Ka Nupepa Kuokoa, Volume XLII, Number 41, 11 October 1907 — POOLELO A W. N. LONO. [ARTICLE]

POOLELO A W. N. LONO.

Halelu 101:6, Hapa mua, Aia no ko'u mau maka ma ka poa oiaio o ka aina. L. He alii haipule o Davida. mai kona mau la opio mai, a hiki i kona pii ana ae ma ke kulana kiekie loa. o ka pane poo o ka Hanohano, he moi no ke Aupuni o ka Isaraela. E nana aku ana oia i kona lahui ka, naka, e loaa i poe kanaka o ka aina, ua inaina aku oia i ka mea hana ino. Aole no hoi oia e ike i ke k»v naka hewa. Aoie e noho iloko o kou hale ka mea hoopunipuni. Aole e noho ma kou alo ka mea olelo wahehee. E hooki koke no wau i ka poe hewa apau o ka aina. I hoopau au i ka po» hana hewa apau. j Aka, "aia no ko'u mau maka ma ka poe oiaio o ka ain^." I noho mai ai lakou me a'u, o ka mea hele ma ka aoao o ka pono, nana no e hookauwa mai na'u. Eia ko kakou mau manao alakai: 1. O ka pono o ka aina. 2. O ka pomaikai o ka Lahuikanaka. - a. Ke koho ana i ka' oiaio maoli. & oiaio ka olelo, pololei, paewaewa ole, he aloha akea me ka naauao, a oia k» kanaka e ola ai ka aina, b. O ka lokahi oia kekahi mea e pono ai o ka aina, e koho ana i ka mea oiaio, mai ka mea kiekie ame ka. mea haahaa. Oia ka manao o ka mea haku Ha< lelu. "Aia no ko'u mau maka ma ka poe oiaio o ka aina." Ko Davida Moolelo, he kanaka Kahuhipa kaulana loa oia, he malama pono I na hipa a kona makuakane. hoopilikia no ka Liona ame ka pea 1 na hipa ana e malama ana, aka, ua paio aku oia me kela mau holoholona ekaeka, no ka pono o kana mau hipa, a hiki i kona lanakila ana maluna o na holoholona. He haku Mele kaulana o Davida, ua kono ia oia e komo aku iloko o ka halealii o Saula, e hoomalielie 1 na manao uluahewa o ke alii, ua lilo oia he alakai oiaio no ka aina. He' koa kaulana ke alii o Davida, make ke alii o Saula, mahele ae la k% aupuni o ka ,Isaraela, elua mahele o ka hooponopono aupuni ana. He Aupuni o ka Isaraela, ame kt aupuni o ka luda,jhe ehiku makahikl mahope mai, hui pu mai la na mamo apau o ka Isaraela i hookahi aupuni malalo o Davida, nana mai lakou iaia, a ike i ka oiaio, pololei ame ka naauao o ka Davida alakai ana i ka lahui ka» naka, me ka hooponopono aupuni ana me ka noeau nui. Hoopau aku oia i ka poe hana hewA. e malama ana i na oihana aupuni me ka paewaewa; o ka poe naau akahai, noonoo nui i ka pono o ka aina, A maluna ae o na mea apau a Davida i olelo ai; puana ae la ke Alii Dav!d». 0 lehova no ko'iu Kahuhipa. aole o'u mea e nele ai, Nana no wau i hoomoe iho ma na aina uliuli, Ua alakai oia ia'u ma kapawai lana malie. Oiaio, ina hele au ma ke awawa ma». lu o ka makē, Aole au e weliweli i ka poino, no ka mea, o oe pu kekahi me" a'u; O kou mana, ame kou kookoo, o ko'u mau itaea ia e oluolu ai. Ua ike la o Qolia he koa ikaika a kaulana o ko Pilisetia, kaena ae oia i kona ika, a ninau aku imua o ka lahul kanaka o ka Isaraela, Owai ke kanaka koa ma ko oukou aoao, e ku mai imua o'u? Ua maka'u no ka Isaraela a kuemi hope lakou, no ka nui maoli no o Golia, he umi kapuai kona kiekie, a ua hoopuniia kona kino i na mea kaua. Aka, no Davlda oia ke koa opiopio 0 ka aoao o ka Isaraela, i aa 'aku ia Golia. ia ike ana mai o Oolia e ku aku ana o Davida imua o ke kahua kaua, i mai la o 6olia, he ilio anei au 1 hele mai nei oe imua o'u I keia lā*? j Olelo aku la o Davida, ua makaukau oe i na mea kaua, aka, ke hele aku nei au imua ou, ma ka inoa'o lehova o na Kaua. He wahi kaula maa ma ka lima o Davlda me na a-la liilli ma kona llma, a ua haule nae ke kans|ca ikaika. Na Davida i hooponopono ke au o ka hoomana ludaio, a hikl mai o Krlsto i ke ao nei. t , He Halelu Wanana kela a Davida. Nana aku o Davida ia Hekekia ke alil haipule oiaio, elua haneri makahiki mamua i hala, . Pelā no oia 1 kau aku ai kana hoo. manao ana ia losia he alii haipule oiaio, ka mea nana i wawahi 1 na Akua kii, a puhi i ke ahi. He ekolū haneri makahiki i hala. Nana o Davida 1 na kanaka oialo, oiaio mawaho, a e oiaio maloko, oia ke kanaka e pono ai ka aina, a e ola ai ka lahuikanaka. 1 ka wa i lawe pio ia ai ka lahui o ka Tsaraela i Babulona, ua a'o ia aka lakou e noho mē ka maluhia ma ia aina. Owal ia mea Oiaio? Owai ko kakou Kahuhipa Alii? 6 Kristo, ua haawi mai ia laia e make no kakou. He nui kona aloha. O ko kakou noho lokahl pu me la, ke kumu o ka oiaio, aole e hiki i na Materia ku-e ke noho like. E noho aloha pu kakou me lesu Kristo, Nona keia ao holookoa, ama ko kela ao. ' ' E noho oukou lloko o kuu aloha, me ka oiaio ma na mea o ka Uhane. SIMON PAALUHI.