Ka Nupepa Kuokoa, Volume XLII, Number 42, 18 ʻOkakopa 1907 — NA KA ILIO I HULI A LOAA KE KAIKAMAHINE. [ARTICLE]

NA KA ILIO I HULI A LOAA KE KAIKAMAHINE.

Seattle, Sept. 23. —Paa malalo o ka hauhee a paapio no kanaha-ku-mamaono hora, a mahope ua loaa a hoopakeleia, o ke ano like keia me ko ka Mauna Alepa, mamuli o ka hanu ana a kekahi ilio Nupaunalana; o keia ka poino i ulia ae ia Miss Liliana Birchard, he kaikamahine oia ua noho mua ma Davenapota, lowa, aka, 1 keia manawa aia ma Tacoma, Wasinetona kahi i noho ai me kona mau makua. L'a pii pu keia wahine opio me kekahi o kona mau hoa me ka manao e pii iluna o ka Mauna Rainier ma kahi kokoke no i keia kulanakauhale. Ma ko lakou hiki ana ma kahi he 10.000 kapuai ke kiekie, ua hehi hewa aku la oia iluna o ka hau me kona manao he hau paa: aka, ma ia hehi ana ua haki aku la ka hau a haule aku la oja a nalowale mai ka ike aku a kona mau hoa. Aneane elua la ka huli ana o kona mau hoa iaia. Ma ke kolu o ka la, ua hiki mai la kekahi opio o Fred Thomas kona inoa me kana ilio nui Nupaunalana. He aneane ekolu kuea mai kana wghi i haule ai ua loaa aku la oia. Ua hihia ia oia a paa eka nahelehele me ka mamao mai ke kaumaha mai o ka hau maluna ae ona, a na ia mea i paku aku i ka makani hu'ihu'i mai iaia aku.