Ka Nupepa Kuokoa, Volume XLII, Number 41, 11 October 1907 — LEDE ANOLA Ka U'i Hookalakupua Nana i Hoehaeha aku i na Puuwai Elua A I OLE Ka U'i i Molia Iaia Iho Iloko o ka Haawina Laahia o ka Mare ma ke Ka'e o ka Moe Make AOLE MA KE KUAHU. [ARTICLE]

LEDE ANOLA

Ka U'i Hookalakupua Nana i Hoehaeha aku i na Puuwai Elua A I OLE Ka U'i i Molia Iaia Iho Iloko o ka Haawina Laahia o ka Mare ma ke Ka'e o ka Moe Make AOLE MA KE KUAHU.

MOKUNA XXX. KA PAIO ANA NO KONA PONO. He meha wale no ke halii ana maloko o ka rumi no kekahi mau minute, a o na u no ke kaumahā a ke keiki me na makua ka mea e haiamu ana. Xa ka nakeke ma kekahi aoao mai o ka rufou i hoohikilele ae i ka k-de opio, a i kona alawa ana aku, ike aku la oia ia Fonatana e nana niai ana iaia me na maka ua hele a ulupuni i ka huhu. La palaka maoli no kona noonoo nona no ka lilo loa i ka uwe me kona mau makua, a i kona ike ana aku, akahi no oia a hoomanao nona, a ia wa ua hoala koke īa mai la kona ukiuki no Fonatana. Ku ae la oia iluna a pale ae la i na lima o kona makuakane, a lule aku la oia a imua pono ona, a i aku la me ka leo mako-na: . "L'a poina loa wau me ka noonoo ole ae nou," wahi ana, "aka, i keia wa e hele koke aku oe, aole o'u makemake.e ike hou aku ia oe nuanei." "Ua uhaihele mai nei oe ia'u i ko'u home nei me ke ku-e loa 1 ko'u makemake, nau no oe i hahaihele wale mai nei no ia'u, me kou hana ana i kekahi hana lapuwale loa e hookomo ai ia oe iho a ia u pu iloko o ka pilikia nui, aka, e hoopauia ana ia mau ano hana au mai keia minute aku. "E papa," me ka huli ana ae i kona makuakane me ke ake e liooloheia aku kana noi, me kona mau papalina ua hele a nonoula 1 V*a huhu, a e lele ana hoi kona mau maka me he hehena la, o ke a hana lapuwale me ka hilahila ole loa i hanaia i keia kakahipa e ke a kanaka aole ia e pono e hoomanao hou ia—ua hiki loa ia ke hooi>auia me ka nui ole o ka hana, aole anei? "Ua heluhelu no au no kekahi mau mea i mareia pela mamua aku ne ; —ua heluhelu no au i kekahi poe 1 mare hookikinaia a 1 hoopau wale ia me ka nui ole o ka hana, iloko o na nupepa, h<s mau la iwkole wale no i hala ae nei, a aole loa wau e ae iki ana e kauiaJca moa o kela kanaka maluna o'u no hookahi m.nule, a . ole e .keia « paha e ka lehulehu he wahine au nana a he kuleana koi kekah maluna o'u. Aole loa wau e ae iki aku ana e o la kona inoa maluna o'u e like ka loihi me ka nui o ko'u mau la o ke ola ana. "E kuu keiki," wahi a Mr. Anola i olelo aku ai, me ka hoomalielie ana aku iaia, no ka mea ua kahu kaena maol. ka Led, Ano au minute, "e waiho mai oe iaia na'il e hooponopono aku; e hoi oe Uoko <4 E Mrs."Anola, e lawe aku oe iaia nei iloko o ka rttmi," wahi ana -I kana luahine, "a e hoao īho oe e hoonana iaia a e hoopau ae i keia mau ano noonoo kaumaha, ina he hiki, a na'u hoi e hooponopono me keia kanaka lapuwale ka mea nana i hana a i hookomo hoi ia "kaua iloko o ka pilikia i na la i hala ae nei." Ku ae la oia iluna a ka'i aku la 1 ka Lede Anola a hiki 1 ka puka honi iho la iaia me ke aloha a