Ka Nupepa Kuokoa, Volume XLII, Number 36, 6 Kepakemapa 1907 — Ka Naita Heneli KA OLALI O NA KAKAI MAUNA O NAWARA [ARTICLE]

Ka Naita Heneli KA OLALI O NA KAKAI MAUNA O NAWARA

MOKUNA XIII. KA HALAWAI ANA O KE KEIKI ME KA MAKUA. Mahope iho o ko Heneli hoi ana aku e hooluolu, nia kona wahi moe ua hoi hou mai la ke kahunapule noloko o ka nimi o ka lede ma'i e moe ana, a ke lohe mai la no nae o Heneli i ka laua mau kamailio. Ua manao no hoi oia e hele mai e hoolohe, aka nae ua hookuu aku la no oia ia laua e kamailio. MOKUNA XIV. KA HELE ANA AKU O NA HANA A KA EN'EMI I KA NUI. Ia puoho ana mai a Heneli i ke kakahiaka ana ae, ua komo iho la oia i kona lole a hele aku la no kahawai no ka holoi ana i kona mau maka, a ilaila i halawai aku ai oia me ka elemakule, no ka mea oia 0 laua ka i ala mua ae ma ia kakahiaka. "Aloha kakahiaka oe e kuu hoaloha," wahi a Heneli i kamailio aku ai. "Pehea ua ike aku nei anei oe i kuu makuahine i keia kakahiaka ?" "Ae, mailaila mai nei no au i hele mai la, a e ike hou aku ana oe iaia, a mahope o ka pau ana o ko kakou paina kakahiaka, e haalele iho ai kaua no ke kulanakauhale o Papaluna i keia la." \ O ko laua hoi mai la no ia no kahi hale a ike aku la o Heneli i ke ano maikai loa o kona makuahine, ka mea hoi nana i hoolana mai 1 kona manao, a huli aku la oia me na maka hoihoi imua o ka elemakule, a kaa e mai la nae ke kamailio ana ma ka aoao o kona hoaloha. "Ua loaa iaia ka maikai maoli i keia kakahiaka, a mai maka'u oe ncr.a, e hiki mai ana no he manawa maikai no olua e hui hou ai a e hoolana i ka manao." "He oiaio e kuu keiki," wahi aka lede i pane mai ai. "Ua loaa ia'u ka oluolu maikai, a ke lana nei no kuu manao e ola ana au a ike i na pulama ana a kou aloha e kuu keiki," a na keia mau olelo hoolana nla ka aoao o ka lede ka mea nana i hooi loa aku i ka }hauo,li iloko o Heneli, a he mau olelo wale no ka lakou o ia kakahiaka i me na mea t hoohauoliia ai o na manao. Mamua ae o ko laua nei haalele ana aku i keia hale me ka lede nawaliwalij ua pane jnua mai la ua lede nei i ka elemakule: "Mai poina oe i ka lawe hou ana mai iaia i o'u nei, i ike hou aku kuu mau maka i ka i'o o kuu i'o ame ke koko o kuu koko." "Ae, e lawe hou mai ana no au iaia, a e hoomanao no hoi oe ij kana mau olelo hoolana ia oe, a mai hopohopo no kou ola ana, a ei hele mau mai ana no au e makai ia oe i kela ame keia manawa," a o j ko laua puka mai la no ia mailoko' mai o kahi pupupu hale nana jej hoomalumalu ana i ka makuahine o ka kaua koa. Ke hoi la no o Heneli, ke huli mai la no kona alo ihope i ke ku aku o ka hale o kona makua, a aia no ka pau ana o kona alawa ana mai ihope a i ko laua hiki ana aku ma ke alanui akea, a i ka pau ana mai no hoi kekahi o ka ikeia ana mai o ua wahi hale nei. Ia laua nei i hiki aku ai ma kahi o na kanaka māke a laua i ulupa ai ma ka la mamua iho, ua ike aku la laua i ka nui o na kanaka e paapu ana, a e pioloke ana hoi ua poe nei no ke ano o ka halawai ana 0 keia mau kanaka me ko lakou mau hopena. Ua ike iho la ka elemakule i ke ko'ikoo'i o keia hana a laua i liookau aku ai maluna o kela jnau kanaka puuwai eleele, a oia kana 1 huli aku ai a kamailio aku la ia Heneli: "E lawe aku oe i ka wehewehe ana i ke ano o ka halawai ana o keia mau kanaka me ko lakou hopena, no ka mea he mea maikai ole ko'u hoakaka ana aku imua o lakoo, aia kekahi kumu nui e hiki ole ai ia'u ke hana aku pela, nolaila e lawe