Ka Nupepa Kuokoa, Volume XLII, Number 41, 11 October 1907 — KUPAIANAHA NA HANA MA KOOLAU. [ARTICLE]

KUPAIANAHA NA HANA MA KOOLAU.

Mamuli o ka hoeha ana o Hanale Pahia Opio ia John Faya, he Pukiki, me ke kupee hao ma ka Poalua o ka pule i hala ma Kaneohe, me he mea la e huli pono ia aku ana na hana a ka Lunakanawai Aikue. He keiki o Hanale Pahia na ka Hope Ma» kai Pahia. Ma kela la ua ona o Hanale Pahia, ame ka hoonaukiuki ole ia mai e John Faya, ua noke aku la kela Hanale Pahia i ka pepehi i ke Pukiki me na kupee hao hoopaa lawehala ma ka hili ana i ke poo a ma ke kino a ma kekahl mau wahi e ae, a ua kukonukonu loa ka eHa i loaa ua manaoia aku e make afta; a ina pela he pepehikanaka ka hihia mao- ! popo loa. I ka hoea ana mai o ka lono i ka Loio Kuhina, ua kauoha kokeia, ka Hope Makai Frank Pahia e hopiu i kana keiki. Ua hoole ka Hope Makal Kka hopu ana. A no ia hoole ana o Frank Pahia ua iho kino maoli ka Hope Loio Kuhina Whitney ame kn Hope Makai George Sea i Kaneoiie e hopu ai ia Hanale Pahia i ka Poalua nei. Ua hopuia o Pahia a laweia imua o Aikue a ua lioho ka aha ma ka Poalua e hoolohe i ka hihia. Mahope koke iho paha o Pahia he hoaloha pilipeia ioa no Aikue ua holo koke mai la oia i Honolulu nei a kuka me ka Loio o Hanale Pahia. I kona hoi ana aku i Kaneohe ua kauoha koke oia e hopuia na hoike apau o ke Pukiki, me ka hopu pu ia o ke Pukiki Faya malalo o ke ano hoopii hookahi. A no keia mau ano hana a Aikue e noii pono ia aku ana keia mau kekee apau e ke Kiure Nui, ina aole e paa ana o Pahia i ke Kiure Nui mamuli o ka Aikue hookolokolo ana.