Bertie e hke me kana 1 noi īa aku ai, a i ka liolo ana mai a ku pii aku la laua a kau a holo aku la i kahi a ka wahine i kamailio aku ai i ke kalaiwa. MOKUNA XVI. KA MOOLELO HOOHIKILELE. 1 Ua hoohala pu ia e na leele opio, ka Lede Anola ame ka u'i Maele Stewart kekahi auwina la pumehana, laelae o ke kau, a ma ke ah.alu o ua la nei ua holoholo aku la ua mau u'i opio nei a noho iho la malalo o kekahi kumulaau niahope alai o ka hale o ka poe mahiai, kahi hoi o ka hale a Made ma e noho ana a nolio īho la laua malaila e hoo-,-anea ai i ka oluolu ame ka hu'ihu'i o ka ea, ka makam ho. e pa kolonahe mai ana mai ke kai mai. Ma keia la a po ua nui loa ka hauoli o keia mau kaikamahine 1 like ole aku me ko na la mamua. Ua oluolu maikai loa ae la ka Leele Anola i keia manawa a he ikaika hoi i oi loa ae i ko na manawa mamua, a ua nu, no ho. kona hauoli i ka hiki pono ana iaia ke hele me ka eha ole o kona wawae me ka hu'i o!e ame ka paa ole īa mai e kekahi mea. "Ke kaumaha loa nei wau i ko kakou kaawale koke ma. ke.a wahi olnolu aku," wahi ana i olelo aku ai la Made, la laua 1 nt *o ai iluna o ka noho malalo o ke kumu liiau:' aole ana no hoi e hiki la u ke i ka hoomanao ana ae i ko laua hookaawale.a. me ke kaUn "Aoi e °no paha kaua e hookaawale koke ia ana a hala kekahi ma-

nawa loihi. E hele mau mai ana no wau e ike ia oe. a oela no hoi oe e hele ae ai e ike pinepine ia'u. Aoie i loaa ia'u kekahi hoaloha maikai loa mamua"—a loli liilii ae la kona helehelena me ke kaumaha— v aole i like ko'u mau lā o ke ola ana me ko kekahi pōe kaikamahine e ae. Aole wau i hoike iki aku ia oe i kekahi mea e pili ana no'u, e kuu lede maikai. E haha'i aku wau ia oe i kekahi moolelo e pili ana no'u, ea?" "He, makemake hoi paha waifr e lohe, ke oluolu mai hoi oe a ke ole e lilo ia i mea nou e ehaeha ai," wahi a ka Lede Anola, me kē uhu ana iho. "He oiaio no e ehaeha ana wau ke kamailio ae wau i kekahi mea walania e hiki ole ai ia'u ke hoomanawanui; aka he mea pono ia'u ke hoike aku ia oe i ko'u moolelo—a*ia hiki loa ia'u ke hoike aku ia oe me ka maalahi i keia wa mamua o ka mea hiki ia'u ke hoike aku iloko o ka makahiki hookahi i hala ae nei." Hina aku la o Made i hope i kona noho a opiopi ae la i kana mea hana e paa ana īloko o kona mau lima i kela manawa, a hoomaka aku la e wehewehe 1 kona moolelo. "I ko'u manawa he umi-kumamaono makahiki," wahi ana i hoomaka aku ai, "aole hiki ia'u ke kii loa aku ihope, no ka mea aohe mau mea waiwai rtui iloko aku o ia mau la, koe wale no ka make ana 0 ko'u makuakane oiai he umi-kumamalua wale no o'u makahiki i keia a i kona hala ana, ua koe iho la wau me ko'u makuahine iloko o ka pilikia nui. A i kela manawa ua leha ae la ko Made mau maka iluna a ike aku la i ka wahine a ke kanaka mahiai e ku mai ana ma ka puka a e peahi mai ana īaia. "Heaha la hoi ka Mrs. Stoneham e peahi mai la ia'u? E oluolu oe e aikane e kali iki a hoi mai wau, heaha la hoi kona makemake ia'u," wahine ana a ku ae la oia a hele awiwi aku la i ka hale a ka waliine e ku mai ana. "He wahine u'i maoli no hoi o Made," wahi a ka Lede Anola i noonoo iho