Ka Nupepa Kuokoa, Volume XLII, Number 47, 22 Nowemapa 1907 — Ke Kai Hoee Weliweli ma Samoa [ARTICLE]

Ke Kai Hoee Weliweli ma Samoa

APIA, Oct. 19.—Mai Matautu mai i hoikeia mai ai ka lohe e pili ana i ke kai hoee malaila. He nui na kai hoee liilii i hiki mai ma ka la Sabati ka la 6 o Okatoba i ka manawa e piha ana o ke kai, a he hapaha hora mahope mai ua ku mai la kekahi nalu nui mamua pono o kahi a na kanaka e akoakoa ana ma kahakai a puhee liilii aku la i kahi e. Ua hiki aku ke kiekie o ke kai ma kahi o ka umi ame umi-kumamalua kapuai a pahola mai la me ka ikaika nui. Mai ke kukulu hikina-akau no kahi i hiki mai ai o keia kai hoee e like no me ke kai hoee mua. Ua ikaika maoli ka hana a keia kai hoee i ka hale waapa o ka hui D. H. & P. G., a ua pau loa ua hale la i ka nahaha. He nui na waapa i hoopoinoia, a pela pu no hoi me kekahi kaa bake i hookomia ia aku maloko olaila, ua pau pu i ke okaoka. Ua koe no kekahi mau kua i kukuluia ai o ka hale aka ua lana hele aku kekahi iluna o ka wai. O na uwea keia i paia ai, ua laweia aku e ke kai, o kahi nae o ka laki, ola ka pii wale ana mai no o ke kai a hiki i ka lanai o ka hale noho alaila hoi aku. Ua pakele mai na halekuai mai na hoopoino mai, oiai ua kiekie loa ko lakou kahua o ke ku ana, a e holo wale ana no ke kai malalo, a ua piha nae ka pa i ke one ame ka opala. Ua pahola mai ke kai hoee mai Saleaula mai a hiki i kahi o ka D. H. & P. G., a ma Safai hoi, ua lilo aku na moena mai na kauhale Samoa aku e ku kokoke ana ma kahakai, a ua pau ka waapa i ka hoolilo ia i wahie. Ua holo aku ka hapanui o na kanaka

e noho ana ma keia wahl no Avao, a hiki loa aku i kahi kaawale aku ma ke komohana no ka hoaumoe ana ma ia po. He nui na waapa ame na auwaa ma Satoalepat i pau l ka nahaha, >a ua . pau loa hol na hale waapa Samoa mai Safai mai a hiki i Fagamalo i ka pulumiia e a pela no ka hale waapa ma Fagamalo. tMe he mea la nae o Mr. Brunt ka mea ol loa aku o ka poino, no ka mea ua pau loa kona mau hale apau i ka hoopilikia ia e ke kai, a koe wale no ka halekuai. O ka hale keia e hoahuia ai o na pulunlu, e huli pono aku ana i ke kai, ua holoia mai la ia aoao. a hula pu aku la ke krri ma kekahi aoao. Ua lawe ia aku na kauhale liilii. a 1 ka wa o ke kai i hikl aku al 1 ka hale noho o Mr. Brunt, aia no Jce kiekie o ke kai ma kahl o eono kapuai, ua nahaha akii la na puka aniani, a komo aku Ia ke kai iloko o kahi moe ame ke kino hale. ',Ua lilo aku la na pou, a waiho wale iho la no kaupoku ame ka lanai o ka hale. Aia he puka nui iloko o ka hale, !a aole hoi he nohoia i keia manawa:e ke kanaka. Ua upa puia aku ka hale kaa, a mamutt o ka hiolo ana o ka hale, ua hoopoino ia kekahi mau kaa ekoiu e waiho ana maloko. Ma ka hoomaopopo ana i ka ikaika o ke kai hoee, he ikaika maoli ke ano o ka hele ana ho ka mea ua kaikai piuia ae ka pahuwai o 400 galani a klolaia iho iluna o ka lanal 1 palainapunaia, a o ka pahuwai hoi o 100 galanl wal ka nui, ua lawe ia aku nowaho o ke alanui. Mawaho ae hoi o keia kal hoee, ua haule pu mai kekahi ua i like me Ua wai kai, ka mea hoi nana i hoopoino aku i na mea ulu. Ua hoikeia mai ka lohe mai Matautu mai ma ka la 12 o Okatoba, mahope mai o ka Poaha ka la 8, e haule mau ana ka ua ame ka lehu i kela ame keia manawa. Ma ka Poalua, ua haule mai ka ua o na lehu maloo, ka mea nana i hoouli-j uli mai i ria mea apau e waiho ana mawaho o ka hale a pau pu no hol me ka hoeleele ana 1 na hale ame na pono hale. He uuku loa kalii ikeia aku o ka ulu uliuli mai o na m«a ulu mal Seleaula aku a hiki i Avao, he uliuli pu lW fvle n<V ika lau d a ulu, a ke» p»au nei i ka helelei, uā pau hoi na mea kanu ame na nahelehele e ulu ana maloko o na kihapai, a o na huai hoi keia i kokoke loa e pala, eia lakou ke helelei wale nei. N O ke kumu i loaa mai ai o keia ua o ka wal kai, mamūll no ia o ke ao uwahi e like me la i Ike muaia i ka wa e iho ana o ka pele 1 ke kai. Ua laweia mai ka uwahi i Matautu e ka makani hikina. a ua nui loa ka pii ana a ka uwahi iloko o kela mau la aku nei i hala, a ma ka hoomaopopo ana ke a nui nei ka pele. Mawaena o ka hora 11:30 ame ka hona 12 o ka Poakahi i hala i ike ia ai kekahi mau hoonei ola'i a ma kahi hol o ka luapele e ikeia ana ka punohu ao me ke ea kukaepele, a e kau ana hoi ke ao ulaula haeleele maluna pono o ka luapele, he mea hoi i ike mua olela mamua.

QUAYAQUIL», Mexico, Nov. 19.—0 kela huina kanak,a nui i ikeia he poe kipi !ku-e i ke aupuni ua pau nui i kā. hopuhopuia i nehinei a kukuku nui ana iloko o ka halepaahao.