Ka Nupepa Kuokoa, Volume XLII, Number 38, 20 September 1907 — KA LAMAKU O KE OLA MAU LOA. [ARTICLE]

KA LAMAKU O KE OLA MAU LOA.

(Hoomauia mai kela pule mai) Ke halihali mai nei ke au o ka manawa i na nuhou o ke ao nei, oia no kela Anela e lele la o ke ao nei, oia no kela Anela e lele la ma ka Lani iaia ka Euaneiio mau loa. Maanei ua hooko ia me ka oiaio, na olelo hope ma ka Pauku 6 penei: "laia ka Euanelio mau loa, e a'o ai i ka poe e noho la ma ka honua, a i ko na aina apau, ame na ohana, ame na olelo ame na lahui kanaka.' Ua maopopo ia kakou a* pau ka poe heluhelu i ka Palapala Hemolele, ke lawe mai nei ke Akua Mana loa, e hoike akaka lea mai i na kulana o na hana ame na Elele Anela, e ike ia nei maloko o ka Aha C. E. o ke ao holookoa, a pela io no. O kela Ahahui ona haumana kristiano o ke ao holookoa i Tokio i Aperila, 1907. . O ka Ahahui Nui o na Kula Sabati o ke ao holookoa o ka honua nei, i noho mai nei ma ke kulanakauhae o Roma ma Italia iloko o Mei 18, 23, 1907. He 1500 ka nui o na Elele Anela oia A'ha Hanohano. He 37 hoi ka nui o na Aupuni, o na lahui ame n : a olelo like ole o ke ao nei, ke hoakaka mai nei kela kulana o ia Aha Nui o ka nani o na hana pono Kristiano, ua hookoia h'oi ka hapa hope o kela hihio a loane i ike ai ma Hoik. 4:6. "He Anela, e lele ana ma ka Lani, iaia ka Euanelio mau loa, e a'o ai i ka poe e noho ana ma ka honua, a i ko na aina apau, ame na ohana ame na olelo ame na lahuikanaka." Aole loa e hiki ke kanalua ia ka oiaio o ia olelo mana. Ua hookoia mai i keia manawa me ka oiaio loa. He mau hoike oiaio hoi na na haipule Kristiano oiaio e hauoli ai na uliane 0 lakou. Oia ke ola ame ke kulana noho maluhia o ka honua nei; oia no na kahua hana oiaio, o na hana Kristiano o ka Euanelio mau loa. Pela no e hookoia ai ka olelo mana a ke Akua. "Ke hele mai nei ka olelo a ke Akua ola, mai na w r elelau mai o na Lani; a ua hiki aku hoi kona poai ana i na welelau o ke ao nei; aole he mea nana e huna i kona ike." Halelu 19:6. "A ke hoakaka mai nei na Lani i ka nani o ke Akua, ke hoike mai nei hoi na aouli i kana liana io, kt lia'i mai nei kela la keia la i ka olelo." Halelu 19:12. A no keia kumu, ke hoohauoliia mai nei ko kakou manao i na Nuhou maikai o ka Euanelio nīai na aina e mai, oiaio. A ina e hoohūi ae kakou i ka huina nui o na Elele Anela, 0 na Aha C. E. ka Aha o na Kula Sabati, ame ka Alia Kristiano o na haumana o ke ao nei e like no ka nui o na Elele Anela.

A ina e hoomauia aku ana, keia mau Aha, e nee aku imua no 20 mau makahiki hou aku, ua like ia me na kau he umi e noho hou ai. alaila, e hiki aku ana ka nui o na Elele ma ia manawa he 141,270, alaila, e kulike auanei oia me kela pohai anela a loane e ike la, imua o ke keikihipa a ke Akua ma ka mauna o Ziona.

E nana aku hoi kakou i kela Ahahui Euanelio nui o ke ao holookoa, e noho mai ana ma Amenka Huipuia ilaila auanei e ike hou ia aku ai kekahi pohai o na Elele Anela hou. Ke hoomaopopo nei kakou i ke ano ame ke kulana o na hana maloko o na Aha Kristiano, ua kulike no me ka kela Anela e lele ana mawaena o ka Lani, iaia ka Euanelio mau loa, a ua kulike no hoi me ka liana a kela Anela i ikeia ma Hoikeana 10:2.