ai, iaia e nana ana i ko ia la hele a komo aku la iloko o ka hale. A kalele iho la i kona auwae iluna o kona lima, a e nana ana oia i ka moana, me kona noonoo nui i kana mea aloha e waiho mai la ma kela aoao o ka moana nui akea.' Ua lilo loa ka moana i mea hookaumaha loa mai iaia i keia manawa, no ka mea i ka manawa ana e nana aku ai e hoalaia mai ana kona noonoo no Roe, alele akLi la kona noonoo apaLi mahina o kela moana nui akea ma kela aina mamao, kahi hoi ana e manao paa mau nei aia ko Roe kino kupapaLi ke moe lolii la iloko o ka lua pa-u puanuanu malaila, a ilaila hoi oia e iini nui nei e holo kino aku e ike i kona he a e hoihoi mai hoi i kona mau iwi, ke loaa ka manawa. Ua nanea loa oia, no ka mea aia kona mau manao apau i kahi e kahi i auwana ai, a paa ana-keia lirrja maluna o kona poohiwi. Aole oia i puiwa ae i ka wa i kau īho ai ka lima maluna ona, ua manao no oia o Made, a nolaila aole oia i nana ae iluna. "Ua ike no anei oe e Made," wahi ana i ninau ae ai, me ka leo 0 kekahi mea i piha i ka luuluu, ua like ka o-e ana a ke kai me he mea la e uwe mai ana i ko'u hoolohe aku, a aol£ e hiki ia'u ke hookokoke aku i ke kai me ka loaa ole ia'u o*ka manao uwe ?" Aole oia i nana iki ae iluna i kela manawa ana e kamailio ana, aka ua noho malie no pia ma kona noho, me ka malie loa a hoohuoi aje, a e kau mau iho ana no hoi kela lima malunto o kona mau poohiwi. "Aloha oe, e Mrs. Fonatana! ua nui ko'u huli ia oe a akahi no oe a loaa ia'u," w-ahi a kekahi leo mahope mai ona, ana i kamaaina loa ai, a i kela manawa ua kLi koke ae la oia iluna me ka uwa ana ae, me l\e mea ala ua piha oia i ka weliweli. MOKUNA XVII. KEKAHI WAHINE ANA. Ua ku mai la o Gilibate Fonatana mamua ona me kahi minoaka hoomahie, oiai hoi kona mau maka e lamalama mai ana me ka makaleho mai i ka u'i o ka Lede Anola i kela manawa. HopLi mai la oia i na lima o ka Lede Anola me ka palamimo, no kona hopohopo o holo aku auanei oia mai iaia aku. "Aole —aole e kuu wahi manu huhi nani; e manao ana anei oe e hookuu aku ana wau ia oe a e haalele mai ia'u, ua loaa iho nei oe ia'ii ?" wahi ana i ninau aku ai. "Aole o'u makemake e hele," wahi a ka Lede Anola i pane kakana mai ai, me ka hoopau .ana ae i kona manao pihoihoi, a e hoao ana hoi e hemo mai kona lima mai ka 1 ala puliki ana, a ku ae la oia me ka pololei me ka maloeloe mamua ona. "Ua hooweli mai oe ia'u, a o ka manao mua loa iloko o'u o ka hookaawale aku ia'u mai ia oe mai e like me ka hikiwawe e loaa ia'u." "A! i ka nana aku akahi no a hoi mai la kou mau noonoo maikai —akahi no a loaa ae la ia oe ka noonoō akahele," wahi ana, me kona paha'oha'o no ko ka lede kuoo koke ana, ame kona lohe ana aku 1 kona olelo ana mai aole oia i makemake e holo mai iaia aku. Aia ka lede opio imua ona me na maka hulili me ka paa o ka manao e paio me ia no ka manawa hope loa, 1 "Aohe no e kala i loaa ai ia'u ka noonoo maikai e pili ana nou," wahi a ka Lede Anola i pane mai ai me ka piha hLihu." He kamalii maoli no wau me ka hupo loa i ko'Lt manao ana he kanaka kupono la oe e hikf ai ke aloha ia aku \ ko kaua wa mua loa i halawai