haawi aku la īaia 1 kona makuahine, pans aku la i ka puka mahope o laua, huli hou mai la oia me na maka hulili i ka eepa e haka pono aku ana iaia me he hona la ka mea lioi nana i hookomo aku i ko laua mau kino hapauea īloko o ke "kumakena no ka laua lei a-i i na la i aui aku. . " i MOKUNA XXXI. ; « KA HOOHOKAIA ANA O FONATA'NA. O kela halawai i kukaiia mawaena o Mr. Anola ame Fonatana lie okaikai maoli. A mahope loa i aku la o Mr. Anola: "Aole loa e ikeia kuu kaikamahine he wahine nau—aole loa e leapaia ma kou inoa; a nou hoi, e kena lapuwale, i kou wa e haalele mai ai i keia hale, e hoomanao oe o ka hope loa ia o ka hehi ana o kou mau kapuai wawae maloko o keia hale no ka manawa pau ole—aole oe e hoomaalo hou mai ma keia wahi keia hope aku. "Alaila, e inanao ana oe e hanaia na mea apau mamuli o kou manao iho, me kou nana ole ae i ka pono o hai, ea, pela paha?" wahi a Fonatana i pane mai ai me ka haikea o kona helehelena no kela »nau olelo papa uahoa a ; Mr. Anola. ... "No ka pono o ka'u kaikamahine he pono ia'u ke hoomalu īaia. Ua nonoi mai oia ia'u 1 ka'u mau kokua nona. Wahi ana i olelo mai ih'i, ua hookikinaia oia e oe e lawe i kela kulana poino mamuli o kau hooweliweli ana iaia ma ke ano hohewale a e lilo ai i mea hookaeia. | "Aole ona manao iki nou, a ke hooikaika nei oia ma na ano apau ■e kaawale mai na hoohihia mai apau i hauhoaia ai maluna ona, a t makaala aku ana wau no kona pono i ole ai oe e holapu ae ma kona alahele. (, A no laila, ke hooki nei au i ka'u kamailio ana me oe, a o ke ;i]( ,ha no kou," wahi a Mr. Anola, a ani aku la oia i kona hma me ke 1 uhikuhi ana aku ia Fonatana i ka puka, me he mea la e i aku ana e īk'le koke aku oe. No kela mau olelo hoohilahila a Mr. Anola, pii ae la ka wela i'oko o Fonatana, a aole ona makemake iki ia wa e hoopau wale i kona manao a hiki i ka ulu ana ae he paio hahana mawaena o laua. "Aole loa wau e hookaawale ana ia'u mai keia liale aku," wahi me ka huliu nui, "ma ke ano he kuleana ko'u i ka'u wahine, i 1 ~na kino ame kona waiwai ma ke kanawai, he kuleana ko'u enoho ;:i maane'i me 'ia, a e paio aku ai i mea e loaa mai ai ko'u pono." "O oe io ka ke kahu malama waiwai ma ke kanawai! Hu! mamo au oia maoli no kou manao, a o ke kumu nui no ia o kau hana hoolauwili ana i mea e ko io ai ia manao lapuwale ou, no ko manao īi'.ii i ka waiwai o kuu kaikamahine; e loaa io ana ia ia oe, wahi a Mr. Anola me ka piha inaina. Tii hou ae la ka ula ma na papalina o ua lapuwale nei a kakaa ■ la kona mau maka poopoo makaleho i kona wa i nana mai ai i na v.iaka hulili o Mr. Anola e haka pono aku ana iaia me he uila la. "Malia ua koho hewa wale oe e haawi aku ana kuu kaikamahine '•i.m e hooponopono i kona waiwai?" wahi a Mr. Anola i pane hou ;:ku ai, me kahi minoaka pahene, iaia i noonoo iho ai he liana mamao J .1 ia mai ka hiki ana iaia ke kikoo mai. "E ae mai ana paha ia aole paha, eia nae ua lilo na ko u mana nia ke kanawai e lawelawe i ka hana apau no kona pono, mai ka miiinie mai o'u i lilo ai i kane mare