Ka Nupepa Kuokoa, Volume XLII, Number 36, 6 September 1907 — MAKE HIKIWAWE O LOIO HOGAN. [ARTICLE]

MAKE HIKIWAWE O LOIO HOGAN.

Ma ke kakahiaka o ka Poakahi nei i halawai ae ai o Loio Hogan me ka make hikiwawe maloko o ka Halema'i Moiwahine. He wahi manawa uuku wale no ka ma'i ana 0 keia loio ma ia kakahiaka, a he mau hora pokole wale no maliope mai o ia ma'i ana o kona make no ia. Ma.ia kakahiaka nui ua hele aku oia ma kona keena loio e ku nei ma ke Alanjt Maunakea, a i ka hora ehiku hoi me ka hapa 1 hoea mai ai oMe Hing, he Pake, a ike mai la i kona noho maloko o ke keena a ninau niai la i ke kumu o kona hele kakahiaka ana mai, a o ka pane a Hogan i ua Pake nei, ua hele kakahiaka nui aku oia i hiki ai iaia ke hoomakaukau no ka hele ana aku i ka Aha ma ia kakahiaka, a mahope iho nae ua olelo hou aku la oia i kela Pake, he la nui ia a i hiki aku oia no ka hoike ana aku 1 ka poe no lakou ka hiliia ana e lawelawe aku ai imua o ka aha e hele mai i kekahi la ae. Ia Me Hing i hala aku ai iloko o kekahi haleaina e pili kokoke mai ana. a i kona hoi hou ana mai ua hoikeia aku la loaa o Hogan 1 ka ma'i, a'loaa io aku la no hoi iaia e noho ana no o Hogan maluna o kona noho, aole nae he iaia ke kamailio mai. Ua kāhea kokeia, aku ke kaa makai, a lawe loa ia aku oia no ka Halema'i Moiwahine, ahe mau hora wale no kona waiho ana ila*ila, ua make loa iho la oia.