Ka Nupepa Kuokoa, Volume XLII, Number 47, 22 Nowemapa 1907 — UA HALA, UA NALO, UA NEWA AKU LA MA KE ALA POLIKUA A KANE. [ARTICLE]

UA HALA, UA NALO, UA NEWA AKU LA MA KE ALA POLIKUA A KANE.

Ma ka hor a 1 o ka auwina la Pmko'.u 0 ka pule i hala, Xovemaba 13. i kuu mai ai o Mrs. Keakawailiula Makakoi 1 kona hanu hope loa, a newa aku la kona uhane ma ke ala Polikua a Kane a waiho iho la i ke kino lepo e hol i ka lepo e like me ka "He lepo oe a e hoi aku no oe i ka lepo, a o ka uhane e hoi aku ia i ka Mea Nana ia l hana." E hoonaniia kona inoa; Nana no i haawi mai a Nana no i lawe akd. Ua hanauia oia ma Pahaalele, Waiehu, Maui, ma ka la 14 o Malaki, 1562 a ua piha iaia na makahiki he 45 & ol ma keja ola ana, mai ka puhaka mal 0 William H. Luaklnl ame Mrs. Kuailoa. He kaikamahine papa oia no na Hono a Piilani. He makuahine aloha, he heahea, he lokomalkai a he makuahine noeau ma na hana o ka noho ana home. He ike i ka poe kiekie a haahaa, a he like wale no imua o kona alo ka poe 'waiwai a ilihune. fUa hala aku oia no ke ala hol ole mai. Nolaila, e ka welelau makani a ke Aeloa e pa kolonahe nei, e ha'i aku oe i na kinl o ka Makanl Kallialoha aole e pa hou ana kona mau aheahe inakani ma kona mau papalina. E ka Iliili nehe i ka pueone o Kuloa, aole oia e hehi hou aku ana ia aeone. E ke kiowai lipolipo o Oheo, aole loa oia . e hiuwai hou i kou mau puewai. E ka Ua apuakea o Hana, aole loa e pehi hou kou mau kilihune ua maluna ona. E ka Ua Lanihaahaa, aole loa e pue hou ana kona ili i kou mau killhune iniki ili. E ka Ua nihipali' o Alau, aoie loa oe e hooma-u hou ana 1 kona ili. Eka Ua Kupunikapa o Lanakila. aole oe e pehi hou ana iaia. E ka Ua Lau awa, aole oe e ike hou ana iaia. E na huna kai o ka lae o Nanualele, aole e kiheahea hou ana kona ili ia oe. E na pali hauliuli o ke Koolau ,aole oia e hehi hou i k ou mau ala kikeekee. E ka Waikau o Keanae, aole o|a e inu hou i kou wal lehua a ka manu. E ka Uluohia o Oopuola, aole oia e luana hou malalo o kou mau malumalu. E ka Ua Peepee Puhala o Hamakua, aole oe e kipehi hou ana 1 kona ili me kou mau paka ua o ka Hooilo. E ka Ua Ula-' dena o Piiholo, e ka Ua ,|Ukiu o Makawao, e ka Ua Naulu hoohae Kiu, aole loa e pulu hou ana kona oho i kou mau paka ua houhou i!|.. E ka Haukololio o Kula, aole loa e iniki hoiS ana kou kehau iala. E ke one lele o Kanaha ame Mauoni, aole e pula hou ana kona mau maka i kou mau huna lepo. E ka la wela moanopu o ke Kai holu 0 Kahului, aole loa e moaunauna hou kona ili ia oe. E Wailuku i ka Malu Hekuawa, aole loa oe e hea hou mai ana iaia e kipa. E Waiehu e ka Ua hoehaili, aole oia e hehi ku hon i kou mau kahua. E Waihee i ka Makani Kllio6pu, o ko lei, ko kama, ko pulapula ke hiiia mai ia i ke Ao popolohiwa a Kane. \ E ka Wai hoihoi La-i o Eleile, aole ola e inu hou 1 kou wai klhene a ka manu. E Kahakuloa I na pali kinikini o Kaukini, aole oia e kaalo hou ana ma kona mau kahawal. E Lahaina i ka Malu Ulu o Lele, aole loa e pa hou ka Maaa malunā ona. E ha'i aku oe e ke Kauaula o Papawai ,e hoolaha aku e ka makani Kololio o Waikapu, e kauleo aku e na Aa haoeoe hauliuli o Kahikinui i na kinl makamaka o na Hono a Piilani, o Keakawailiula o na pali, ua hala, ua mae ua nalohia ua moe aku la oia I ka moe kau a moe hooilo, a hlkl mai i ka wa a Mikaela ke Alii Anela e hookani mai ai i ka pu, alaila,* hoalaia mai na mea apau ,a noho mai ke Keikihipa ma kona noho hookolokolo, a ina no ka pono e loaa ana ka lei o ke ola; a ina no ka pono ole, e loaa' ana ke kaniuhu mau loa. Me ka luuluu. KA OHANA I HOONELEIA I KA 1 MEA ALOHA.