Ka Nupepa Kuokoa, Volume XLII, Number 38, 20 Kepakemapa 1907 — HOIKE HAPAHA O NA AHAHUI HOOIKAIKA KRISTIANO. [ARTICLE]

HOIKE HAPAHA O NA AHAHUI HOOIKAIKA KRISTIANO.

[ Ika liiki ana ae ika hora 11 a. m., ua piha ku'i ka luakini o Kilauea a koa iwaho. Ua hoomakaia na hana hoike |ine ka himeni 12 o ka H. A. N., a : i ke kuu ana iho, ua lohe ia aku j la ka leo o ka makua Rev. Mahila» hila, e kalokalo ana 1 ka mea Mana loa no ka pono o kana hana i ke ao nei, no kona mau ohua i akoakoa m§Li me ka hauoli nui. I ke kuu ana iho lohe ia aku na olelo hoolaha mai a Rev. Mahilahila; no Waioli, Rev. Puuki, no Koolau, no ke Kula Sabati mai a S. W. Kauanoe no Waioli, G. W. Mahikoa no Koolau. Ua ka'i ae k'e Kula o Haena me \\ r ainiha i huiia, i ke kahua hana i ko lakou kuene pono ana iho me! he mea la o ke ahi no o Makana e kokolo ana no i ka poli lauae, u'i no na hana a ka Uhane'i ka hoi ana mai o keia papa, ua ike ia aku ka peresidena W. Werner e alakai ana i ko Waioli papa pokii no iiuina he 31 i ka nee ana ae o keia papa he mea e ka hiehie, me he poe Anela liilii la, he kupaianaha ka ikaika manaoio hana i loaa i ka peresidena W. Werner i ka hanai ana i ka ai a ka Uhane i keia Anela liili, he anoano a eehia na haawina ame na himeni e pahee ana i ka limu kahakanaka o Manuakepa. Mahope iho o keia papa ua nee mai ka mahele o na makua e alakai ia ana no e ua kae'ae'a la o Waioli, no lakou ka huina 34, lulu ka makani 1 keia papa i ke kuene pono ana iho, ua poha mai la na leo mele, e manao ana ka mea kakau o ka wai no' keia o Namolokama e uina, uina nei i ke alo pali, imua no ka aina Hemolele. O Wanini mai, he palanaiki mai keia papa no lakou ka huina o 8, aohe mea e wae ai, i ke ku kilakila oka ke Akua hana. Nolaila oka ikaika hana o ka peresidena W. Werner o Hanalei, i hoonee ia mai e ia he 91 haumana imua i ka hae 0 ka lanakila, ka Haku lesu. Mahele elua, na kula o ka Ahahui o Koolau, e noho peresidena ia ana e G. M. Huddy, hoomaka mai ma Kalihiwai i ka nee ana ae o keia papa a hookuene i ke kahua aole no i kana mai ua nani o na mele me na haawina kohu kehau e kaomi ana i ka pili wanaao. Ka papa mai o Kilauea, keia kahi papa palanaiki loa, aka ua hoohalike no nae hoi ka Haku i ka hua makeke me ke Aupuni o ka Lani, nani no me he kahuli la e hene ana i ka pili wanaao. Ke kula mai o Koolau, hookahi no wai o ka like, Anahola mai hē papa pokii o keia liilii no hoi keia ua manao ka mea kakau o ko Waioli ka liilii, eia no ka hoi ua ukulii, oili pulelo no ke Ahi o Kalalea imua o na pokii. Papa makua o Anehola, keia ka papa hope loa i ko lakou kau ana ae i ke kahua, aohe mea e wae ai 1 keia papa, pololei wale no kela inoa kapakapa i keia papa Ke Ahi o Kalalea, nani a maemae. XTolaila ua loaa īa Koolau ka huina haumana ma ka puke a ke Kakauolelo he 73, ka panina o na hana he mau olelo paipai. i Ua aneane aku i ka elua haneri| ka huina i kela la ke hui me na makaikai ka mea oi ae o ka maluhia ame ka eehia o na hana. Mahalo. Ma keia anaina pu ke kapena makai o Kawaihau Wm. Meheula ame ko Hanalei J. K. Loka Hon. G. W. Mahikoa ke Kahu Kula Sabati Nui o Kauai Hikina Wm. Huddy, ka lunakanawai Apana o Hanalei W. Wemer ame kekahi niau hoa e ae, ua hookuu ia keia anaina me ke mele hoonani i ke Akua me ka pule a Rev. Puuki, a ua hoomaha ae ke anaina mawaho o ka luakini no ka hoopiha ana i na waihona ai me na mea i hoomakaukauia e ka Ahahui o Koolau a lioi kela ame keia me ka hauoli. WM. HUDDY, Kakau Meahou. Kilauea, Kauai, Sept. 5, 1907.