Ka Nupepa Kuokoa, Volume XLII, Number 42, 18 ʻOkakopa 1907 — HOOLAAIA KA PUUWAI O MARIE. [ARTICLE]

HOOLAAIA KA PUUWAI O MARIE.

He wela no ke ahi ke ho-aia, He w r ela no ka inaina ke hoalaalaia, He wela'no ke aloha ke hooipoia. Aka, o ka wela o ke Keikihipa he oi loj* aku ia i ko kela. He ikiiki ka manao kupihkii ke haupu ae, He ikiiki ke aloha o ka ipo ke hiki mai, Aka, o ka ikiiki o ko Emanuela aloha, ua oi aku ia i ko kela. He īkaika ke Kona ke pa mai, He ikaika ka waikahe ke iho mai, He ikaika ka nalu po'i ke ha'i mai, Aka, o ka ikaika o Kupaianaha he oi aku ia i ko kela. He oi no ka pahi oilua ke pa aku, He oi no ka ohe ke naha ae, He oi no ka makemake ke ulu ae. Aka, o ka oi o ka Euanelio he oi aku ia i ko kela. He weliweli ka ma'i luku e pahola ana, He weliweli ke ahi e holo papa ana, He weliweli no ka make ke hiki mai, I Aka, okala o lehova he oi aku kona wehweli i ko kela. He pumehana na kukuna o ka la ke pa mai, He pumehana ke aloha o ka makua i ke keiki, He pumehana ke aloha o ka ipo i ka ipo, Aka, o ka pumehana o ko Kakaolelo aloha he oi aku ia i ko kela. He hu'ihu'i ka waihau i ka puu o ka mea makewai., He hu'ihu'i ke kehau anu o ka Hooilo. He hu'ihu'i ka wai i ke kulu aumoe. o ko Marie puuwai he oi aku ia i ko kela.