Ka Nupepa Kuokoa, Volume XLII, Number 42, 18 October 1907 — PAU KA LIMA I KA MU-KAIA E KA MANO. [ARTICLE]

PAU KA LIMA I KA MU-KAIA E KA MANO.

Ma ka Poalua o ka pule aku nel 1 "hala i nahuia ai ka lima o kekahl Kepani ma Kalepolepo, Maui e ka mano, a ua hoihoiia aku oia no ka halema'l Malulani ma Wailuku kahi hoi ona i okiia ai e ke kauka, a ma ka hoike a ka nupep'a Maui News ma ka Poaono mai, he maikai no ke ola o ke Kepani lima muumuu. 0 ke ano o ka halawal ana o kela Kepani me ka ulia, poino e like me ka hoike a ia nupepa, oia no ka hele ana aku o ia Kepani i ka lawai'a ma ka hora eiwa o ia kakahiaka. E nana ana oia maloko o kana pahu aniani no ka ike ana aku ina paha he nui ka i'a e komo ana iloko o kana upena, a i kona ike ana ua lawa kona makemake e luu aku ai e pani \ ka waha, o ka upena, ua hoomaka aku la oia « luu iloko o ke kai. 1 keia hoomaka ana aku no ana e Tuu o ka manawa ia a kekahi mano aikanaka i kaalo ae ai, a ike mai la paha i ke kalewa o kona mau lima, ua nahuia mai la kekahi o kona mau lima ma kahi kokoke i ka poohiwi, & lilo aku la ka lima i ua mano la. Aole i loaa mai ka moolelo piha e pili ana i keia pilikla mai keia Kepani mai, oiai he ano Kepani keia no ka akau o lapana a he kakaikahi loa ka poe ma Wailuku i hiki ke lohe i ke ano o kana olelo.