Ka Nupepa Kuokoa, Volume XLII, Number 49, 6 December 1907 — HE AHI NUI KA I HOLAPU AE. [ARTICLE]

HE AHI NUI KA I HOLAPU AE.

Ma ke kakahiaka nui poniponi o ka Poakahi nel ma ke alanui N«uanu, e kokoke aku ana i ke alanui Kalepa, ua hoopuiwaia ko Honolulu nei poe e kekahi oeoe pauahi ma ka hora 1:20, a he manawa loihi hoi i hala ak* me ka ha'o aole he wahi pauahi ijci. He hale hoahu -mauu ame ka ai a Tca lio, no Sing Wo ka i holapuia ae e na alelo manamana ana ole o ke ahi. He hale keia i uhiia me ke pili hao a puni, a o mua, he uinihapa e huli la i ke alanui Nuuanu. I ka wa i h'ki aku ai na kaa kinaiahi elua, ua pau holookoa na mea oloko 1 ka a ia me he imuahi enaena la. E oili mai ana na ula ahi ma kaupaku a ma na wahi hakahaka o ke kihi o ka hale,. me ka lelele ana o na huna ahi iluna. O kahi i laki loa ai aoie makani iKaika o kela po e nui aku ai ka poino o kekahi mau hale e aku. Mai lilo paha' i puulehu ka hale inisua o Bihopa ame na keena Trust ma ke alanui Beteia, he mau kapuai wale no mahope aku o kela hale pauahi, ina aole keia mau paia hao ka mea nana i alai aku i na ula ahi enaend e hclapu mai ana a hiki i ka manawa a na kaawai i hikl ae ai. O keia haleaina 6 Scotty Meston's Cafe, ma ke kihi o na alanui Kalepa ua pg.kele no mamuli o ke akea loa o kona pa ame kahi alanui mawaena olaila ame ke ahi. A ma ka aoao e pili ana i ke alanui Nuuanu na ka paia uinihapa manoanoa o kela hale inu rama o Lansing i paku a hoopakele aku i ka hoopo?no ia ana aku o na hale ma ia aoao. Ua pio no ke ahi, me ka loihi no nae o ka mana\\;a, mamuli o ka nui loa o na ukana oloko.