Ka Nupepa Kuokoa, Volume XLII, Number 37, 13 September 1907 — NUHOU KUWAHO. [ARTICLE]

NUHOU KUWAHO.

St. Petersburg, Sept. 7. —Ualiaawi aku ke Za o Rusia i ka ae i ke Kauna Stolypin, ke kuhina nui o Rusia, e kahiko iaia iho me na makana apau i haawi makanaia aku e ka Emepera o lapana. Portlnd, Sept. 7.—Ua pae pono mai ia nei ma ka la i nehinei ke Kakauolelo Taft o ka oihana kaUa. Ua haawiia aku e na kupa o ka aina na hookipa ohaoha nui. Lonelon, Sept. B.—Ua lilo niai ia Jarvis ka moho Pelekane heihei au ke eo o ka heihei au he umi-kuma-malima mile no ka manawa he ekolu hora ame iwakalua kumamaha minute. City of Mexico, Sept. B.—He i-wakalua-kumamahiku poe i. make mamuli o ke pahuia ana o ka lua maina ma Esperanza ma ka auwi l na la i nehinei. Kapalakiko, Sept. 8. —He eha mau ma'i bubonika 1 loaa hou ae ma ka lā i nehinei. ; Vanekouwa,, Sept. 9.-+-Ma keia kulānakauhale he haunaele nui mawaena o na limahana i keia la. He elua tausani Pake i kipakuia mai ke kulanakauhale aku a he $15,000 ma ka waiwai 1 hoopoinoia mamuli o kela haunaele. Kapalakiko, Aug. 30.—Ma ka la i nehinei i pau ai ka laweia ana ae o na olelo ike e pili ana i ka hihia kipe o Louis Glass i na lunakiai, no ka lua o ka mānawa o kona hookolokoloia ana. Wasinetona, Aug. 30. —Ua paa ka manao o koonei mau luna malama ola ua hiki loa ke kinaiia ka ma'i bubonika ke puka ae maanei. Napela, Aug. 31-— Ua a hou ae *a pele ma ka Luapele o Vesuvius ma Italia. Antwerp, Sept. 3. —Ma kela hatm'aele o ka La o na limahana paioia mawaena o na limahana o ke' alahuki moku, he nui ka poe i hoehaia mamuli o ia hakaka anā. Casabalanaca, Sept. 4. —Ma kela kaua i hooiliia 1 nehinei mawaena o na pualikoa Farani ame kekahi puali nui o na Mua, ua hoauheeia ka poe Mua. Ua nui ka poino ma ka aoao o na koa Mua.