Ka Nupepa Kuokoa, Volume XLII, Number 38, 20 September 1907 — HE PALAPALA MAI A PROF. J. K. KAHUENA MAI. [ARTICLE]

HE PALAPALA MAI A PROF. J. K. KAHUENA MAI.

(Hoomauia mai kela pule mal) Aohe kanalua, ua loaa mai ka īke no na mea e hiki mai ana a ua Jawelaweia hoi ia ike e na poe ludaio kahiko mamuli o ka huli ana i ka hoike ana a na hoku. Ua hoike mai o Eusebio, 1 ke kilokilo hoku o Aberahama; a ua a'o aku oia i keia ike ina kahuna o Heliopoli. Ama ia ano auanei kakou e liiki ai ke wehewehe i ka lakobo i olelo ai ma kana pule no losepa: "Ua heluhelu au ma na papa o ka lani i na mea apau e kau mai ana maluna ou ame kuu poe mamo." Olelo mai o Solomona, ke kanaka naauao loa: "He wa e kanu ai; a lie wa hoi e uhuki ai i ka mea i kanuia; he wa e aloha aku ai; a he wa e inaina aku ai, he.wa e akaka ai; he wa e uwe ai; "a pela aku. Ua olelo oia pela; oiai, ua ike oia ke hoomalu nei na hoku i ke kanaka ame ko ke ao nei apau.

Ma ka pauku umi-kumamaha o Kinohi, Mokuna i, heluhelu kakou penei: "I iho la ke Akua, I mau malamalama iloko o ke aouli o ka lani, i mea hookaawale i ke ao ame ka po; i mau hoailona lakou no na kau; a no na la, ame īia makalnki." Eia hou, ua loaa mai ia kakou ka lesu Kristo mau huaolelo ponoi,! penei: "E hiki mai ana no na ola'i nui i kela wahi a i keia walii,] ame na kau wi, ame na ma'i, e ike-j ia aku hoi na mea maka'u ame na hoailona nui ma ka lani." Ua manaoio no o Paulo Hemolelo, he mana Alakai ko na hoku-hele a he mau mea paahana lakou iloko o na lima o ka Mea Mana Loa. Ua hiilaniia na mahalo ana e na poe hakumele ame na poe kakau 1 moolelo mai kahiko loa mai no nei mea he Astrologia. He poe manaoio o Eschylus, Virgil, Horace, Homer, Chancer, ante, Milton, Dryden, Campbell, Byron, Swift, Schiller, Shakespeare, Longfellow ame kekahi poe e ae he nui i keia mahele ike. Hoike mai o Montaigne i kona manaoio ma kana mau olelo hoakaka; ua imi aku hoi o Kale V, Francis 1., ame Napoliona i na kokua ana mai a ka poe kilokilo hoku. Ua hoohana hoi o Richelieu 1 ka ike kilokilo hoku i mea kokua i kana hookele Aupuni ana; ke hooia mai nei hoi o Galdn, Mesmer, Kepler, Tycho Brabe, Falmstead, Liely ame kekahi poe kilo lioku e ae i ka mana o na hoomalu ana a na lioku liele maluna o ke kanaka. lie mea maopopo loa, aole paha keia poe kana'ka apau i nele 1 ka noeau, e liiki ole ai ia lakou ke hoomaopopo iho, o keia mahele ike, he moeuhane wale no ia, a he mea wahahee wale no hoi. e like me ka hoike ana a ka poe i noii maoli ole i keia mahele akeakamai. Ua piha ka Baibala i ka ike kilo hoku mai ka mokuna mua maT 0 Kinohi a hoea i na hihio hoike kupaianaha a loane Hemolele. O ka Halelu ihiihi Mokuna 19, he niele kilokilo hoku ia i palapalaia e ka mea i piha i ka uhane haipule io o Daniela, he Kilo Hoku oia; a oia hoi ka mea nana ke ANA manawa kilo hoku i ikeia, "hookahi la; hookahi ia makahiki," e lawelaweia nei - keia manawa ma ka helu manawa kilo hoku. Pela no hoi na Magoi, mamuli o ko lakou ike ana i ke kulana o ka hoku ma ka Hikina, ua hanau ka Mesia; a ua Alakai pololei īa lakou e ia ho ku a hoea i ka pupupu poliuliu o Kona wahi i hanauia ai. O Paulo Hemolele hoi, mawaho ae o kona hoikeana mai no Aratus, he kanaka kakau no ka ike Astrologia, imua lioi o ka poe o Atenai, olelo mai la no oia no na mahina hou 'he aka ia no na mea e hiki mai ana.' He palapala aina anei kau no kou kulanakauhale, no kou aina a mokupuni paha? Aole anei ou manao o ka palapala aina pili i kon ola ana, he oi aku ia o ka mea pomaikai nou O na hoike ouli hanau i pili ia oe, he palapala aina hoike ia no kou ola ana. E hoike moakaka mai ana ia i kou mau mea e pale aku ai, na manawa pono hoi au e hiki ai ke noowaiwai iho, ame na kanaka hoi e pono ai īa oe ke haawi i na makaala ana, a pela ak\i. E alakai aku ana keia palapala hoike ia oe mai ka lua meki aku o ke poluluhi ame ka naauauwa a i ka piko o ka mauna nani o ka manaolana ame ka hauoli. He mea oiaio, e kokua ana ka palapala aina 1 ke kanaka kaahele ma kana huakai, aka, o ka palapala hoike ouli hanau pili i kou ola ana, he mea ia e kono ana ia oe e koho i ke atehele oluolu a holomua o ke ola ana.