Ka Nupepa Kuokoa, Volume XLII, Number 37, 13 September 1907 — UA HALA KA PUULENA AIA I HILO Holo Ma-lu na Haole o ka Nupepa a Buckland. [ARTICLE]

UA HALA KA PUULENA AIA I HILO

Holo Ma-lu na Haole o ka Nupepa a Buckland.

Ua lilo i mea kamailio nuiia e ko ke kulanakauhale nei poe ka haalele hikiwawe ana mai o kekahi mau haole opiopio e noho hana nei no ka Nupepa Trans-Pacific, i onaia hoi e C. R. Buckland ka Lunahooponopono o ka Hilo Herald i keia manawa e noho mai nei ma Hilo. O Harry Tomlins ame W. R. Pittenger ka inoa o keia mau haole, a mamua o ko ka lehulehu hoomaopopo ana i ka nalowale ana o keia mau haole aia laua ke holo la i ka moana maluna o ka mokliahi Hilonian ma ke kakahiaka o ka Poalua nei. Na kekahi hoaloha o laua i hele e kuai ko laua mau kikiki no keia huakai, me ka makemake aole e kauia ko laua mau inoa maluna o ka pepainoa o na ohua, a aole no hoi e hookomoia ko laua mau inoa maloko o na nupepa. Mahope koke ilio o ka holo attt aku o keia mau haole no Kapalakiko, ua hoounaia aku la ka lohe ia Mr. Bukcland i Hilo ma ke kelekalapa uweaole, a ua lilo hoi ia i niea kahaha loa nona i ka lohe ana no keia meahou. Ma o keia haalele honua ana mai la o keia mau haole ia Honolulu nei a i ka hana hoi a laua i lawelawe ilio nei, 1 ala niai ai kekahi mau hoohuoi ana, aia kekahi pilikia e pili aiia i ka laua hoohana ana i kela nupepa, a ma o ka hoike a A. N. Campbell ka puuku o keia nupepa, aole he loaa aku iaia* o na dala e ohiia nei hō na hoolaha ame na 'dala t ukula aku ana* e ka poe e lawe nei i keia nupepa. Aia nae a huli ponoia aku na buke alaila hiki ke hooiaio loa ia, ke kumu nui o ko laua haalele ana mai me ka hoike ole aku i ko laua haku, no keia hele ana, aka nae he hookahi no mea maopopo loa mamuli o ka loaa ana o kekahi pilikia keia kumu o ka holo ana, aole nae e pakele ana ina ua hana hewa io.