Ka Nupepa Kuokoa, Volume XLII, Number 43, 25 October 1907 — Moolelo o ka Hana Pepehikanaka Manaonao [ARTICLE]

Moolelo o ka Hana Pepehikanaka Manaonao

O moolelo ku i ka manaonao a Kaapana kekahi kanaka Howaii i hoike ae ai i ke ano o kona pepehi ana

1 kana wahine, ua puka mai no ia niai kona mau lehelehe ponoi mai, iaia i haawi aku ai iaia iho iloko o ka lima o ka oihana makai, e hoike ana hoi ua hoomaopopo no oia i kona noke ana i ke kui i kana wahine ame kona peku ana iaia, a koe nae ke kumu o ko laua hoopaapaa ana. Ua huli hoi aku oia i ko laua hale ma ka hora ewalu o ka po o ka Poaha, eia nae aole kana wahine nona ka inoa o Akaka ma ka hale, nolaila, ua hele loa aku la oia ma kahi o Edward, oiai ua hoikeia mai iaia ua heie aku kana wahine ilaila. Ua loaa io aku ia no ka wahine ilaila, a na ka makauhine o ua wahine nei ana i hoike mai iaia, ua hiamoeia kana wahine, a mahope o ka hoalaia ana aku, ua huli hoi aku la laua no ko laua home ma ke alanui Jack. Ma keia hoi ana aku e laua i noke aku ai laua i ka hoopaapaa, a noke aku o Kaapana i ka paluku i kana wahine, a loaa na palapu iaia a o ka hopena o ia mau palapu iaia a o ka make loa ana o ua wahine la ma ke ahiahi o Ka Poalima,

Ma ka hoike nae a Kahula kekahi a no kanaka e noho nei ma Niolopa, ua hoi aku oia mai ke taona nel aku mahope iho o na hora o ke aumoe o ka Poaha, a iaia e hoi malie ana me ka hookoke ana aku nae ma ke alanui Jack, ua ike aku la oia i ka waiho mai o kekahi mea keokeo mamua pono o kona wahi e hele aku nei.

A i kona hookokoke loa ana aku ma kahi o ua mea la, ua ike aku la oia i ka moe mai o kekahi kane ame ka wahine, i kana nana aku ua pa'uhia loaia laua i ka hiamoe, a o ko laua moe ana ma keia wahi ka mea nana i hookomo mai i ka hoohuoi iloko ona, ua moe ma kela wahi mamuli o ka ona.

Ua hoomaka aku la o Kahula e hoala i ua mau mea nei e moe ana, a o ka manawa no ia o Kaapana i ku koke ae ai iluna, a o ko Kahula ike koke aku la no hoi ia o Kaapana ka keia me wahine e moe nei. Ua hoala pu aku la laua ia Akaka, eia nae ua lilo ka laua hoala ana iaia i mea waiwai ole, no ka mea e emi mau aku ana kona wahi ikaika mai kona kino aku mamuli o ka pepehi hoomainoino ana a kana kane. Ua kaualupe aku la o Kahula ia Akaka a kokoke ma ke alanui ololi e komo loa aku ai iloko o ko laua hale a na Kaapana hoi i hoihoi loa aku iluna o ka lanai o ka hale. Ma ka hoike no hoi a Kahula uk ike aku no oia i ka nui eha maluna o Akaka, a oiai o keia hana kokua wale no ka mea hiki iaia ke hana aku ma ia manawa, nolaila ua haalele iho no oia ia laua a hoi loa aku la oia no kona home.

O ia moe hoi ko Kaapana me kana wahine ma ia po, a i ke ao ana ae i ke kakahiaka, ua kahea aku la oia i kana wahine ma kona aoao no e moe ana, eia nae aole he pane leo ae, a manao loa iho ia oia he oi aku ka pono e hele mal oia a haawi iaia iho iloko o ka lima o ka oihana makai, me ke noi pu aku i ke kaa makai e kii i kana wahine e hoihoi i ka Halema'i Moiwahine. Ua kaua ia ko Kaapana hoi ana mai ka halewai aku a hiki i ka maopopo ana o ka hopena o kana wahine, a i ka make ana o ka wahine ma ka

hora eiwa o ia po. ua hopuia aku la oia no ka hewa pepehikanaka ma ke degere ekahi, a ke kakali nei oia o ka hiki mai i ka manawa e hoolohe ia ai o kona hihia. He poe hoike no kekahi ma ka manawa a ka aha koronelo nieniele kumu make i hoike ae i ka lakou ike, aka ua pili wale no nae i na olelo i hoopukaia e Kaapana ame kana wahine i ko laua manawa e hoopaapaa ana aole hoi he ike maopopo e pili ana i ka pepehi ana.