aku i ke ko'iko'i o ia l(hana maluna o kou hokua e kuu keiki." Ia hiki ana mai o laua imua o ua puulu kanaka la, ua nana aku la o Heneli a ike aku la i kekahi o ua poe kanaka la, he mea hoi ana i kamaaina ai ma ke kulanakauhale, a iaia oia i hoike pau aku ai i ke ano o ka make ana o ua mau kanaka nei, e waiho ana ma ka'e o ke alanui, a mahope iho o kona lohe ana i ka moolelo piha e pili ana i ka mea i hanaia aku maluna o lakou, ua hoomaka kōke ae la oia e kamailio: "O, ma ke ola ana o ka Moi, ua maopopo loa ia'u kekahi o keia imau kanaka, oia no kekahi o na kanaka ino loa ma ka ili honua," me kona hehi pu ana iho i kona wawae maluna o ke kino e waiho ae ana, oia no hoi kela kanaka mua loa i hahau mai ai i kana pahikaua i ka elemakule. • • "Na'u i hoopii i keia kanaka imua o ka Moi no kekahi karaima ana 1 hana ai, a mai kauia aku ka hoopa'i o ka make maluna ona, koe wale no mamuli o ka hoopakele ana a kekahi naita i punahele loa i ke alo o ka Moi." "Owai keia naita punahele au e olelo mai nei?" i ninau mai ai o \ "O ka Naita Nakona no ia, a ina paha i hoolaia kekahi mau kanaka e ae a hookolokolo maoliia no ko lakou hewa, ina ua oi loa ae ka pono, aka he mea hiki ole nae ia ke alo ae iloko o ka manawa o ke ku pale ana no ke ola ame ka make." Iloko no hoi o keia manawa i hele mai ai kekahi luna aupuni, a ninau mai la ia Heneli heaha la ka mea pono e hanaia aku no keia mau kanaka, a oia hoi ka Heneli i pane aku ai e lawe kokeia aku ko lakou mau kino make i ke kulanakauhale. "E lawe aku i ke kino o keia mau kanaka imua o ka Moi, a na'u no e wehewehe pono aku imua ona i ke ano o ko lakou halawai ana me keia hopena," wahi a ua Heneli la i pane aku ai, a e anehe mai ana oia e hoi mai no kahi o kona hoa e ku aku ana, ua hoopuni kokeia ae la oia e na kanaka, ia lakou i lohe mai ai o Heneli keia, ka mea a lakou i lohe wale ai no, akahi no nae a ike maka. Ua hooho mai la lakou i na leo o ka hauoli no keia halawai pu ana me ka naita nana i lawe pio i ka Po-wa'Morilo, me ke kiola ana i ko lakou mau papalekapu i ka lewa, e hoike okoa mai ana no hoi i ko lakou mau manao no ka hewa ole o ka naita opio ma ka hooko ana i ka hana hiki wale no iaia e pale i kona ola iho iloko o ka wa o' ke kupilikii. "E wiki kaua e kuu hoaloha," wahi a Heneli i huli aku ai i kona kokoolua. "Ua makemake loa au e hoea aku kaua imua o ka Moi, me ka noho pu mai no o kela Naita Nakona, a imi pono aku ina paha nana io keia hana o ka hoouna ana mai i keia mau kanaka e hoohalua i ko kaua mau ola, a o kekahi no hoi e hoea aku kaua ilaila mamua ae o ka hiki mua ana aku o keia mau kanaka. "A e kuu Heneli, ke a'o pu aku nei no hoi au ia oe, mai hoike iki aku oe i kekahi mea au i ike ai no kou makuahine i keia kanaka au e ake aku nei e halawai," i panai mai ai ka elemakule. "A ke hoohuoi nei no hoi au, ua lohe mai oia i ka'u mau olelo e kamailio ana ia Pekelo i kela manawa a'u i haalele aku ai i ke kakela, a ina he manao hoopoino kekahi ona ia oe, aole no e nele ana kona hoopoino pu ana mai i kou makuahine, nolaila e akahele loa e kuu Heneli. Ua hoomaku'e iho la na ,maka o Heneli no keia mau olelo i kamailioia aku iaia, aka nae no kela hoohiki ana i hoopaa aku ai i ka elemakule aole loa e hiki iaia ke niele hou aku, a ma ke koena aku o ko laua alahele no ke kulanakauhale, aole oia i hoouluhua wale aku i kona hoa a hiki wale i ko laua hoea ana aku i ke kulanakauhale.

