Ka Nupepa Kuokoa, Volume XLII, Number 37, 13 September 1907 — OLOHANI KA POE HULA A KANIHO Koi e Hoomahuahuaia ka Uku a Hooleia-Hoihoi Houia na Dala Tikiki. [ARTICLE]

OLOHANI KA POE HULA A KANIHO

Koi e Hoomahuahuaia ka Uku a Hooleia-Hoihoi Houia na Dala Tikiki.

Ma ka po o ka Poalua iho nei i hoohokaia ai ka poe na lakou na hana hoikeike i ka hula Hawaii, 1 manaoia ai e hoikeike aku imua o na kanaka o na mokukaua e ku mai nei iloko o ke awa i keia mau la, ame ka lehulehu pu no hoi kekahi, mamuli o ka olohani ana o ka poe hula, a hoole i ko lakou hula ana ke ole e aeia mai kekahi uku kupono no lakou e like hoi me ka lakou i makemake ai. | He maikai wale no na me|a i hoolalaia iloko o na la mua o ka hoalaia ana mai nei o keia hana hoikeike, a i ka hiki ana mai nae i ka hora 4 o ke ahiahi o ka Poalua nei, ua noi aku la o Mr. Kaniho, e hoomahuahuaia ae ka uku no ko lakou hula ana, eia nae ua hooleia mai ia ( manao. Mai ka hookahi haneri elala kana koi ana aku i ka uku e haawiia no na kaikamahine hula, a hiki wale no i ke kanalima dala aole no he ae ia mai, aia no a he elua dala me ka hapalua alaila o ka ukuia i aeia a no keia kumu ua hoole ka poe hula i ka ae ana aku e hula no kela uku. Mahope koke iho o keia olohani ana 0 ka poe hula, ua hele koke aku ke Kamahi De Fries e hui pu me Adimarala Dayton oluna o ka mokulawehae West Virginia, a hoike aku la, aole he hula o ia po, a hoihoi hou aku la i na dala i ohiia mai mai na kanaka mai oluna o na mokukaua, t ukuia mai no na noho o ka Hale Mele Hou, i hiki aku paha ka huina ma kahi o ka elua hanen a oi.