Ka Nupepa Kuokoa, Volume XLII, Number 41, 11 ʻOkakopa 1907 — HE NANE. [ARTICLE]

HE NANE.

Mr. LunaKooponopono, Aloha oc:—E oluolu oe e hookomo iho ma kahi kaawale o ka kakou Hiwahiwa, i ka u wahi nane. Penei ua wahi nane la a'u i manao ai: He wahi lei kou i kui ia iloko o na huina pua he 21, a paukukuia iloko 0 na pauku 4 penei: Pauku 1. E hoomaka ana ia mai ka pua 1 a hiki i ka pua 8, he alahele ia no ke kanaka i luu a ea. luu a ea. . . # Pauku 2. Mai ka pua 8 a hiki j ka pua 16, he mea au i ike nyii ia īwaena o ka poe e noho paofiioni ana me kekahi poe aku, a oia ka makua o ka ino e ala mai ai. Pauku 3. Ka pua 17 ia, he inoa au no kekahi mea kino, a e kaahele ia ana e a'u ma ka aina, ma ka ilikai a ma ka lewa no hoi; a aia wau la ke noho mai la i ka mole o na moku. Pauku 4. Mai ka pua 18 a hiki i ka 21 o na pua, ka lawa pono ana ia o na pua o kuū lei, no ia pauku ka hooheno ana penei: He mea au i ike nuiia iwaena o na lahui kanaka apau, a e malama maikai ia ana au i na la apau, a hiki i ka la e pauaho ia mai a'i au, pela e hoolilo ia aku ai au i ka poe e makemake mai ana ia'u, a ke mea hoola no hoi au, i na kanaka apau, he i'o, he iwi, a he koko ko'u, a he ono, a momona ke ai ia iho au e oukou. Keia ka. lawa o kuu wahi lei, a o ka mea e imi ana a loaa ka haina pololei e loaa no ka uku makana 015 pooleka o 2 keneta. E hoike mai i ka pauku 1, pauku 2, pauku 3 ame 4; alaila hui pau iho i kuu lei, a hookahi lei okoa. P. K. K. KAUAKOIAWE. Home noho i ka Uhiwai.