nana," wahi ana, ma ke ano hoooioi. • i;i nae e kokolo hele ae ana no ka manao hopohopo iloko ona no ke ■ " a ko ole paha o kona makemake. "Aole loa pela, e Mr. Fonatana, aole loa pela; ua hana oe me Ke kuhihewa loa," wahi a Mr. Anola me ka leo ko'iko'i, "ina oia kou nianao o ka hookikina ana i kuu kaikamahine e mare me oe me kau hooweliweli ana iaia no kou manao nui waiwai, ua kuhihewa maopopo loa oe, a e hoka oe e pono ai." "Malia paha ua poina oe i ka'u oihana, e Mr. Anola, aka, e kaa aku no au ia oe ma ia mea; he loio wau, e hoomanao oe, a ua oi aku ko'u ike kanawai i kou," wahi a Fonatana i pane aku ai ma ke ano

hoonana, me ka hele ana ae o kona helehelena a haikea no kona hoohokaia. O keia maoli no ka manao o Fonatana i hoolala ai e noho mana oia maluna o ka waiwai o ka Lede Anola mai ka manawa mua mai o ko-na hoinainau ana me ka lede opio, a i ka hiki ana mai nae 1 ka manawa hope e hookoia ai o kona makemake, ua halawai maopopo loa oia me na manao hoohoka. Ua lilo loa keia hoohokaia ana ona i mea na kona nooneo r naluea ai; ina e komo ana kela waiwai nui o ka Lede Anola īloko o kona 'mau manamanalima, e like maoli ana ia me kekahi keiki kolohe e alualu hele ana i ka hu'ahu'a kopa e puhiia ana e ka makani, a e ike aku no oia me kona mau maka i ke poha ae o ia mea 1 ka lewa iaia e aneane aku ai e hopu. "Aohe no i lawa loa ko'u makaukau ma ke kanawai e like aku me kou," wahi a Mr. Anola, "aka nae, ua hiki iki no ia'u ke hoomao- | popo i kekahi mea, i ka wa e hanaia mai ai kekahi hana lapuwale e like iho la me keia, e like no hoi me ka ike a hoomaopopo ana a kekahi poe kanaka noonoo maikai e ae. "I ka wa i hana ai o Roe i kana palapala kauoha, a hookohu mai la ia'u i lunahooponopono no kona waiwai, a hoomana pu mai no hoi ia'u e hoohanaia ka waiwai o ka'u kaikamahine ma kahi a'u i ike ai he pono—me ka ae pu mai o ka'u kaikamahine; a oiai o na dala he elua haneri ame kanalima tausani a kona kupunawahine i hooili nu i ai nona, ua loaa ia'u ka mana e noho kahu ai nona a hiki i ka pihk ana o kona mau makahiki i ka iwakalua-kumamakahi, oia hoi he m< - kahiki okoa koe mai keia la aku." Namunamu iho la o Fonatana i kekahi mau olelo hailiili no mau hoakaka a Mr. Anola. 1 0 kona manaopaa maoli oiai oia ua lilo oia he kanemare na ka Lede Anola, e kaa ana nialalo o kana hooponopono ana ka hoomalu ana i kona mau waiwai apau—o keia maoli no ka manao makee waijvai o keia kanaka, a oia no ke kumu nui o kona ake loa e lilo |ra Lede Anola iaia; aka i keia wa ua ike maopopo loa oia i kona hoka. He hana pono ole loa nona ke kakali ana a hala he makahiki o koa i koe, alaila, loaa iaia i wahi keneka mailoko mai o ka waiwai o ka Lede Anola, ana i kuhihewa loa ai e loaa koke ana no iaia. A kulou iho la oia me ka noonoo kaumaha me ka mihi ana no kana mau hana kuhihewa apau i hoolala ai. "A nolaila i keia manawa," wahi a Mr. Anola, me ke kuhikuhi ana aku i ka puka, "ua lawa ko'u kamailio ana me oe, a e pono kaua e hoopau koke i keia wa; aka, e hoomanao oe i ka'u i olelo