Ka Nupepa Kuokoa, Volume XLII, Number 40, 4 October 1907 — KULANA HAIPULE. [ARTICLE]
KULANA HAIPULE.
O D. Kahaulelio, he haipule o!aio oia, ua hookumuia kona ano haipule mai kona wa hilii mai no, maloko o ka luakini o Wainee i luluia ai ka anoano maikai o ka olelo a ke Akua, a komo iloko ona, a ulu a kawowo. Ua a'o pinepine mai oia ia makou na keiki i na mea maikai no ko ke Akua Aupuni, a hiki i kona wa i moe aku la, i ka moe kau a hooilo. Haalele mai oia i keia ola ana me ka U ole mai i na eha e kau ana maluna o kona kino. Ua lawe aku ka Makua Lani i kona uhane me ka palanehe, a hookipa aku la ma ka home mau loa nialuna,' ka home maha no na haipule apau. Nana no i haawi mai, a Nana no i lawe aku, e hoomaikaiia Kona Inoa. Me ke aloha, David Haili Kahaulelio. Wailehua, Lahaina, Sept. 19, 1907.