Ua paa hoi i kona lima, kekahi palapala liilii, e hamama ana, e ku ana oia; o kona wawae akau ma ke kai, o kona wawae hema ma ka aina. Ua pili no keia i kela Aha Uwao ma Holani, o ke aupuni nui o Beritania ame Amerika o laua no ka wawae akau ma ke kai o na puni keikikane keia o ke ao nei, maluna aku o ke kai ko laua hele ana aku nei, i kela Aha Uwao nui, o na aupuni ma Europa, aia no lakou ma ka aina paa; a o lakou no hoi na aupuni ma ka wawae hema, ua nooholo ia a hoounaia hoi na leka nonoi i na mana aupuni apau, ame na Ekalesia Euanelio, e hoohuiia, oia kela Aha Uwao ma Holani, oia iho la no na palapala liilii e hamama ana. A mamuli o ka hui ana o na mana aiipuni o ka honua nei me ka mana Ekalesia oiaio, a no ia kumu ke ike nei kakou, i na hana ame na kulana a kela mau Anela a elua i oleloA maluna ae, e hooko mai ana kefaj mau Anela i ko ke Akua makema- ( ke, "e hiki mai kou aupuni." oiaio,' ke waihoia aku nei, he mau kaiiua liana kaulike no na aha Kristiano oiaio o ke ao nei, ina nae ua kupono ia. NA KAHUA HANA. 1. Ua hana mai ke Akua i na lahuik|vnaka apau loa, noloko mai o ke Koko hookahi. Oih. 17:26. "A no ka mea, maloko ona e ola

nei. a e hele nei, a e noho nei kakou. Oih. 17:27. "Aka hoi, me ke Koko waiwaiio o Kristo o ke Keikihipa kina ole ame ka hala ole." 1 Pet. 1:19. "Eia ke Koko oka Berita ake Akua." Heb. 9:20, 22. Ke hoike akaka mai nei ke Akua oiaio. O ke Koko ke Koko ke ola ame ka uhane o ke kanaka, 0 keia ke kumu nui, o ke kahe ana o ke koko laahia o lesu Kristo, aia a lilo nui ka huaolelo Koko. i kumu olelo, i kumu manao; i kumu e noonoo nui' ai na mana aupuni na mana o na Aha Kristiano apuni ke ao nei. E hoopauia auanei na manao nema; na manao hookae ih; na manao pili kino, alaila, e noho mai auanei ka hanohano ma ka honua nei. E nana i ka Aberahana Linekona, ka peresidena kaulana loa i hana ai i na kauwa kuapaa o ka hema o Amerika Huipuia pela hoi ka manao-| lana no keia kumu oiaio. Ke Ko-1 ko, oiaio. O ka hoohui ana i na lahuika-l naka i na olelo i na aina ame na aupuni iloko o ke aupuni o ke A-! kua oiaio. E like me kona makemake ponoi, aole no keia he hana na ke kanaka, na ke Akua no oia .no ka pule a lesu Kristo, i kona Makua, mamua o kona make ana, penei: "I lilo ai lakou apau i hookahi, e like rue oe e ka Makua iloko o'u, owau hoi iloko ou, i hookahi lakou iloko o kaua." loane r7:21. O ka hana hoohui e ikeia nei; aole ia ka lahui, aole hoi na na aupuni aole ma ka manao ana o na Ekalesia, aka nae, na ke Akua no o ka kakou hana nae, ka hooko ana, e hiki io mai ana no ka manawa, e hookahi ai ohana hipa, hookahi kahuhipa nui, hookahi mea uwao, hookahi Akua oiaio, hookahi Ekalesia ame ka hoomana 1 a hookahi aupuni mau loa, a nohoalii mai hoi ke Akua mana loa maluna o na lahuikanaka, na aina ame na aupuni, ame na Ekalesia oiaio o ke ao nei, wahi a lehova. "A hiki aku 1 na la o na alii o ka honua e akoakoa ai, e kuu aku auanei au i ko'u aupuni mau loa; maluna o lakou." Dan. 4:35.

