Ka Nupepa Kuokoa, Volume XLII, Number 37, 13 September 1907 — KE HELUHELU MAU NEI I KA PALAPALA HEMOLELE APUNI KA MAKAHIKI. [ARTICLE]

KE HELUHELU MAU NEI I KA PALAPALA HEMOLELE APUNI KA MAKAHIKI.

Ua komo mai kekahi makamaka iloko o ko makou keena nei i kekahi la o ka pule i hala aku la a hoike mai la, eia oia ke heluhelu mau nei i ka Palapala Hemolele i kela ame keia la apuni ka makahiki, ma ka avelika ana 1 kana mau mokuna e heluhelu ai i kela ame keia la. He mau makahiki lehulehu kona malama ana i keia rula o ka heluhelu ana i ka Palapala HemolelS, a i ka hoomaka ana mai nei o keia makahiki, ua hoomaka mai la oia e heluhelu mai ka Buke mai o Kinohi, a hiki mai i keia kakahiaka a ke Kuokoa e puka aku nei, aia kana mau mokuna e heluhelu ai ma ka Buke o Ekekiela, ma ka mokuna 36 a hiki i ka mokuna 38. He ekolu ana mau mokuna e heluhelu mau ai i kela ame keia la noa a he elima hoi ma na la Sabati, a pela mau oia e hana ai a hiki i ka piha ana o ka makahiki hookahi, 0 ka pau no hoi ia o ka Palapala Hemolele i ka heluheluia. O kekahi hana paa mau iaia i ka hanaia, oia no kona himeni mau ana mahope o kana heluhelu ana, a mahope aku o ka himeni ana e pule mau ana no hoi oia. O Naonohielua ka inoa 0 keia makamaka a eia oia ma ka Home Lunalilo e noho nei i keia manawa, a wahi ana ua lawe mai oia i ke, a'o ana a Rev. Green, ka mea nan* 1 kauoha mai ia lakou oiai oia e noho kahu ana' no ka Ekalesia ma Makawao, e heluhelu mau i ka Palapala Hemolele, aole no hoi no ia, kumu wale no, aka, ua manaoio! maoli no oia aia he ola iloko o ka ke Akua olelo, a pela oia e helu-l helu mau nei.