Ka Nupepa Kuokoa, Volume XLII, Number 36, 6 Kepakemapa 1907 — Hoopii Koi no Kona Uku Hana [ARTICLE]

Hoopii Koi no Kona Uku Hana

Ke laulaha nei kekahi lohe eia o Kapena 01sen ke hoomakaukau nei i na palapala no kana hoopn koi i kona uku, no kela huakai aku nei ana i liolo aku ai maluna 0 ka Mokukuna Luka a hoi mai ai a hoike i ko Honolulu nei poe i ka nalowale ana o ka Mokupuni Laysan. Ūa oleloia ae no hoi, mamuli o ko Mr. Bro\vn hoole ana e uku i keia kapena no kona hooko ole ana i kana hana o ka hoolimalimaia ana ma kela huakai ana i hoi nele mai ai, ke kumu o keia koi ana i kona uku a mamuli nae o ka make ana o kona loio Mr. Hogan, i kekalii o keia niau la i hala, me he mea la e ulolohi ana ka hapaiia ana mai o keia hana imua o ka aha. Ina nae e hoea io mai ana kela hihia imua o ka aha hookolokolo Federala, alaila e lilo ana keia hihia i mea hialaai nuiia, heaha ana la na kumu maikai ma ka aoao o ke Kaj>ena e koi nei no kona uku, ame kana pane no ka loaa ana aku nei o ka Mokupuni Laysan, aia no ke-ku la ma kona wahi no o ke ku mua ana. Wasinetona, Aug. 31—Ua paa mai nei i ka hopuia kela mokukuna lapana Nitto no ka pepehi wale i na holoholona kai, he sila, ma na kapakai o Alasaka. Ua hookuu hou ia no mahope mau O keia no ka hana a na lapana i ulu mai ai na ku-ee mawaena ona ame Amerika, oiai, ua hookapu o A* merika i ka luku wale ia o na sila. 1 kekahi manawa i hala ua noho ka ahakuka ma lapana a ua apono 1 ka Amenka mau koi.