ai. Aole loa wau e puni liou ana ia oe! O kela manao nawaliwali pili wale o'u a'u i hana hewa ai i ko'u wa mua loa i ike ai ia oe, he manao kuhihewa wale ia, kela manao lapuwale i loaa īa'u mamuli o ka mana o ka nahesa i kona manawa i imi ai e hoonanea i kekahi mea liilii naaupo, kekahi manu liilii hoi i manao mua ole e aleia ana oia. "Ke ike nei wau ia'u iho i keia manawa aole wau i aloha ia oe, a ina i hoohuiia kaiia ma ka berita maemae o ka mare 1 kela manawa, a i noho pu hoi me oe, ina owau kekalii wahine lapuwale loa o ka ili o ka honua i keia la." "E hoomanao oe o oe ka'u wahine mare—ua haawi mai ke kanawai ia oe na'u." "He nui loa ka ke kanawai mea i hana ai i kLileana ole ai oia e hana," wahi a ka Lede Anola me ka helehelena makona, "oia hoi i ka wa i hoololi ano e ia ae ai kona lawelaweia ana e kekahi kanaka e like me oe." I kela manawa pii ae la ka ula ma ko Gilibate Fonatana mau papalina me ka huhu nui. / Ua hiki pono ole laia ke hookanaka iaia iho i keli manawa, no ka mea ua hele mai oia i kela wahi i kela la—ka la no hoi i hoohikilele ia ai kona mau noonoo e ka helehelena o kekahi kanaka malihini 1 like loa ka helehelena me Roe ma Rochester—a Roe hoi 1 manao ai e liopu i ke kani a-i a e uumi iaia ma kela wahi, a i kaohi ai hoi i kona manao huhu mamuli o kona noonoo nui no ka Lede Anola: Ua nui ka hana a keia Fonatana i kela kau ma ka huli hele ana i ko Lede Anola wahi 1 hele ai no ka huli ana 1 kona ola; a o ka poe apau i ike i ko Lede Anola wahi i hele ai a i lohe ki hoi i ka hana lapuwale ana a keia Fonatana ua pani loa lakou 1 ko lakou mau waha; ua nui no kana poe i ninaninau ai aole nae o lakou ha'i mai iaia; a i ka manawa hope loa ua hele oia I ka lialeleka e ninaninau ai i ko Anola wahi i noho %i, a pela iho la i loaa ai iaia ka ike i kahi o ka Lede Anola e noho ana. ' "Ua hana ia wau i mea aha 1 kou manao, e manao ana anei oe he kumulaau wau e ku malie loa wau pela me ka oni ole, a e hoolohe aku |;kou mau manao e like me kau i hoike mai nei?" wahi ana me ka huhu nui me ka hele ana ae o na aa o kona lae a kakauha i kau a mea o ka nui o ka huhu. "Ua ha'i mua aku wau ia oe aole wau e haawi pio wale ana i kekahi mea a r u e hana ai aia no a ko ia makemake o'u, a e ike ana oe e like ana no ko'u paakiki ma ko'u nianao e like no hoi me kou. No-

laila, rmi keia la aku, ma kau wahi e hele ai, e uhaihele aku ana no wau mahope ou, a e kukala aku ike ao holookoa v o ka'u wahine no »• oe "He mea oiaio kau e olelo nei? Ehia wahine ake kanawai oko kakou aina i ae ai na ke kanaka hookahi, e Fonatana?" wahi a kekahi leo i kahamaha mai ai oiai e hookokoke mai ana mahope mai o laua. I kela manawa huli like aku la o Fonatana me ka Lede Anola ihope i kahi o ka leo i pa-e mai ai, no ka mea aole loa Izfua i lohe iki i ka nakeke wawae o kekahi mea e hele mai ana i ko laua wahi e ku ana, me ko laua manao o laua wale no ke ku ana malaila. I kela manawa a i huli aku ai, ike like aku la laua ia Made e ku mai ana me kona mau maka e hulili mai ana iloko o ka anaanapa 0 ka liula, a e hiolo ana no hoi kona mau aahu nani ma kela ame