Ka Nupepa Kuokoa, Volume XLII, Number 37, 13 Kepakemapa 1907 — O A. M. BROWN KA LOIO O KA AHA HOOMALU. [ARTICLE]

O A. M. BROWN KA LOIO O KA AHA HOOMALU.

Mamuli o ka hookohuia ana aku nei o Loio Andracle i Lunakanawai no ka Aha Hoomalu o, Honoluju nei ma kahi o Whitney, 1 lilo ae nei i kokua Loio Kuhina, ua lawe ae ka Loio Kalana Cathcart ►i ka inoa o A. M. Brown a hookohu aku iaia i pani hakahaka ma ,4<ahi o Andracle. • _ Ma ka hoike a ka Loio Kalana, ua wae mai oia ia A. M. Brown niamuli o kona kupono no kela kulana mai ka nui mai o ka poe i alualu aku no ia wahi, a iwaena o ka poe i noi aku, o S. F. Chillingworth, Carlo Long, Kaulukou, Vincent ame Ferreira. Ma ka hoike nae a Lunahoomalu Hustace o ka Papa o na.Lunakiai, ua minamina loa oia i ko Cathcart hookohu ana ia Brown, no ka mea wahi ana, ina he mea kekahi a ka Papa o na Lunakiai e klamailio ai maluna o keia mea, alaila aole loa e aponoia ana keia hookohuia ana o A. M. Brown. Ua hoike ae oia i kona ku-e i ko Brown lilo ana i Loio Aupum iloko 0 ka Aha Hoomalu, a ma kona manao no hoi pela no paha ko ka hapanui manao, oiai ma ke koho haloka i hala aku nei no ke kulana Makai Nui, ua hoike mai na baloka i ka makemake ole o na kanaka iaia, a pela no e kupono ole ai ka hookohu ana aku iaia no keia kulana hou. Ua hala aku o Mr. Brown ma ka Poalua nei no Molokai, a e huli ,hoi mai ana oia mamua iho o ka la 16 o keia mahina no ka manao e lawe ae i keia kulana hou i loaa| iaia, eia nae aole i loheia aku ke apono o ka Papa o na Lunakiai no keia hookohu ana, aia a noho ka lakou halawai, oiai aia iloko o ka Papa o na Lunakiai ka apono ana 1 na hookohu apau e hanaia ana e na poo o kela ame keia oihana o ke Kalana. *+• Ua loaa mai nei he kauoha mai ka hui kinipopo e holo mai ana maluna mai.o ka mokukoa Thomas. ma ka la elima o Okatoba no ko lakou makemake loa e paani me kekahf o ko Honolulu nei hui akamai loa.