Ka Nupepa Kuokoa, Volume XLII, Number 36, 6 Kepakemapa 1907 — KEKAHI KUMU I OI AI O HAWAII. [ARTICLE]

KEKAHI KUMU I OI AI O HAWAII.

Mamuli o ka hele ana aku nei o ka Elele a ka Ahahui Hooikaika Karistiano Moses"K. Nakuina i ka Ahahui nui i malamaia mai nei nia Seattle, i ka mahina aku nei o Tulai i hala, i hoi mai ai oia a hoike mai i na mea hou o ia aha ana i hele aku ai, a ma kana olelo, he uuku loa kahi mea hoomaopopoia mai no Hawaii nei, e like no paha me ka uuku o keia wahi Tēritori, aka nae oiai na elele o like ole e hoike ana i ka nui o na ahahui Hooikaika Karistiano i kukuluia maloko o ko lakou mau Mokuaina a mau Teritori, i oi loa|aku ka heluna i ko Hawaii nei, ua hiki ole maoli i ko Hawaii nei mau ahahui ke lihi launa aku ma ka heluna i ko na ahahui e ae. Oiai tcekahi elele mai ka Mokuaina mai o Arkansas e hoike ana i ka nui o na ahahui hooikaika kristiano ame ka nui o na lala o ia mau ahahui, ua hiki ole ia Hawaii nei ke kau aku ma ka papa like me na ahahui ame na heluna o na lala o ia mau ahahui, a he oiaio no ia oiai he nui maoli no na kanaka ma ia mau wahi ke hookukuia mai me ko Hawaii nei. Iloko nae o ia nui heluna a ua elele la e hoike ana no na ahahui 0 kona Mokuaina ua hoole aku la oia aole e hiki iaia ke himeni hookahi aia no a he nui lakou alaila hiki iaia ke himeni. I ka manawa nae i kaheaia mai ai o Hawaii, mahope iho o ka pau ana o ka hoike ana a kela elele mai ka Mokuaina mai o Arkansas, ua hele aku la oia (M. K. Nakuina) a maliope iho o kana hoike ana no na mea e pili ana i na Ahahui Hooikaika ICristiano' ma Hawaii nei ame ka nui o na lala maloko o ia mau aha hui, ua hoike aku la oia, he hookahi mea hiki ia Hawaii ke hana, oia no ka himeni ana, a ua himeni aku oia 1 ke mele lahui o Hawaii nei, "Hawaii Ponoi." No kela himeni hookahi-ana ona imua o kela mau haneri elele me ke koa ame ka maka'u ole, ua lilo ia i mea nana e hapai aku ia Hawaii uuku a lilo i mea oi mamua o kekahi Mokuaina nui i hiki olē i kona elele ke himeni, a pela iho la i lilo ai o Hawaii i mea oi maluna o kekahi mau Mokuaina, ma ka hiki ana ke himeni. Eia hou o Hawaii ke hoouna nei i kekahi o kona mau kaikamahine ma huakai mākaikai i kekahi o na kulanakauhale o Ameiika Hui puia, a ina e hiki ana ia lakou ke hoike aku i kela kalena himeni iloko

o lakou ma na wahi apau a lakou e kipa aku ai, alaila e hapai mau aku ana lakou ia Hawaii uuku iluna, aole \\*ale no hoi ma ia mau kalena aka ma ko lakou mau helehelena nohea ame ko bkou kulana lede.