I ko laua nei hoea ana aku nae no ke kulanakauhale, ua i aku la ka elemakule ia Heneli: "Ina e kamailio mai ana ka Moi i kou kokoolua o ka hele pu ana, mai hoike aku oe ia'u, o kauoha mai auanei kela e hiki aku au imua ona, aka e olelo wale aku no oe, he hoaloha no nou," a o kona haalele koke mai la no ia ia Heneli a nalo aku la ma kahi i maopopo ole i ka Naita Opio. Huli mai la hoi ke alahele o ka kakou koa opio no ka halealii, a komo pololei aku la oia noloko o ke keena e noho mai ana o ka Moi; a e like me ka ua Naita nei i manao ai, ua halawai io ku la no oia me ia ; oi»i o ua naita la no kekahi e noho pu mai ana me ka Moi. I keia manawa a ua Nakona nei i ike mai ai i ke komo ana aku a Heneli, ua keehi iho la oia i kona wawae me ka hoopuka malie ana iho i kekahi mau huaolelo hailiili, a oia hoi ka ka Moi i huli ae ai a kamailio aku la iaia: "O oe anei ia e Nakona i kamailio mai la?" ''Aole, i kuakuai wale ae la no hoi au i kuu mau wawae," wahi a ua Nakona lokoino nei. Ua lohe mahu'i aku nae o Heneli i na huaolelo i hoopukaia mai e kona enemi, a ua lawe mai oia ia mau olelo a malama, me ka lilo ole i mea nona e panai aku ai maluna ona, a mahope iho o ka pau ana o ka ia nei kukuli ana imua o ka Moi, ua ku ae la oia iluna a oia no hoi ka wa a ka Moi i ninau mai ai iaia: "Heaha mai nei keia ou i hoea hou mai nei e Heneli?" wahi a ka Moi. "I hele mai la au e hoike aku ia oe, no kekahi mea ano nui 1 halawai me a'u ma nehinei. E hele ana au me ko'u hoaloha no Kuleka ka mea hoi nana e alakai ana ia'u i ko'u wahi e makemake ana e hele, a ma ke ano no hoi i kokoolua, ua halawai mai la maua me kekahi mau kanaka ekolu i lawa me na mea kaua a hoao mai la e pepehi ia'u. Aole he mau wehewehe ana ma ko lakou aoao no ke kumu o ko lakou manao ana e kau mai i kela hana maluna o'u, koe wale no ko lakou lele aluka ana mai maluna o maua, a o ka hopena o ia hakoko ana o makou, oia no ko lakou pau loa ana i ka make." Ke hoike okoa mai la ka helehelena o ka Moi i ka makemake ole i kela hana heohalua no ke ola o ke Koa Opio, oiai hoi ka helehelena o ka Naita Nakona, ua hele a. haikea pu, a ke ahuwale la kona ano ia Heneli, a ua pane mai Ia nae ka Moi: "Aole anei i ninau aku oe i kekahi o lakou no ke ano o ka mea a lakou i hana mai ai maluna ou ame kou hoaloha?" Leha aku la o Heneli i ka Naita Nakona, a ke kulou mai la ua | kanaka lokoino nei imua no ke ake loa e lohe aku i ka Heneli pane, aka ua hoike aku la no o Heneli i ka mea oiaio i ka i ana aku: j "Aole loa he mea i maopopo ia'u no ke ano o ia hana, ua mainao wau e hookoe i ke ola o kekahi o lakou no ka ninau pono ana |aku i ko manao o ka hele ana ae e pepehi ia'u a i ole hoi o ka mea nana lakou i h'oouna ae e hooko i kela hana, a no ka hina e ana mai nae o kekahi lio maluna o kona poo, ua hiki ole ia'u ke hoopakele mai iaia." I ka pau ana o keia pane a Heneli, ua pane koke mai la no