Ka Nupepa Kuokoa, Volume XLII, Number 36, 6 Kepakemapa 1907 — HE WAHI MOOLELO POKOLE [ARTICLE]

HE WAHI MOOLELO POKOLE

No kekalii mau makahiki loilii i hala ae nei maloko o kekahi kulanakauliale ma ka Mokuaina o Mikikana, e noho ana kekahi haole kalepa waiwai loa. I kekahi la ua hoolaha ae la oia ma na nupepa he makemake oia i keiki lawelawe hou nona e kokua mai iaia ma na liana o loko o kona keena. He kanaha-kumamaiwa poe keiki i hele kino mai imua ona me ka lakou mau palapala noi ame na palapala hoomaikai; a hookahi o lakou oia ke kanalima o na keiki, aohe ana wahi palapala noi a oki loa aku hoi ka palapala hoomaikai. L T a iiana akaheleia keia poe keiki apau ame ka lakou mau palapala a ua pau lakou i ka hookukeia.a koe kela wahi keiki aohe ana palapala noi. "Ke makemake nei au e ike," wahi a kekahi hoaloha ona, "ma ke kumu hea la oe i wae ai i kela keiki oiai aole wahi palapala hoomaikai e maopopo ai kona ano kupono no ka hana i makemakeia." % "Ua kuhihewa loa oe e ke keonimana," walii ana, he nui kana mau palapala hooia mai i kona kupono maoli. "O ka mua i kona wa i komo mai ai ua kuakuai iho oia i ka lepo o kona mau wawae iluna o ka moena, a ua pani aku oia i ka puka mahope ona, e hoike mai ana ia i kona makaala. "O ka lua, ua haawi aku oia i kona noho 1 ka elemakule oopa i komo mai ai, e hoike ana ia i kona oluolu me ka piha noonoo. "O ke kolu. ua wehe ae oia i kona papale i kona komo ana mai, a i kona wa i ninaninauia aku ai, ua pane mai o\i me ka eleu me ka haahaa, e hoike ana i kona ano paalula a ano keonimana. "O ka ha, ua kulou iho oia e lalau i ka buke a\t i waiho ai iluna o ka papahele, no ka hoao, a kau ae la iluna o ke pakaukau, oiai nae, ua īke no na keiki e ae apau, aole nae i lalau iho a kau ae ma kahi kupono. "A o kekahi, aole ona mioi wale mai a hookeke mai hoi i na keiki e ae i mea e lilo mua ai iaia ka ninau ame ka haina, aole. Kakali no oia a hiki mai i kona manawa alaila oia pane mai, he hoike ana mai ia i kona ano hoopono ame, kona ano maikai. "la'u i kamaiho aku ai iaia, ua ike aku au i ka maemae o kona niau aahu, kahi ia kona lauoho a maikai, a o kona niho ua palakiia a aiai e like me ka waiu; a iaia i kakau ai i kona inoa, ua nana aku au i kona mau mikiao he maemae a aole hoi he lepo e like me na lima ame ria mikiao o kekahi keiki me ke kuka polu. "Aole anei oe e kapa iho ana i kela he mau palapala hoomaikaiia? Ke manao nei au, ua 01 loa aku ia i ko ka palapala. "Ua oi aku ko'u ike i ke ano o ke keiki me ka nana ana aku me ko'u mau maka mamua o ke kaukai wale 'ana no ame ka palapala, alaila ike aku i kona kupono. I kahi manawa he huhewa ka palapala." Ma keia moolelo e a'oia ana ke keiki e lilo 1 keonimana oiaio. Aole ma ka aahu wale no e lilo ai ke keiki i keonimana a lede paha, aka, aia a paku'i pu ia aku me na ano maikai i hoakakaia maluna, a• laila, kohu ke olelo aku he keonimana, a he lede. Ma ka hooki ana ae i ka wehewehe ana i keia moolelo, ke lana mau nei ka manao o ka meakakau e loaa ana ka ike i na keiki apau a e hooikaika ana lakou e lilo i poe maikai a hoopono a i poe keonimana oiaio ma ka hana, ma ka olelo, a ma ka manao; no ka mea o na kanaka maikai oiaio, o lakou no na kanaka ko'iko'i oiaio, a o lakou na kanaka e ola a e haaheo ai ka Lahui Hawaii. S. KEAWEKAPU.