mua aku nei ia oe, ina oe e hoao e hou poo mai me ka manao e launa hou me kuu kaikamahine, a e hana mai paha oe 1 kekahi mea e poino ai ma keia hope aku, e auamo ana oe i ka ehaeha o ia hana au." Huli aku la oia e hele iaia i hooki iho ai i kana kamailio ana, a noho iho-la iluna o kona noho, e hoike aku ana hoi ia Fonatana ua hiki mai i ka hopena o ka laua papaleo ana. A no Fonatana hoi me na manao kaumaha he ano hoi i hooku'i ole ia me ia mamua—ua hoohokaia mamuli o kana pahele ponoi no i hana ai, me na\ huaolelo hailiili no kona poino, puka aku la oia iwaho me ke kukule, me ke poo e luliluli ana a nalowale akti la mai ka ike ana aku a ko Mr. Anola mau maka. Ma kela la a po he hauoli nui ma kela hale o Mr. Anola no ko Lede Anola hoi ana mai; a eia nae, aole no i hololea loa ka hauoli, Oiai o ke ano nawaliwali o ka Lede Anola ame ka "hihi a kaunoa hihi i mana, aloha wale ia laau kumu ole," ke ao omamalu nana e hoopoluluhi ana i ko laua mau.noonoo pakahi. 1 kekahi la ae, ua hele aku la ka olomana Mr. Anola e halawai me kekahi loio kaulana o Rochester, e kuka me ia no na mea e pili ana i ka hihia a ka Lede Anola a kakou e mea heluhelu ma i ike ae nei ma na helu i hala, oia hoi, ka mareia ana o ka Lede Anola nie tana. - > •»..«**« 0 ka pane a ka loio, ina he hiki ia lakou ke hooiaio tta hookikinaia ka Lede Anola e mare me ka hooweliweli pu ia, alaila, Ua hiki loa ia ke hookaawaleia me ka nui ole o ka hana; a ua hoikeike pu maī oia i kekahi hihia i hanaia iloko o ka Aha Hookolokolo rtia ke kulanakauhale o Nu loka, i like loa iho la me kela hihia a ka Lede Anola e manao nei e hoopii. Ua hookikinaia ka wahine e mare a ua mare k> mamuli o ka maka'u i ka make; ua haawi aku oia i kona ae e mare me ke kanaka ana i makemake ole ai. A o kahi i pono loa ai kana hoopii he mau hoike kona ma kona aoao i ike pono i na hana i hanaia ai me ka hooweliweli pu, he hooiaio ana ia i ka pono o kana hoopii, a nolaila, ua haawi ka lunakanawai i kana olelo hooholo ma kona aoao. A ina e hoomanao iho ana ka mea heluhelu ma kekahi mau heluhelu i hala e ike ana no lakou i ka ka Lede Anoia mea 1 kamailio ai i kona makuakane, a o keia moolelo a.ka loio e kamailio nei ia Mr. Anola, oia no ka ka Lede Anola i heluhelu ai iloko o na nupepa oiai oia e hoopaa pio ia ana maloko o ka halepaahao a Mrs. Agnew ma Nu loka. Aka, ma keia hihia a ka Leed Anola e makemake nei e hoopii, aolae hoike e ae mawaho ae o kana huaolelo ponoi e hiki ai ke hooiaio ma'i ua hanaia kela hana karaima puuwai eleele; ina ana no o kela kahunapule ka hoike e laweia mai ai e hoike ma ka aoao, ina e hiki 'ana e loaa kela kahunapule, aole ana no e hiki iaia ke hoike mai ua ike oia i kela hana karaima i mea e holo ai ka pono ma kona aoao, oiai aole oia i aa e paio no kona pono imua o Fonatana e ike ia mai ai e kela kahunapule. 