Ka Nupepa Kuokoa, Volume XLII, Number 37, 13 September 1907 — HE NANE. [ARTICLE]

HE NANE.

Mr. Lunahooponopono, Aloha nui oe: E olupiu oe e hookomo iho ma kahi kaawale o kou kino lahilahi i kuu wahi I'a mikomiko i ono ai ka puu o na loea huli mea pohihihi o Kawaiopae, a penei iho ka hooheno ana o ua wahi I'a la: Heaha ka l'a .mikomiko, ono loa ke ai ia, ina aole paakai? Kuailoia mai ka inoa o keia wahi i'a. L. K. Kauanihipali o Kahinahina. Ehukai o Puaena. Mr. Lunaliooponopono, Aloha oe: E oluolu oe e hookomo iho ma kahi kaawale o ka Nupepa Kuokoa i keia wahi nane i ike mai ai na kini o kaua, mai ka La hiki nia Kumukahi, a ka welona a ka la i Lehua. Hole Waimea i ka Ihe a ka makani, 0 mai na ale a ke ki puupuu. He laau kalaihi ia na ke anu, 1 ooia i kanahele o Mahiki. Penei ka nane ana. Kuu walii laau ala, ulu, a ua maloo, e hoopipili ae ana au me ka la hiki i Haehae, Kakani, Ke auku nei ka ihu o kaula i ke kai, ke haulani nei i kahalau a Oia; ke hana ii lua nei i na Nomehuila; ke ueue ke kolo me ka haopine, ke uu nei ka melo i Waahila, hoomaikai kela i ke one o ku ka ehu i wawae Moku, ke hanu ino nei na manu a Kuhaimoana, aohe i ana iho k'a puu moni ai, ke poala lua nei i ka uwahi manu. E hoopokole ae au i ke mele ana me ka lana o kuu manao e puehu liilii mai ana keia i na olohe imi mea pohihihi a o ka mea kikoi mua mai i ka haina pololei o keia nane, e kii ae i ka makana ma ka lima o ka Lunahooponopono o ke Kuokoa a na ke kaa uwila oe e lawe a ka hapalua o ke kaona nei. Me ka mahalo, J. K. SMITH, Kahului, Sept. 10, 1907. ; — Ma ka hookumu ka Lani kumu ka Honua, Kapaa kapaa ka naki ka mau, Kahihi kapipili kaaaki pipili kani a hoalelele. Lele hoaka ka paku lele hoaka i ka Lani, Hoaka ka Lani hoana nakekeke. 0 ka lani a kani—ke ka lua i nehe oe-oe. Ku-i pa kani pa oina ka leo o ka Hekili, Ka hekili onu Olapa uwila liilii Onohi. Onapa anapa anaanapu anapa, Anapu olele iluna ka maka o ka Hekili. 1 nane kau manao e, ? Haina ia mai ana kapuana, Ua like no me ka ua welo ula loa o Hilo i ka Lani. = Ke huli hoi nei au ua ahiahi pa nei ka makani kaili aloha o kuu home. J. K. W. MAKANIKEOE.