Ka Nupepa Kuokoa, Volume XLII, Number 41, 11 ʻOkakopa 1907 — PAU KA WAAPA O KA NOEAU I KA NAHAHA. [ARTICLE]

PAU KA WAAPA O KA NOEAU I KA NAHAHA.

Ma ke ku ana mai o ka Mokuahf Noeau ma ke kakahiaka o ka la Sabati nei i loaa mai ai ka meahou no ka loaa ana o keia mokuahi i ka iho ma kela kelepa aku nel ana no Hawali, a o ka hopena i loaa mai iaia mamuli 0 ia ino, ua pau kekahi waapa ona I ka nahaha me ka nalowale pu o na eke hoomomona lepo he iloko o ke kai. Ma ka Poalua o ka pule i hala i haalele iho ai oia no Honolulu nei, no kona mau awa maa mau, a ma ka hora 10 o ke kakahiaka o ka Poakolu ae, ua ku aku la oia i Mahukona, a hoomaka kolie no ke kiola ana i kona mau ukana iio ia awa. E noke ana ka makani i keia manawa i ka pa me ka ikaika, a olai aole 1 paa ka hiu ukana no Mahukona, nolaila me ke kiola lima wale no ke kiolaia ana o na ukana, a h« hana lohi maoli no hoi ia o ke kiola ana. Ua hele no hoi a hiki i ka hora elua a oi o ka auwina la, ua nui loa mai la ka makani ame ka ooloku ana mai 0 ke kai, e hiki ole ai i ua mokuahi la ke noho hou aku ilaila, nolaila, ua huki koke kona heleuma no ka hoio ana aku no Kukuihaele. I ka pau ana o na eke leka i ka hooleleia malaila, ua hoomau aku la oia 1 kona alahele no Honokaa, a hoea aku la oia ilaila i ka hora 5 a oi o ke kakahiaka o ka Poalua. Ua hoomaka koke no ke kiola ana i ka ukana ma keia awa, me ka hoomanawanui no nae iloko o ia ino, e pa ana no ka makani me ka ikaika a e kupikipikio ana no hoi ke kai, a ua maikai no ka hooleleia ana o ka ukana a hiki i ka auwina la, ma ka hora eha, ua lilo pu aku la ka hiu ukana, aoie nae i maopopo ke kumu o keia pillkia. Oiai hoi kekahi waapa o ka mokuahi e hoeia ana no uka o ka alna me ka piha i na eke o na mea hoomomona lepo, ua ioaa mai la ua waapa la i ka nalu a nokeia aku la i ka lumilumiia e ka nalu no kumupali, a pau i ka nahaha liilii me ka pau ana o na ukana i ka nalowale iloko o ke kai. O kahi nae o ka laki loa aole he hookahi mea i loaa na Ma ke kakahiaka ae o ka Poalima, ua huli hoi aku la ka Noeau no Kukuihaele a hoohikihiki aku la i kolaila mau ukana apau iuka iloko no o ka ino.