1 ka wa i hoikeia aku ai imua o ka Lede Anola ka ka loio mau hoakaka no kana hihia, ua pili kaumaha loa oia, me ka honaku i kahi e pono ai. "Aohe a'u mea e hiki ke hooiaio," wahi ana me ke kaumaha, no ka mea, o Mrs. Agnew ame ka wahine malama hale he kanalua ole ke olelo ae aia laua a i elua malalo o Fonatana, a e hoohiki ana laua ma na mea apau ana e makemake ai. "He oiaio, aohe mea kino e ae malaila, o maua wale no, i ka wa ana i hooweliweli mai ai ia'u me ka pu panapana, a ua lawelaweia ia hana e ia i hiki ole ai ia'u ke oni aku ma na alahele lehulehu. ✓ "No keaha no la hoi i hupo loa ai au ia manawa me ka hiki ole e paio aku imua ona no kekahi mau minute?" "Mai hookaumaha kakou i ko kakou mau noonoo no keia mea, e kuu lei?" wahi a kona makuākane i pane aku ai me ka hoohauoll pu ana aku; f'e hoao mau kakou e hoolana mau 1 ka manao, a na ke au o ka manawa e hoopomaikai ia kakou." He manaya loihi loa mahope mai, ua hookoia keia wanana a Mr. Anola. "E papa, e haalele kakou ia anei, a e hele kakou ma kekahi wahi mamao," wahi a ka Lede Anola, "i ole ai e liiki iaia ke huli ae īa kakou." "Ihea auanei kakou e hele aku ai?" "He makemake wau e holo kakou i Parisa," wahi a ka Lede Anola i pane aku ai me ke kani ana iho o kana uhu me ka walania. "He makemake ko'u e ike i ko Roe wahi i kanuia ai, a ia kakou q hoi mai ai, alaila, hoihoi pu mai kakou i kona m4u iwi a hoomoe iho iaia i ka aina paa nei, kona aina hanau." "Ina ia nei kona kino kupapau. Ina e hiki ia'u ke ike aku i kona HE a e hele mau aku ilaila i kela ame keia Ia a e uhi hoi i kona HE a paa me na pua ana i makemake nui ai, alaila hiki ia'u ke hooiaio iho he wahine kanemake au a o ko'u aloha ua make; aka, nou iho 1 keia manawa eia no au me ke ano hoomauia o na manao pilihua, me he mea la aia no o Roe ke ola la no, aohe i make/' "Uia hiki no ia oe ke hele ma na wahi apau au e makemake ai, e kuu lei," wahi a Mr. Anola, me ka aneane o kona puuwai e naha i ka lohe aku i kana kaikamahine e kaukau ana. "E lawe no au ia oe i Parisa a ma na wahi e ae paha apau au e makemake ai e hele maluna o ka ilihualala o ka honua." ; "Owau no kekahi e makemake nei e holo ilaila, alaila, e nukuia ana e a'u kela kauka o Parisa, no kona«huna loa aole hoike iki mai

īa kak<>u i kekalii mea e pili ana no Roe. Aka, manao nae au o ke kuniu no ka nui no hoi paha o ka poe make oloko o kela halema i i kela i keia la me he hipa la ma kahi e lukuia ai ka nui hewahewa, nolaila, aole e hiki ke hoomaopopoia ae." No ka Leeei Anola aole e hiki koke iaia ke hele ma kela mau >vahi manao e hke me kana e makemake la me kona ike iho no i kona poino, aole i ola kona wawae; a he manawa loihi no ia ana e kali ai a uiha ai, oiai, aia iloko ona na mano nui elua kahi i hookikina ae ai īa manawa. O ka mua, he akenui kona e hiki i Parisa i ike aku oia i ka HE c| Roe, a o ka lua, he ake loa kona e hele a mamao mai ka hiki ana ia Fonatana ke ikfe hou mai iaia. Ua hoomakaukau koke iho la lakou no ka hele ana, me ka manao e hele koke aku lakou mahope iho o ko Lede Anola hoomaha īki ana iho, aka, me ka maopopo mua ole ae, ua loaa iho la. oia i ka ma'i nawaliwali loa. "He ma'i pihoihoi no ka pilihua," wahi a ke Kauka Southwick, iaia