Ka Nupepa Kuokoa, Volume XLII, Number 39, 27 September 1907 — HAALELE I KA NOHO KAHU WAIWAI ANA. [ARTICLE]

HAALELE I KA NOHO KAHU WAIWAI ANA.

Ua oluolu loa ia F. A. Schaefcr, kekahi kahu waiwai o ka halema'i Moiwahine ka waiho ana a« i kona hookohu mahope iho o ka hala ana o na makahiki he kanaha o kona noho ana he lala no ia papa. Oia kekahi o na lala kahiko loa o ka Papa Kahu Waiwai i nana nui ia aku e na hoa ma ke ano he alakai a he kakaolelo naauao no ia Papa—a o kona haalele ana ia kulana ona 1 hilinai nui ia aku, ua hapai mai ia i ka minamina nui iwaena o kona mau hoa, ame ka lehulehu apau i ike a i kamaaina i kona ano hoopono a kuoo ma kā lawelawe ana ia hana nui no ka pono ame ke ola o ka lehulehu. A mamuli o kia minamina ia ua haawi ae na hoa o ia Papa i koe i ka lakou mau kanaeane aloha nona ma o ko lakou mau komite la, a i kakauinoaia hoi e ka Peresidena E. F. Bishop ame ke Kakauolelo o ka Papa Geo..W. Smith i kekahi palapala i kakau noeauia me na huapalapala i kinohinohiia ame ka hae o ka hoailona kanikela. Minamina no! E ole hoi ka haalele i ka hooni a ke kaiaulu.