Ka Nupepa Kuokoa, Volume XLII, Number 36, 6 September 1907 — KA PALAPALA HEMOLELE. [ARTICLE]

KA PALAPALA HEMOLELE.

Ua kamaaina nui ia kela mau hopunaolelo iwaena o na hoahanau o kela ame keia hoomana apuni ko Hawaii Paeaina; aka, aole no nae ia he mea e pau ae ai kona ono i ka puu ke moni aku, ua maopopo no hoi, x he elua mau kino kanaka i kauiia pu ia me ko kakou Haku r» ke ke'a, o kekahi o laua penei kana: Ina o oe ka Mesia, e hoola ae ia oe iho ame maua, a o ka kekahi hoi: E ka Haku i ka wa e hiki ai oe i kou aupuni e hoomanao mai oe ia'u. He oiaio, ke heiuhelu a hoomaopopo iho oe i na hopunaolelo i kamaiUo ia e keia mau kanaka imua o lesu, e ike, a e maopopo no ia oe ke kaona o kekahi ame kekahi. E like no me na kanaka kikoola o ka oielo, pela no kekahi o laua nei, a e like no hoi me na kanaka oluolu o na olelo, pela no hoi kekahi o laua nei,— a ke mau nei no ia mau ano a hiki i keia la, he kikooia kekahi, a he oluoiu kekahi, nolaila, o ko laua hopena ua maopopo loa ia kakou no ka lua po kekahi; kahi i hooipakaukauia no na kanaka kikoola o ka olelo, Ilaila lakou e uwe ai a e uwi ai na niho. A o kekahi hoi, aia aku la i ka poiuiu lipolipo o ka maha me ka oluolu 0 ka paredaiso o ko ke Akua nani kupaianaha, ua lilo no i mea ano nui ia'u ke noonoo ae, oia hoi, mai ka hale paahao no a kau ana iluna o ke ke'a paa na lima me na wawae i ke kakia ia i ke kui, he mau wahi minute wale no koe e kali ai i ko laua make ma ke ke'a; aole i ukiona ia, aole no hol i hooluu ia i ka wai nui, aole no hoi i ka bapetizo kapipi, a hooma-u lae, a oki loa aku no hoi na bapetizo e ae a na hoomana like ole o ke ao nel. O ka mea nae i ikeia ma keia moolelo ua .komo pu aku la kekahi iloko o ka paredaiso me lesu ia la no. Hoko o ke ao nei ke kukaliki nei kela me keia nona iho, oia no ka Hoomana e komo ai ka Uhane o ke kanaka i ka paredaiso, a manuunuu wale na Uhane kakaola o ia ano e kukaliki nui nei pela, a o ka hoomana hea la ka kela uhane po-wa i noho ai i ka ao nei a komo aku la kona uhane i ka paredaiao me lesu? Ina e hoomaopopo ia ka manao nui o kana i olelo aku ai i kona kokoolua powa, e loaa ana ia kakou ka Hoomana ol ae a kela kanaka 1 komo ai ia mau minute wale no e kau ana iluna o ke ke'a, aole mamua aku. A o ua hoomana la oia no ka naau mlhi me ka pepe e hooiaio ana i kona hewa io, a e apono ana ua pololei ka hoopa'i o ka make ma ke ke'a nona, a e hoole ana i ke kupono ole o ia hoopa'i o ka make maluna o lesu, oiai aole ia i hana hewa, ola maoll no ka manaoio 0 nei kanaka i loaa ae laia ia manawa no; nolaila, o ka loaa ana o ia mea he hooiaio I ka hewa ana i hana ai iiuna o ka laau ke'a imua o lesu me ka bapetizo ole ia i ka wai nui ame kahi mau bapetizo e ae, he oiaio, ma keia mooleio, ua hemo ka ipuka o ka Paredaiso i keia kanaka. A e like no me ka'u e hoakaka nel 1 kuu i'o ame kuu iwi mal ke kupuna hookahi mal, o ka mihi olaio me ka naau pepe me ka haalele loa i na hewa apau i papa ia e ke kumukunawai, na kanawai ame na Rula o ko ke Akua hookumu aupuni ana ma ka honua nei he oiaio e loaa no he kuleana nona a no lakou apau e like me kela kanaka powa. 1 Nolaila, iko ke kanaka wa e ola nei ' e hele nei, e ai nei, e inu nel, a e hana nei ma na ano apau, a ina e kau anaj oe iluna o ka laau ke'a o ka nawali- j wali, ea, hookahi no mea nui au e pu-: | lama nui kou hooiaio no ia oe iho ma kau mau hana hewa apau ma ka I mlhi ana. He momi waiwai nui keia j no ka hoonaauao ana aku i kuu lahui nele ilihune ma na ano apau, a i hana ponoi ia e ka mea e kakau nei a ua ( ikemaka i ka olaio, pela i ulu ae ai iioko o'u e hoike aku 1 keia momi wai- j wai nui i kuu lahui oiwi ponoi, o ka I hooiaio i kou mau hewa apau a haalele I loa. Oiai oe māluna o kou wahi moe e j walho ana iloko o ka nawaliwali hiWj oie ia oe ke apo ae i kokua nou; oiai ka nele e hoopuni ana i kou mau aoao apau; a o keia wale no ke alahele nou e pono ai oe aole he ala e ae: , Aia he elua mahele e pomaikai ai oe !ma keia hana ana: Ina no ma ia ho- j oiaio ana ou i kou mau hewa apau a i: hoola mai ke Akua i kou nawaliwali ] kino, pomaikai oe a ike hou no i na maka o na hoaloha o ke ao nei, ike no j 1 ka maka o ka wahine, na keikl, ame j ka ohana. Ina no hol i lawe aku kej Akua i kou ola mahope iho o kou hooialo ana i kou mau hewa apau, he oiaio, ua pomaikai no oe, a ua papahiku ia na pomaikai e loaa ana ia oe ma keki ao, a mai maka'u i ka make ina ua Ike io oe ua hana oe 1 kou mau aoao hewa apau imua o ke Akua, a no ka mea, o oe pu ana kekahi e kaana pu i na pomaikai lani me kela kandka po-wa. E noho pu ana me na haipule i hala e aku mamua ou, me na leo Halelu mai kou waha aku: Ihiihi, Ihiihi, Ihiihi oe e lehova Sabaota. Ke Akua mana, ke Akua Hemolele, ke Akua Hoano mau loa ia ia ao aku ia ao aku. Amene. He oiaio, no ko'u ikemaka i ko'u hoola ia e ka lokomaikai o ke Akua mamuii o ko'u hooiaio ana i ko'u mau aoao hewa apau, pela wau i lawe hou mai al i ka moolelo o kela kanaka powa i hoike oiaio no ka'u e hoakaka nel imua ou e kuu i'o, ame kuu iwi mai ke kupuna'hookahi mai, a na ke Akua e kokua mai ia kakou apau, iloko o ka Inoa o ka Makua, ke Keikl ame ka Uhane Hemolele Amene. BAMUELA K. KAMAKEA.