i hele mai at e ike i ka ma'i o ka Leed Anola i kekahi la; ua loaa iaia kela ma'i mamuli o ka nui loa o kana mau mea i noonoo ai no ka pilikia, ame ka loihi loa o kona nohopaa loa ana iloko o ka hale o Mrs. Agnew ma Nu loka. A no keia ma'i hou o ka Lede Anola, he mau mahina loihi hou kona o ka waiho ana ma kahi moe, me ke kiai mau o kona mau makua iaia, me na manao pilihua a hopohopo aole paha oia e ala hou mai ana mai kona wahi moe mai. He keu no keia a kahi lede loaa mau i ka ma'i, mea ae no ma'i, a mea iho no ma'i. Nawai e oe ka ma'i ua hele a puai nawele o ke ahe wale la no, e pa no kai makani e hina; aka, o ka manao he uaboa, a o ka u'i he waianuhea pali ke kua mahina ke alo i ke ku a ka wahine u'i. MAHELE ELUA. ' MOKUNA I. ! • HE NINAU I HAWANAWANAIA. ...1 E na hoa kauna o keia moolelo, maanei e waiho iki' ana kakou i ke kamailio ana no ka Lede Anola, a e hiamoe malie no hoi ia iluna o kona wahi moe ma'i, aia a hiki i ka wa pono, alaila, hoala hou mai. Malia paha ia wa a kakou e kamailio hou ai nona ua mama loa oia i ka hele. Mai pihoihoi mai no hoi oukou no Roe me ke ake nui e lohe i kekahi mea e pili ana iaia. E hoomanawanui aia a hiki aku kakou ilaila, alaila, ike kkkou i kona alahou ana e like me ko Lazaro mai ka make mai. ****** He umi-kumamalua makahiki mamua aku o ka wehe ia ana o ka kakou nei moolelo aia hoi ma kahua o waho loa o kekahi wahl ulanakauhale uuku a e hoopuniia ana hoi e na puu uliuli o ka mokuaina o Veremona, e ku ana kekahi wahi pupupuhale, he ano kahiko no, aka nae, he maemae kona kulana e hoopuni ia ana me ua kihapai pua a e haiamuia ana e ke onaona. Ma kekahi kakahiaka laelae o ke kupulau, ka wa hoi a na pua e popohe ana, a e hoopiha ana i ka lewa me ke ala kupaoa o na pua a oia no hoi ka manawa i kakauia, ai keia moolelo, he meha wale no maloko a mawaho o ua wahi hale nei. A o na hoaloha e maalo ae ana, ua hookokoke mai la lakou i ua wahi pupupuhale nei me na kaina wawae e mihi hele ana me ka uumi 0 ka hanu me na manao paha'oha'o, "pehea la ka loihi a kaahope ae na kuaua eloelo o ke kaumaha," oiai lakou e kaukolo aku ana na maka iluna me ke ? jks jaku i kekahi mea ma puka aniani., - Mfeloko o ua wahi pupupuhale nei, e wāiho ana kekahi kaikamahine opiopio maluna o kona moe me ka nawaliwall loa, iloko 0 ke* kahi rumi o ka liale īluna—he kaikamahine u'i nohea oia, a he ktl no hoi i ke aloha ka ike aku a ka poe i ikemaka i kona kino mailo, a nona hoi ke ola makamae e aneane loa nei e omuoia—a e hele aku hoi ke ala laula i\ō ka aina o Kanehunamoku. Aia hoi ma ka aoao o kona moe e nolio ana kekahi wahine aoo nona paha na makahiki he kanalima, e kiai ana me ka naau paumako Ika hanu ana a ka mea ma f i oiai e hapai pu ana kona hanu. No kekahi mau pule lehulehu he moowini loa kona wahi ola, aia ma ka aoao o ka make ka hapanui; a i kela manawa ua hiki mai ka wa no ka hookolo ana, e loaa hou ae ana paha laia ka ikaika, a i ole e kii mai ana paha ka Anela o ka make a hii aku iaia majkela aoao o ka muliwai eleele o ka