Ka Nupepa Kuokoa, Volume XLII, Number 44, 1 Nowemapa 1907 — HOIKE A KE MOKITE HOALOHALOHA O KA AHAHUI EUANELIO, MOKUPUNI O OAHU MA WAIKANE, OKATOBA 1907. [ARTICLE]

HOIKE A KE KOMITE HOALOHALOHA O KA AHAHUI EUANELIO, MOKUPUNI O OAHU MA WAIKANE, OKATOBA 1907.

Aohe o kakou home paa mau maanei, a he poe malihini kakou ma ka honua. nei, a ke kokoke mai nei no ka hopena o na mea apau, nolaila, e kuoo kakou, a e kiai mau ma ka pule. Ke pa-e pinepine mai nei ko ke Akua leo i na hoa o kela Ahahui i kela makahiki, (1907). Ma Walalua, lune 26 —O Beniamina Naukana ua hala ola i ke kanalima. o kona mau makahiki. Ma Honolulu, lune 27.— O David L. A-i, ua hala oia i ke kanakolu a oi o kona mau makahiki. Ma Honolulu. Sept. 29.— O Reupena Maka, ua hala oia i ke kanahiku-ku-mamalima o kona mau makahlki. Ma Honolulu. Sept. 29.— O mary Elizabeth Parker, ua hala oia i ke kokoke haneri me elua (102) ona mau makahiki. Ua pau ka lakou hana maanei, ua, hoi i ka home mau, a i ka aina o ka maha e hui hauoli pu me na kini lani mao. Ke minamina nui nei kakou no lakou a ke hui pu aku nei keia aha me na wahine kane make, na keiki makuaole, ame na ohana, e auamo pu i na luuluu. E kanikau u me ka poe e kanikau ana. Ke pule nei makou e hoomaha ia mai na naau luuluu e na manaolana. Ua moe lakou iloko o ka Haku. Ua maha iloko ona. Pomaikai ka poe make iloko o ka Haku. E hahai auanei mahope o lakou na pomaikai o ka lakou hana. E hoomaikaiia ke Akua Mana Loa. Nana no i haawi mai, a nana no i lawe aku. E hoonani ia kona Inoa. Amene. W. N. LONO. Komite.