Ka Nupepa Kuokoa, Volume XLII, Number 37, 13 September 1907 — No ka Mare ana me ka Moiwahine o Hawaii [ARTICLE]

No ka Mare ana me ka Moiwahine o Hawaii

Maloko o ka Nupepa S. F. Call o Kapalakiko o ka la 2 o Sepate~ maba i hoikeia ae ai ka hoea ana aku o A. P. A. Salmon a 1 ikeia hoi ma kekahi inoa Pia Salmon ma kona home ma na aina o ka Hema maluna 0 ka Mokuahi Mariposa no Kapalakiko, mai Tahiti mai. Ua puka mai o Safmon mailoko mai o kekahi o na ohana mua loa 0 ka Paeaina Society, a he mamo hoi na kekahi mau alii kaulana, e pili ana ia Pomare, ka hope loa o na alii o Tahiti. Ua ae eia oia .ke holo nei no Honolulu no ka mare ana i kana īpo o kona mau la opio. He kanaka kino nui o Pia Salmon, a loihi 110 hoi, a iloko o kona mau la e komo ana ma na hana hooikaika kino, ua ikeia aku oia ma ke ano oia ke kanaka kino ikaika hookaln ma na Paeaina o ka Hema. Ma Enelani kona wahi o ka hoonaauaoia ana, a oiai oia e noho ana no ma ke kula Kiekie o Oxford, ua halawai ae la oia me ka Moiwahine Liliuokalani no ka manawa mua loa, lie kaikamahine opiopio wale no oia ia manawa o ke kino pilalahi me ka ili haula. Aole he kamailio wale o Pia Saln\on i ke ano o keia huakai ana, aka nae ma ka olelo a na hoa ohua 1 hele pu mai ai me ia, o ka olelo hookahi iwaena o ka poai o ka poe akamai ma Tahiti, oiai ka Mariposa e ku ana malaila, oia no kona mare ana aku me ka Moiwahine Liliuokalani. He kanaka waiwai o Salmon a he home nani hoi kona e ku nei ma kahi kokoke i Papeete. Māloko nae o ka nupepa Examiner, ua hoike ae ia pepa i ka ae ana aku o ke Keikialii Salmon i kona manao no ka mare ana aku i ka Moiwahine Liliuokalani. _ Ua loaa mai nei ka lōhe 1 Honolulu nei e holo mai ana 0 Mr. Oleson, ke Kumupoo mua o ke Kula Kamehameha iloko o kekahi nianawi o ka mahina o Dekemaba ae nei no ka piha ana.o na makahiki he iwakalua 0 ke ku ana o ke Khla Kamehameha.