Ka Nupepa Kuokoa, Volume XLII, Number 37, 13 September 1907 — HE LEO UWALO I NA LUINA HOLO MOKU. [ARTICLE]

HE LEO UWALO I NA LUINA HOLO MOKU.

Hawaiian Coast Seaman's Union, Honolulu, Sept. 9, 1907. E ka Lunahooponopono o ka Nupepa Kuokoa, Aloha oe:—I ka lawe ana i kekahi o na nupepa ptka la haole ilo"ko o kekahi manawa i hala ae nei, ua hoohauoli loaia mai au 1 ko'u heluhelu ana i kekahi manao hoakaka a kekahi mau keonimana i hoounaia mai no ka nana pono ana i na mokuahi holo pili aina, oia hoi o Messrs Bolles ame Bulger, na keonimana hoi e noho hana ana malalo o ka oihana nana i na ipuhao o na mokuahi. malalo o ke aupuni o Amerika Huipuia. Ua hoike ae ua mau keonimana la i ka piha makaukau, ka eleu, ka makaala, ame ke kupono maoli no o na luina Hawaii i ka lawelawe ana i na hana apau e pili ana i ka holomoku ana, i loaa ole hoi i kekahi poe e ae apuni ke ao nei e like me ko laua ike ma ka laua hana, a ke hoike aku nei no hoi au i ka mea oiaio, me he mea la o ka hapanui o na ohua e kau ana maluna o na mokuahi holo pili ana, ua makemake mau lakou e kau maluna 0 na moku e nohoia ana e na luina Hawaii, no ka mea ua maopopo no ia lakou, aole e hiki i kekahi mau lahui e ae ke hookukuia aku me lakou iloko o ka manawa o ka poino, e laa ka wa e ili ai, a o kekahi mau pilikia e ae no paha. Ke hoomaikai aku nei au ia oe e Mr. Lunahooponopono, ma ka aoao o na luina Hawaii, o ka Paeaina Hawaii nei, e hoike ae oe eia makou ke hoala nei i kekahi ahahu.i no ka pomaikai laula ame ka hoopakele ana ia makou iho mai ke kulana kupilikii mai, oiai no nae eia no makou i ka makamua loa o keia hookumu ana, a ke kau mau aku nei nae ko makou mau manaolana, e hoohui mai i na luina Hawaii apau loa malalo o hookahi, a e hapai aku hoi ma ke ana e loaa ai ka mahaloia maluna o na kanaka o ka Paeaina Hawaii, e ka poe e lawelawe nei ma na oihana kalepa, a i mea e hookoia ai keia manao, oia no ka hoala ana i kekahi ahahui, ka mea nana e nakii i na pono o na luina a lilo 1 nipuu hemo ole, e like me ka olelo kahiko: "O ka lokahi ka ikaika, A o ke kauliilii ka mea e hiolo ai." Ua pili keia i ko kakou ahahui a 1 na ahahui no hoi apau. Ina e ala mai ana ka manao o ko kakou poe e imi nei i ko lakou ola ma ka hele ana i ka moana, a hui pu mai ma ke ka'ika'i like ana i ka hae o ko makou ahahui, alaila aole no i mamao loa aku ka manawa, e hiki no auanei ko lakou mau makemake ke hookoia aku, a he wahi hoomaha hoi iloko o ka manawa pilikia. E na luina moku o ka Paeaina Hawaii, ke nonoi aku nei au ia oukou e ala mai iluna a e lu aku i na haawe kaumaha e kaohi la ia oukou ilalo a e hoike mai ia oukou iho he poe kanaka maoli aole hoi he mriu mikini e hoohanaia mai ana e ha'i. Ka oukou. kauwa hoolohe, BEXJ. D. LAWELIILII. Cor. Kukui & Xuuanu St., Honolulu.