Ka Nupepa Kuokoa, Volume XLII, Number 40, 4 ʻOkakopa 1907 — UA KUU KA LUHI O IA MAKUAHINE O KA PONO. [ARTICLE]

UA KUU KA LUHI O IA MAKUAHINE O KA PONO.

o ka meahou hoolele hauli i oili mai mai ka home ae o ka Makua 11. 11. I J arkcr ma ke kakaliiaka Sabati nei, oia no ka haalele ana mai o ka uhane i ke kino o ka Makuahine I :> arker (Paleka), ka meahou, l lo i napa i lioohikilele mai ika noonoo ona hoaloha ame na makamaka ka poe i hoomaopopo i kana mau hana maikai i hana mai ai no ka pono o keia lahui, oiai lioi keia lahui e noho ana iloko o ka hopipi o ka malamalama no ka olelo a ke Akua. o ia nei kekahi o na makuahine na lakou i kanu i ka anoa.no o ka pono iloko o keia Lahui Hawaii, a ma Kaneohe laua me kana kane i noho a'o ai i keia lahui i ka malamalama o ka Euanelio o ke Ola no na makahiki he kanakolu-kumamalima. Iwaena o na Makuahine Misionari i hoounaia mai i Hawaii nei * ka Papa Amerika, o Makuahine Parker ka mea i make iho la me ka heluna makahiki kiekie o aneane e piha ka 102 makahiki ke hiki ae 1 ka la 9 o Dekemaba ae nei, a maiwaena ae hoi o na makuahine haole ihiiala e aku ma kela aoao ni.au o na mea apau; ka poe i hoolilo īa lakou iho i mau makua no keia Lahui ma ka ke Akua hana, o ka Makuahine Rice wale no koe e ola nei me kona ole kino maikai, ame ka maikai pu hoi o kona noonoo. Ua hoea mai o Makuahine Parker i ka Paeaina Hawan nei, oiai •no e noho ana keia lahui iloko o ka pouli ame ka naaupo, a o ia nei ame kana kane kekahi iwaena o ka poe i hoounaia mai me ka puulu misionari ma ka huakai eono i kipa m'ai ai i Hawaii nei. Ua kanu oia i ka anoano o ka malamalama o ka olelo a ke Akua ma Hawaii nei, ua ike aku oia i ke kupu ana ae o ia mau anoano me ka mohaha a ua ike pu kona mau maka i ka luluu o na hua memeie o ka pono a lakou i kanu ai iloko o keia Lahui a make wale aku la oia me ka hauoli ame ka maha o kona manao. Ua mae ka pua nani, ua pau kona hie, aka, o na hana maikai nae ana i hana mai ai no keia Lahui, ke waiho nei ia mahope nei i kia hoomanao e ku mau ana i na kau a kau, a ua moe aku oia me ka maha no ka ike ana iho i ka lanamalie o ka pono iloko o keia Lahui ana i aloha Eia kana keiki H. H. Parker, ke hapai nei i ka hana a kona makuahine i haawi ai i kona-ola ame kona ikaika no keia lahui, no ka manawa i oi aku mamua o na makahiki he kanaha kona noho kahu ana no ka Ekalesia o Kawaiahao, a ua aie nui ka Lahui Hawaii i keia ohana ma o na mea maikai i hanaia mai no kona pono. Eia no he mau makuahine Hawaii iloko o keia Lahui iloko o keia la, e hana nei, a e hooikaika nei no ka pono o keia hanauna hou, e hke no hoi me ka keia mau makuahme misionari i hana ai, aka nae ua oi pku no ke ko'iko'i o ka lakou hana iloko o ia mau la, oiai e waiho oanoa ana ka aina, aole hoi e like me keia manawa ka maalahi o ka Kanu ana aku i na anoano o ka pono ma na wahi apau apuni ke Teritori. Ma ka aoao o ke KUOKOA ke komo pu aku nei oia me. ka ohana o ka Makuahine Parker ma ka auamo pu ana i na kaumaha ame na luuluu, 110 kona haalele ana mai i keia noho honua ana, aka nae ua haaheo o Hawaii i keia la no kona mau pono ame na pomaikai mamuli o na hoōikaika ana a keia mau makua o ka pono.