keia aoao o kona kino aulii, ua hele hoi kona inau papalina a ula nono i ka ua mea o ka piha huhu ia Fonatana. I kela manawa a Fonatana i olelo aku ai ia Lede Anola oia kana wahine mare o kona wa ia i hiki 'mai ai ma kela wahi a lohe pono loa mai la i na olelo a Fonatana. laia i haalele aku ai i ka hale, ua ike mki la oia ia ,Fonatana e ku ana me ka Lede Anola; a iaia i hookokoke mai ai, ua pii ae la kona okala me ke kunahihi no kā huhu. I keia mana\va ua pau ae la kona ano huhu nui auhee aku la ka ula nono mai kona mau lehelehe aku, a ua hoopihaia oia me ka haalulu—a hekau iho la ka weliweli maluna ona. A i kela manawa hookokoke mai la oia i kahi a Lede Anola ma e ku ana a pane mai la me ka inaina nui ia Fonatana. M)amua o kona pane ana mai ua hoomaopopo iho la no oia i kfc kumu o ko laua paio ana, he mau mea no ia i koe aole i hoike aku k* Lede Anola iaia a pau pono, ua huna no oia i kekahi hapa o kor*« moolelo. A me kona manaopaa me ka aa o ka manao iloko ona e paio aku me kona enemi, pela oia i hele aku ai a kahamaha i ka laua kamaiho ana e like me ka kakou i ike ae nei mamua. Ua kunou haahaa aku la o Fonatana imua o ka wahine u'i e ku mai ana imua o kona alo, me kahi aka hooha'i ana iho, mahope iho o kbna hoohikilele ia ana mai e ka lede opio, a haikea ae la kona helehelena i kela manawa. Noonoo iho la o Fonatana i kela manawa he wahine u'i hokai loa oia i kona komo ana mai e kahamaha i ka laua kamailio, a kahaha iho la kona naau i ka holopono ole o kana mea i manao ai. "U'i maoli no hoi o Made 1 keia manawa," wahi ana e noonoo ana iloko ona. A i kela manawa pane aku Ia oia me ka leo nanahe: "E ka lede maikai, aole oe i hoolauna mai nei ia oe iho ia'u, a he hana kohu ole hoi na'u ke pane ole aku i.ka ninau a kekahi lede. O ke kanawai, e like me ka'u 1 hoomaopopo ai, ua ae ia ke kanaka e lawe i hookahi ana wahine a oia keia," wahi ana, me ke kuhikuhi ana iho i ka Lede Anola, "a ke hoole mai nei nae oia aole ka wau he kane mare nana." "Heaha kou kuleana o ka hele ana mai nei ianei i keia la, a i keia manawa hoi oka la? E manao ana anei oe o kau wahine keia?" wahi a Made i pane aku ai me ke kuoo, me kona apo ana aku i ke kino o ka Lede Anola! « "Ae, ke manao nei au pela. Ua mare pono ia maua iloko o ke kulanakauhale o Nu loka aneane elima mahina i hala ae nei." "A auhea kekahi wahine iho au?" 0 kela mau huaolelo i hoopukaia aku e ka lede opio, Made, he mau olelo wela maoli ia a i lilo ai hoi i mea no Fonatana e ku lohaloha ai. A no kekahi manawa loihi loa ua pane aku la oia me ka haalulu,; '"ka wahine hea la?" "Kela kaikamahine opio hupo ka mea nona ka puuwai i lilo ai ia oe, a o ka mea hoi au i hoowalewale ai e haalele 1 kona home i kekahi ahiahi e like no hoi me keia, aneane he umi-kumamaha makahiki i hala ae nei." * "Aohe a'u wahine e ae—Aole wau i ike i kau mea e kamailio mai nei," wahi a Fonatana i pane aku ai me ka haalulu. He kanaka koa oia me ka wiwoole i jia manawa mamua aku, aka 1 keia mimrte ua ikeia aku kona naka haalulu i keia kaikamahina opiopio wale no. Ea ae la kona poo iluna a nana pono aku la i ke