Ka Nupepa Kuokoa, Volume XLII, Number 36, 6 September 1907 — HE PALAPALA MAI A PROF. J. K. KAHUENA MAI. [ARTICLE]

HE PALAPALA MAI A PROF. J. K. KAHUENA MAI.

Mr Lunanooponopono, Aloha oe: —E oluolu e ae mai ia'u i wahi kaawale maloko o ka kaua Hiwahiwa, Ke Kilohana, nia ka hookomo ana iho i na manao i palapalaia malalo iho, penei: Ke hoouna aku nei au i keia Palapala i mea e hookamaaina ai ia oe me ka ike kupaianaha o ka Oihana Kilokilo Hoku (Astrologia). Ke paulele nei au, aole oe e kapae wale ae ana i keia wahi Palapala, a hiki i ka pau ana o kau heluhelu ana i kela ame keia huaolelo maloko nei; a .malia, e ike no au, he lehulehu loa na kanaka noonoo haiki a hoopohala no hoi no ka mea e pili ana i keia mahele ike ano nui loa a kupaianaha no hoi; a no īa poe, aohe no o'u mau manao nonohua; no ka mea, ke manaoio nei no au, ina e hiki ia'u ke halawai me lakou a kamailio pu hoi au me lakou, he alo no a he alo, e hiki hololea ana no ia'u ke hooia aku imua o lakou i kā lilo ana o ka Oihana Kilo Hoku i mēa e pomaikai ai lakou, a pela pu no hoi me kela ame keia kanaka i keia wa, a'mai ka wa-no hoi i hoomaka mai ai ke ao nei. JJa hoike ae o Hoonaueueihe, ke kakaolelo o na kau a kau, no ka mea e pili ana i keia ike kamaha'o, iaia i olelo ae ai. "Aia he niau mēa lehulehu wale ma ka lam a ma ka honua, e Horatio, i oi aku mamua o na mea i hoomoemoea ia maloko o ko'u ike akeakamai." Ke kuhikuhi mai nei ka Baibala, ke pookela loa o na Buke apau, ma na wahi he lehulehu no keia mahele ike. Ua hoonohonoho ke Akua Naauao Loa i na papa Ho-ku-paa ame na Hoku-hele i hiki ai ke kanaka ke hoonaauaoia mai e ia mau mea, no ke ano o ke ola ana. Ke haaheo nei au no kou lilo ana he loea kilokilo hoku. Ua koho au i keia Oihana, ka oihana hoi i lilo ai i kahi wa i mea hanohano, kilakila; a i mea kakoo a hapai ae i ko'u lahuikanaka. Aole i ike ka lehulehu o na kanaka i ka Oihana Kilokilo Hoku; a ua ma- | nao lakou he ike keia aohe mole; | he ano hoomanamana luelaio kaihiko; he mea huna pohihihi, i hiki i ole ke hoomaopopoia e ka noonoo ! maopopo o ke kanaka. O kekahi poe hoi, ua ike no lako'u he lehulehu loa na kanaka ko'iko 1 a kaulana ma Europa a ma ko kakou one oiwi nei no hoi i manaoio maoli i keia ike; aole hoi oia wale no, aka, ua kaleoo ikaika lakou me ke ohohia nui i nei ike, a ua huli maoli no me ka noii akahele loa ana.i Ua pinepine ko'u ike ana o ka j poe i kanalua, a i ku-e i ka oiaio o ka Oihana KUokilo Hoku, he poe lakou i īke ole mai no i kona moolelo, a pela pu hoi me kona mau loina alakai. Ke paulele oiaio nei au mamua o ko'u haawi ana i ka'u olelo hooholo, i kinohi wale iho no o kou kiei ana iho i keia, e hke me'ka'hana a kekahi poe e ae he nui, e hookuene pono iho ana oe i kou noonoo me ke akahele, a alakai aku ia oe iho ma ka huli. a noii akea ana i keia ike. Nau ponoi no keia mea e hana. He oiaio no nae, ua heluia ka Astrologia me ka īke kilokilo kohokoho wale; a ua nalohia aku hoi kona kumu i hoea mai ai iloko o ka poliuliu o na au makahiki i hala lilo loa aku ihope; eia nae, mahope iho o kou heluhelu ana i keia Pala'pala a huh pono no hoi me ke akahele, ke manaoio nei au e hooholo koke ana oe o ka Astrologia, he ike akeakamai waiwai nui,ia. E like me ke alakai ana a ka nialamalama olinolino o ka Hoku Hikina i na Magoi a i kahi i hanau ai ko ke Ao nei Hoolapanai, pela no kekahi mau hoku e hoomalu nei i kou ouli hanau. Ina i hoole paakiki na kahuhipa ma na puu o Betelenema, aole lakou e alakaiia e ua hoku la; ina la he okoa ka moolelo o ke ao nei i kakauia. Ua ku iho anei keia poe Kahuhipa a ninaninau i ke kumu ame ka hana i hoea mai ai ia Hoku ? Ua hahai kakanalua aku anei lakou ia mea me na kapuai kuihe? Aole. Me ka piha i ka hauoli, hele -aku la lakou ma ka lakou misiona a mamuli o ko. lakou paulele ana i ke alakai ana a ua hoku hoike ouli hanau nei, ua pae aku la lakou i ke awa maha. Oia maliu ana ame ia ae ana aku i ke alakai a na hoku, he mau mea ia e kakoo mai ai ia oe ame kekahi poe e ae he nui, no ka hookoia ana o na manaolana i hoonenehiwaia. (Aole i pau.) Ma Kekaha, Kauai 1 make ai kekahi Kepani opiopio ma o ke piholo ana iloko o ke kai. I hele oia me kona kaikaina i ka hoauau lio, a mamuli o ka haule ana mai ka lio aku ,a iloko o ke kai, pela 1 halawai ai oia me ka ulia poino. — Ma ke ahiahi o ka Poaono e haawi ana ka puali keaka o ka mokukaua Peneselevenia he aha keaka maloko o ka Hale Mele Hou.