Ka Nupepa Kuokoa, Volume XLII, Number 49, 6 December 1907 — HOPUIA KE KEIKIALII O TAHITI. [ARTICLE]

HOPUIA KE KEIKIALII O TAHITI.

Maloko o ka nupepa Call o Kapalakiko 1 hoikeia ae ai ka paa ana o ke Keikialii Salmon i ka hopuia e ka Makaikiu T. E. Oonlon, no ka hoao ,ana e kolohe i ka poe ana i aie aku ai. O keia no< hoi ke Keikialii nana na olelo hoonuinui i hoikeia ae ai maloko o kekahi mau nunepa o Kapalakiko i koha hoopalau ana me ka Moiwahino Liliuokalani. Ua nalowale aku ua Keikialii la no kekahi mau la ae nei i hala mai Kapalakiko aku ,a no ka manao ia e hoao ana oia e kolphe mai i kana poe o ka aie ana aku, ma 0 kona huli hoi ana aku no Tahiti maluna o ka Mokuahi Mariposa, nolaila ua huliia aku la oia

a hiki i kona loaa ana aku e noke ana i ka inu waina maloko o ka hale hookipa o Mrs. Nixton ma Plittsburg, ma ke Kalana' o Alameda. I ka manawa i hopuia aku ai oia, ua lāwe loaia mai la oia no Kapalakiko. a oiai aole he loaa o kona mea nana e ku bona. ua hoopaaia aku la no oia maloko o ka halepaahao. He nui kona mau aie, o ia hoi no ka uku o kopa mau hokele o ka noho ana, na bila no hoi no na waina ana e inu ai ,ame na bila o na kaa otomobile ana e holoholo ai, a i keia manawa ona i nalowale honua ai. ua noke koke ia oia i ka huli a hiki i ka hoolimaiima maoliia ana o ka makaikiu.