make. Aohe no he lako loa o ka rumi i ka nana aku; a pela no ma na wahi apau o ka hale, a o na mea 'apau e ikeia aku ana, e hoike maoli mai ana no i ke ano hemahema o ka noho ana, aole nae he ilihune maoli. He ano hemahema ka noho ana ika nana aku, aka nae, kl nana aku i ke kulana o kela lede aoo e nolio la ma ka aoao o ka mea ma'i, he kulana hiehie kona o ka poe 'waiwai a ko'iko'i o ka aina. O kona lole e aahu ana', he lole maikai loa ia nona ke kumukuai nui; ma kona mau manamana lima e anapu ana na komo pohaku momi like ole, na lihihhi nahenahe e kuwelu ana ma kona a-i, a ma kona mau pulima na kupee gula, a ma kona poo he papale kapu muouou Farani o ke ano maikai loa, a na ia mea i huna Jho i ka nani o kona lauoho hina aeae i like ke a'uTi me ka hainaka lihna e waiho ana maluna o kona uha. He wahi ano helelielena like no me kona ko kela opio ma'i e waiho malie ae la iluna o ka uluna, aka, no kona opiopio paha he u'i maoli no kona helehelena ke nana aku i oi ae ī ko ka !ede aoo, koe w<ale no kona hohoma mamuli o ka ma'i, ke kumu o ko ka opio loli loa ana ae. Ua pili kona mau maka, aka, ma ka nana ana aku i kona mau lihilihi maka, ame kona wili oho ehu e waiho ana me he owili gula aeae la ma kona mau papalina, e loaa ana no ka manao i ka mea e nana aku ana iaia he hoohalike me he Anela la e hiamoe malie ana. Ua like kona ili me ka mabala aiai i hoohinuhinuia, a o kona mau papahna hohoma, me na kaha ma kona lae kona waha, ame kona ihu, me he mea la he opio u'i maoli no oia mamua aku o ke poipu ana a ika ma'i malunia o kona kino ame ke ola maikai e popohe ana ma kona mau papalina. Aole i hiki aku kona mau makahiki i ka umi-kumamahiku, a he mea kaumaha ka ike ana aku iaia e moe oni ole ana ma kona moe me ka manao i kela ame keia hora ua kokoke loa mai kona hopena. Aka, oiai e noho ana no ka wahine aoo ma kona aoao me ka ua kakaa ae la na maka o ua opio nei a hawanawana ae la oia i ka wahineWoo me ka hoopuka ana ae i kekahi inoa. Ma ka hoomaopopo aku he inoa nana i hoihoi ole ai. Hikilele ae la ka wahine aoo a i kona hookokoke ana iho no ke ake e lohe pono, haka pono ae la na maka o ka opio ma'i a pane ae la me ka leo hawanawana: "E mama Madelena, heaha keia o'u?" "Auwe," wahi a kona makuahine, "he ma'i nawaliwali loa kou, e kuu lei, a eia au ke noho nei maanei me ke kaumaha nui nou. "E manao ana anei oe e kuu lei la he pono kekahi." "Eia paha kaua la iloko o ka pilikia nui me ke kaumaha no kou nawaliwali e noho nei." Kani iho Ia ke uhu a ka opio ma'i no ka hoakaka a kona makuahine; owiliwili ae la oia i kona wili lauoho huli hou iho la oia i kona uluna, a haule hou aku la no e hiamoe—he hiamoe kulipolipo oke ano maha kona i kela manawa. Ku kiai iho la kona makuahine iaia a hiki ī kona ike ana ua kaia loa ia kana lei i ka hiamoe; a me na wahi huaolelo kaukau o ka minamina ku ae la oia me na waimaka nunui e hiolo ana a komo aku la iloko o kekahi nimi okoa aku e pili kokoke mai ana me ka palanehe, kahi hoi a kekahi wahine aoo e humuhumu ana. Aole I pao. ?