kaikamahine ana i hoohaumia mua ai, a me na maka wiwo o ka mea maka'u a hohe wale, ninau>hou aku la oia: "Owai oe, e kena wahi nalo liilii i aa mai ai e ninau ia'u i kekahi ninau e like me kela ke ano?" | A e like me ka anapu ana a ka uwila, ame ke ku'i ana a kekahi i liekili pamalo, ua poha mai la kekahi leo kalakala, nana i hoopii loa | ae i ka huliu iloko o Fonatana: "Owau no hoi keia o ko wahine au i hoowalewale ai a mare ma-lu ai no hoi kaua a mahope haalele ino ia iho.ai no hoi oe!" ■ r '' / MOKUNA XVIII. "' " '' l'- i "AIA KA OE MALAILA." I' ' < Lelele ae la oia iluna me he mea la ua kiia mai la oia i ka pu; a no ka Lede Anola hoi me kona hauoli nui, ua noho x iho la oia ilalo o ka nolio me kona noonoo ana ae i kona palekaila mai na umii mai a kela kanaka kolohe. Hele aku la o Fonatana imua a hookokoke aku la i ka wahine opio me ka helehelena paha?oha'o, me ka haalulu, a nana pono aku la i na maka o ka wahine ana i pauaka ai i na la i kaahope, me kona hialaai nui i ka u'i ame ka hiehie o kona kulana, me ke kanalua nui no nae īloko ona o keia anei ka wahine ana i mare ai mamua, e like me kana i hcfike mai ai. "Ae, owau no kau wahine," wahi ana ihe ka leo malie, a eia nae me ka weliweli an\e ka hoowahawaha wau e hoakaka aku nei ia mea ia oe, a ina aole keia kaikamahine ina aole mea nana wau e hoowalewale mai e hoike aku īa mea, i mea e hoopakele ia ae ai keia kaikamahine, a'u hoi i aloha nui ai me he hoahanau ponoi la no'u, mai kau mau hana lapnwale mai. "Owau no hoi kela kaikamahine liilii hupo ka mea au, he umikumamaha makahiki 1 hala ae nei, i hoowalewale ai me kau mau huaolelo waimeli, a i hina ai hoi i ka hewa nana i hoopoino i kona ola ana i na la apau mai ia manawa mai—ka mea no hoi au i hoowalewale ai e mahuka mai kona makuahine aloha aku, a ma kau hoopunipum ana ua lele pau aku me ka hoohiki ana e hahai hele mahope ou —ka nieA no hoi au i hookaumaha mau ai me keia mea huna weliweli, no ka mea i kela mankwa aole oe i lawa no ka malama ana i ka wahine, a i kela manawa, mahope iho o kou manaka ana iaia ua hoohuli mai la oe 1 kou kua iaia me ke aloha ole, me kou lawe pu ana i na palapala hooia apau ma ke kanawai o kela mare, a haalele iho la oe iāia me ka naau kaumaha, e paio aku me na haawina ehaeha o na la mahope aku, e like me ka ikaika i loaa iaia. * "Owau o Made Stewart, a ke ku nei wau maanei a hoike aku ia'n iho, owau kau wahine i mareia ma ke kanawai, a no ia kumu aole loa e hiki ia oe ke huli hou aku i wahine'nau. "E hoike aku ana nae au ia oe me ka hilahila i keia mea," a hoomau hou aku la no oia me ka teo moakaka, me ka walama nae e lito ai i mea eha no Fonatana," a o kau mau hana lokoino i hana mai ai maluna o kuu kino aole loa he mea hiki ke hookaawale aku ia mea mai a'u aku imua o kou alo malalo o kekahi mau kumu e ae; ke hana nei wau ia mea i keia manawa i kumu e hookuuia ae ai o keia kaikamahine mai kela mana lokoino mai e haawe mau nei maluna ona mamuli o kau nakii ana." 1 kela manawa aole puai leo o Fonatana, ua like loa oia me kekahi kii pohaku leo ole ka mumule me ka oni ole. , (Aole i pau.)