ka Naita Nakona imua o ka Moi. "ke manao nei au he hana poipu maoli keia, a ka hilahila ole, a ke ole au e kuhihewa o keia no kekahi hapa o ka poe po-wa i koe aku, a ua hoohalua lakou me ka manao e pepehi i ka Naita Heneli." "Malia paha o ka pololei io ia au i olelo mai la e Nakona, wahi a ka Moi, "a pehea na kino make?" "Ua kauoha aku au e laweia mai lakou no. ke kulanakauhale nei a eia paHa lakou ma kahi kokoke loa i ka halealii," wahi a Heneli, a 0 ka manawa koke no hoi ia a Nakona i pane aku ai i ka Moi: "E kuu Moi maikai, mai hooluhi wale ia oe i ka hele ana e nana 1 keia mau kino make oiai aole i ikaika loa kou kino, ua lawa keia hana na'u e hooko aku." "Heaha la hoi, ke waiho aku nei au ia hana nau, e kuu kauwa, a e kanu aku i ko lakou mau kino me ka maikai," a o ka olu hoi ia o Nakona no ka mea aole ona makemake e ulu iki mai kekahi wahi hoohuoi iloko o ka Moi nana i kauoha aku i keia mau kanaka e hele e Ipepehi ia Heneli. A o ka loaa ole ana hoi he wahi moali o ka jike mai kela mau kanaka mai no ka mea nana īaleou i lioouna aku e hooko ia hana, ua hele loa ua Naita ino nei i ka oluolu o kona noonoo. • I ka hala ana aku nae o ka Naita Nakona ana i ike aku ai, aole loa e hiki iaia ke hoohewahewa, na keia kanaka no i hoouna aku i kela mau kanaka ekolu e pepehi iaia, a o fce kumu nae o kona hana ana pela, aole loa e hiki iaia ke maopopo, a he hookahi nae mea i loaa iaia oia no ka lilo ana o Nakona i enemi nona. MOKUNA XV. KA IMIIA ANA O KA MAKUAHINE O HENELI E MAKE. He mau la i hala hope ae mai keia huli hoi ana aku o Heneli no ka home o kona hoaloha a mai kela halawai pu ana hoi ona me ka Moi aia no kela manao ino o ka Naita Nakona nona, e imi ana hoi ma na ano apau<e hiki ana iaia ke kinai aku i ke ola iloko o ka naita opio, a i kekahi la, ua hoolimalima aku la oia i kekahi o kona mau kanaka ponoi no ka hele ana aku e pepehi i ka makuahine o Heneli. Ua hakilo mau keia kanaka ialoko o ka ululaau me ka uhai hele ana mahope 0 ke kahunapule elemakule a pela i loaa aku ai iaia ka ike no keia wahine ana e hele nei e pepehi malalo hoi o ke kauoha a kona haku lokoino, a ua ike pu no hoi oia i ko Heneli hele ana ilaila, a o kana mau mea apau i ike ai, oia kana i hoi aku ai a hoike i kona haku, a eia hoi oia i keia manawa ke hele nei e kau aku i ka make mainoino maluna o ka wahine hewa ole. Ua hoolalau wale no keia kanaka ma ke alanui okoa ma ka auwina la o keia la ana e hele nei e hooko i kana hana nui, a i kona mamao loa ana mai ke kulanakauhale aku, ua ho'i pono ae la oia no ke alanui pololei e hoohiki aku ai i kahi pupupuhale ilalo o ke awawa, a ua hele no hoi a molehulehu loa, ua hiki aku la oia no ua wahi hale la - Ua noho malie iho la no nae keia mawaho me ka hakilo pono ana i ka poe oloko, a o kana mea wale no e lohe aku &na o ke kamailio pu 0 Eekahi mau mea elua, a manao iho la ka hiki ole iaia ke hooko aku i kana