Ka Nupepa Kuokoa, Volume XLII, Number 37, 13 Kepakemapa 1907 — IKEIA KE ANO E HOU O KE KO ANA O KE AU. [ARTICLE]

IKEIA KE ANO E HOU O KE KO ANA O KE AU.

Ma ke ku ana māi nei o ka moku kalepa Irmgard i ka pule aku nei i hala, ua hoike ae kona kapena i kona īke ana i ke ano e o ke ko ana o ke au o ka moana, aole hoi e like me na manawa mua ana e holoholo ana mawaena o Kapalakiko ame Honolulu nei. Oiai he ekolu la o ka moku mai Kapalakiko mai, ua ikeia iho la keia ano e o ke au, a e pii mau mai ana ka ikaika o ke ko ana a hiki wale no i ke ku ana mai no Honolulu nei. Ma kana hoike e ko ia ana ka moku mai kona alāhele pololei ae ma kahi o kanakolu-ku-mamakolu mile i ka la hookahi, a mamuli o kona hookuku ana i kana ike me ka kekahi poe kapena e ae, ua loaa iaia ka hoomaopopo anā o keia ka hoomaka hou ana e loli o ke ko ana o ke au o ka moana, e like no hoi me ka manawa i loaai ai o ka poino i ka Mokuahi Manchuria i ili ai ma Waimanalo. I O kekahi o na mea kupaianaha a ke Kapena i olelo ae ai, he mea hoi i ike mua oleia maluna o kekahi moku e holo ana mai Kapalakiko mai a hiki i Honolulu nei, oia no ke kau ana mai o kekahi mau manu sparrow eha malyna o ka Irmgard oiai oia e ku ana ma ke awa o ka Ipuka Gula a \ ka moana mai ua nalowale elua manu a ua urho no kekahi mau manu elua aku i koe a hiki wale i ke ku ana mai o ka moku i Honolulu nei.