A oiai hoi, he manawa keia a na aupuni o ke ao nei, e akoakoa mai nei; maloko o ka Aha Uwao, no lakou ka huina nui a na Aupuni. he 47 ka nui, ame na Elele Hanohano he 200 a oi, aole paha he mea e kanalua ai kakou, no kela mau kulana o na mana o na aupuni o ka honua nei. Eia no nae, ke hoomau nei 110 na aupuni nui i ka hoomakaukau ana i na mokukaua, i na pukuniahi, i na papu, i na pualikoa, i na paka a pela wale aku, ua hiki no lakou e oni ana pela. Aia no a hana io mai ka mana o ke Akua; i na lahui ame na aupuni, alaila, e ae haahaa aku 110 lakou i ka leo mana o lehova ke Akua ola mau loa, a no ka mea, aia no na mea apau loa maloko o ka poho lima o ke Akua Mana. O na manaopaa o ke Akua ke hookoia me ka oiaio a no ka mea ke nana pono nei ka uhane o ke Akua, i na mea hohonu o ke Akua Mana Loa. Ina palia e ala ku-e ana na lahui ame na aupuni; i ko ke Akua makemake ponoi, e a oia auanei lakou e na hunehune kai lelehuna o ka moana, kai: E me ko Aigupita i ke au ia Parao. Ua makaukau mau ke Akua; me kona mau Elele Hooko Kauoha no ka manawa i makemakeia ai.

O ke kahua paa me ka oiaio o ka Euanelio mau loa, oia no kfi make ame ke alahou ana o lesu Kristo. E lioihoi ana ke Akua mana loa, i na lahuikanaka, i na olelo, i na aina i na aupuni o ke ao nei, a hookomo maloko o ka Ekalesia oiaio, e noho hoi iloko o kona aupuni mau loa, oiai hoi, ua haawi o Kristo i kona kino kanaka; a ua hookaheia hoi kona koko mana, i kumu hoola i na lahaikanaka apau loa o ke ao nei ,oia hoi ,e kukuluia oukou maluna o ke kahuna x a na lunaolelo ame na Kaula, o lesu Kristo no ka pohaku kttmu o Ice kihi." Epeso 2:20. "Nawai la e hoahewa mai? O Kristo ka i make; oiaio hoi, ua ala mai oia a ua nolio ma ka lima akau o ke Akua, ake uwao ae la ia no kakou." Roma 8:34.

O keia no ka mole, na pouhana no ka Euanelio mau loa o lesu Kristo, e hooko ana ke Mana loa 1 kona mau manao paa iho, e like me kona makemake ponoi. Aole loa he kuleana na ko ke ao nei e hoohalahala aku ai iaia. E hoolohe aku kakou i kona leo, e hoomaikai aku, a e hoonani aku hoi i kona inoa ihiihi. E nana aku hoi kakou iaia me ka manaoio ame ke aloha oiaio. E hoola mai no o lehova ia kakou, oiaio.

O ka Ahahui Euanelio nui o ke ao holookoa, o ka honua nei, o keia ka Aha ano nui loa ona hana. E noho ana ma ke Aupuni Nui o Amenka Huipuia ma ke ano E hoopiha ia ana kela Aha Hanohano me na kanaka naauao ame ka hoopono, he pohai haipule Kristiano oiaio lakou apau, he pohai Anela hoi lakou no ka Euanelio mau loa. A eia mai na Mahele o na Ahahui pakahi, a na E.kalesia Euanelio e hui pu mai ana ma keia

mua aku pene'i: 1. Na Ahahui Euanelio o na Ekalesia Aha Huina o ke ao nei. 2. Na Ahahui o na Ekalesia o ka aoao Mekokike o ke ao nei. 2. Na Ahahui ona Ekalesia o na hoahanau i huiia o ke ao nei. 4. Na ahahui o na Ekalesia o na Lunakahiko o ke ao nei. (Aole i pau.)