hana. He hookahi wale no ana wahine i makemake ai e pepehi aku, a i mea nae e hiki ai ke hookoia ua manao la ona, ua imi iho la oia i ka maalea a nui, a palaha iho la kona alo ilalo mamua pono aku o ka puka o kahi pupupuhale, a ke na wale la no oia me he mea la ua loaa oia i ka pilikia. Aia no kela manao makemake ole iloko ona e hooko aku i ka make maluna o keia wahine, no ka mea o keia ana kana wahine makamua loa e pepehi aku ai, aka nae hoi no ka lawe ana mai i na dala kipe a ka Naita Nakona, ua hiki ole iaia ke pale ae i keia hoowalewale. I Ke noke mau la ua kanaka maalea nei i ke kuwo me he mea la ua loaa oia i kekahi ehaeha nui, a aole no hoi i li'uli'u iho, ua hemo mai la kekahi wahine mfe ka ihoiho kukui e hoomalamalama hele ana ma kah'i o ka leo e pu-a aku nei. "Owai kela?" i ninau mai ai ua wahine la. "O, e kokua mai i ka mea i loohia i ka poino," wahi a ua kanaka nei me ka piha maalea, alaila, ua hele mai la ka wahine a ku ma kona aoao a ninau mai la: "Heaha keia pilikia nui i loaa ia oe?" "Ua hauleia mai nei au mai ko'u lio mai, a e oluolu e hookipa aku ia'u a e haawi mai i na kokua ana e hiki ana ia oe ke hana mai no'u." Holo hou aku la ua wahine la noloko o kahi hale no ke kukakuka pu ana me kona kokoolua, no ka mea pono e hana aku ai no keia kanaka aole no hoi i li'uli'u, ua puka hou mai la no oia me kahi ihoiho kukui no kahi a ke kanaka kolohe e moe hoololo ana. Komo koke iho la ka manao aloha iloko o ka wahine e haawi aku i na kokua ana i keia kanaka, me kona manaoio ua loaa ia oia

i ka poino, a oia kana i ninau mai ai: : "Heaha ka mea hiki ia'u ke hana aku nou;' "E hoihoi aku ia'u noloko o ka hale a e haawi mai i wahi wai." n kuwo hou ae la ua kanaka nei. 0 ke kulou koke iho la no ia 0 ka wahine a ka'ika'i malie n< i keia kanaka iluna, a me ka hana nui no hoi oia i kaualupe aku .11 . ke kanaka maalea a hißi i ke konio ana iloko o ka hale. Oiai ua kanaka la e noho ana maluna o kekahi noho i ha:iu:-. ( •mai nona e noho iho ua au hele aku la kana nana ana malok»» > ua wahi hale nei, a o kana mea o ka ike ana aku, oia no ka moe ir,. 0 kekahi wahine iluna o kahi moe, a hoomanao iho la oia ua m..kaukau keia lcde no ka hiamoe ana. 1 mea. nae e hiki ai iaia ke hooko aku i ka hana puuwai cU < \ ana o ka hoounaia ana aku, he mea pono e kaawale aku keia nana oia i hookipa aku iloko o ka hale, a no ia mea ua noi aku l;i e haawi ia mai i wai nona, me ka pane pu ana aku no hoi: "Ua hiki anei ia oe ke kii aku i mea nana e haawi mai ia'u i k kahi kokua ana, oiai ua manao au ua hakihaki ia ka iwi o kuu p« • hiwi no ka mea ke hu'i mai nei me ka walania." "Aole o maua mau hoaloha kokoke mai e hiki ai ke kii aku no K.i haawi ana mai i na kokua ana, koe wale iho no aia he kanaka ekn.a kule ma kahi he hookahi mile mai ia kakou aku, a ina paha au e k ana iaia nawai hoi e kiai i kuu kokoolua nei ka mea no hoi i loaa 1 ka nawaliwali." "E kii hoi ha oe iaia me ka hakalia ole. O, ma ka inoa n ke Akua e kii aku iaia a lawe niai, ea e aloha mai oe ia'u," me ke kuu.» ana ae o ua kanaka la me he mea la ua loaaia oia i ka haawina o k. kupilikii. Ia manawa nae i pane mai ai ka mea e moe ana maluna o ka!i* moe ika i ana mai: "O hele e kii iaia, a aole no hoi paha e loihi !<•.. /kou manawa e kaawale aku ai mai a'u aku o kou hoi koke mai 11. * ia." A no ka lua o ka manawa, ua nana hou aku la ke kanaka loknir. maluna o ka moe a manao iho la ka holopono o kana hana ina 0 lu-i. io aku ana keia wahine ana e makemake loa nei e kaau*alc akn. No ke ano kunana nae o ua wahine nei, ua pa-e hou mai ln u > ka leo oka mea e moe ana ma kahi moe: "E hele oe, aua hiki n,# ia'u ke noho me ke kanaka poino, a ina e makemake mai ana oia 1 kekahi mea ai, ua hiki no ia'u ke kii aku a haawi aku iaia, aka mamua nae o kou hele ana e haawi mua ae oe i kekahi waina nōna i loaa ai ka ikaika i kona kino, a e haawi pu mai i uluna e hoomoeia ai o kona poo." "Pehea la e hiki ai ia oe ke haawi mai 1 na kokua ana iaia, oiat he nawaliwali loa oe," wahi a ka wahine i pane hou mai ai i kona ko j koolua. "He nawaliwali no au, a ua oi aku nae ko'u haawi ana aku i ko kokua ana ia ha'i me ka nana ole i ko'u pilikia iho, nolaila mai ulololn wale oe ē hele a hoi koke mai," a mahope iho 0 kona haawi ana aku 1 kiaha waina no ke kanaka hoopoino, ua haalele mai la oia i kahi pupupu hale no ke kii ana i kokua iloko o ia aaki o ka poali o ka po. I ka hala ana aku o ka wahine no kahi o ke kokua i manaoia o ka eleu koke aku la no ia o ua kanaka nei i ka ninau ana o ka mea i<» paha keia i makemakeia e hookau aku oia i ka make, a i ole he mea okoa no paha. "Ea, he mau mea ma'i wale no kaua a elua maloko o keia hale." "He oiaio hoi ia au i kamailio mai la," wahi a ka wahine ma'i. me ka leo malie. "He keu maoli no ka pakalaki o ke alanui e hoea mai ai i ktia wahi. Ua maopopo no nae paha a i ole ua lohe no nae paha oe i ka pepehiia ana o kekahi mau kanaka ekolu maloko aku nei o ka ululaan i kekahi mau la i hala ae nei ?" "Ae, ua lohe au i kekahi mea e pili ana i ua mea la au e mai la," wahi a ka wahine me ka onioni ana maluna o kona wahi inoe. Alaila hoomau aku la no ke kanaka lokoino ika niele ana. "lle mau la pokole mahope mai o ka hanaia ana o kela hana lokoino, ua hoohaīuaia iho la he kanaka kahunapule ame kekahi naita opio. Ot aole e hiki ia'u ke hoomaopopo i na mea i hanaia aku no kela kanaka opio." ' Owai ka inoa o ua kanaka la?"_i ninau mai ai ka wahine ma'i me ke ano pihoihoi. "O ka Naita Heneli kona inoa," a i keia manawa i uwe leo nui ae ai ka makuahine o Heneli, a o ka manawa no hoi ia i loaa aku ai <> ka manaoio ana iloko o keia kanaka maalea o keia no ka makuahiiu 0 ka enemi o kona haku, a ala mai la oia mai kona wahi e moe ana 1 ninau hou aku la: "O oe anei ka makuahine o ka Naita Heneli?" "Ae owau no kona makuahine, a e hoike mai i ka mea i hanaia aku nona," a no kona ike ana mai e noho aku ana keia kanaka iluna ma ke ano he mea i loaa ole i kekahi pilikia, ua komo koke iho la n<» iloko ona ka hoohuoi e pepehiia aku ana oia e ia, a oia kāna i pane mai ai: "E aJoha mai oe ia'u." "Aole he aloha ana maloko o keia wahi, a ina oe he kane, ina aole e hiki ia oe ke pane mai i kena mau olelo, aka no kou wahine ana hoi ke noi aku nei au ia oe e haawi mua aku oe i kau hoomaikai ana i ke Akua mamua ae o ko'u pepehi ana aku ia oe." Hina hou aku la ua wahine la iluna o kona uluna a palulu ae la 1 kona mau lima ma kona mau maka, a i keia manawa no hoi ke kanaka limakoko i uwai aku ai i ka ihoiho kukui ma kahi e hiki ai iaia ke ike aku i ka helehelena o kana pio, me kona hele pu ana aku a ku iho la ma ka aoao o ka moe. "O! he oi ae ko'u hauoli e halawai mua me ka make, mamua o ka halawai ana me kekahi haawina e like me keia. E hahau mai » pahi maluna o u, no ka mea ua pau ka'u pule ana imua o k- c Akua, a ua makaukau au e molia aku i ko'u ola no kau mau hana pakalia," wahi a ka wahine me na waimaka ma kona mau maka. Ia pau ana no o keia mau olelo iaia i ke kamailio ia, ua ala ni.u la oia a noho ae la iluna, a haawi mai la hoi iaia iho imua o ke- kanaka hmakoko. Papa pono aku la ka malamalama o ke kukui maluna <» kona helehelena, a ia manawa i hapai ae ai k'a mea pakaha i kaiu pahikaua me ka manao e uhau aku maluna o ka makuahine o Heneli. aka haule wāle aku la no ka pahi mai kona lima aku, a kukuli iho la oia ma ka'e o ka moe, me he mea la, he uwila ka i anapa mai mai ka lani mai. "E pepehi mai ana anei oe ia'u, i ninau hou mai ai ka lede nawaliwali. "Ma ke ola ana o ke Akua, aole loa au e lawe ana i kou ola." wahi aua kanaka lokoino nei. "Ke hoomaikai aku nei au ia oe, a mai hopohopo a maka'u no ka laweia o kou ola e kuu pahi, no ka mea. ke Akua no i hoopakele mai ia oe i keia po. Ua oi aku ka lilo ana o kuu lima akau mamua o kuu kau ana aku i kekahi poino maluna 011. nolaila e hoolana i kou manao a na ke Akua no auanei e malama a hoola mai ia oe." Aole anei i hoounaia mai oe e hele mai e pepehi ia'u i keia po : " "Ae o ka'u hana ia o ka hele ana mai nei, aole nae au e hook "» aku ana i ka u misiona oka lokoino. Ina e huli hoi mai kau kauwa lawelawe e hoike aku iaia, ua loaa ia'u ka maha a ua hoomau aku n■> au ma ko'u alahele, a mai hoike aku i ke ano o ka'u huakai i hele nei i keia po, a o kaanehe mai la no ia o ua kanaka nei e piika nowaho o kahi hale. Pa 6 koke mai la nae ka leo o ka mea ma'i i ka ninau ana mai: "Pehea la kuu keiki, au i kamailio mai nei i ka hoohaluaia, ua make anei oia?" "Aole he oiaio o ia mau olelo a'u o ka hoike ana akti nei ia oe, i hoohuahualau wale aku nei no au ia oe i maopopo ai ia'u, o oe io ka makuahine o Heneli, ka mea hoi a*u i hele mai nei e pepehi." • •.;* ' i' Aole 1 pau. t .