Ka Nupepa Kuokoa, Volume XLII, Number 36, 6 Kepakemapa 1907 — Poloke ka Pauma Hoonui Lilo a Howland [ARTICLE]

Poloke ka Pauma Hoonui Lilo a Howland

No kekahi manawa ae nei i hala, i kuaiia'ai kekahi pauma no ka hoohanā ana ma ka Luawai Hooki'o o Nuuanu no ka huina dala o ehiku kaukani e Mr. Howland mai Kapalakiko mai, a ma ka Poalua nei i pau ai ua paumawai la i ka hakihaki, ua like pu hoi ia me ke poho ana o ke aupuni ma kahi o ewalu kaukani dala mamuli o ka hoohana ana a keia mau Luna Au* puni o ke Teritori, oiai nae maluna o ka poe hookaa auhau ke ko'iko'i o ka uku ana no ia hoolilo. I mea e paa hou ai kela pauma i ka hanaia, e he mau hanen dala a he manawa loihi hoi ia e hana ai alaila paa, a mamuli o keia mau hoolilo waiwai ole i pahola ae ai kekahi manao he mea pono e haalele mai ka poe e noho liana nei no ke Keena o na Hana o ka lehulehu. Ina e hookomo aku ana o Mr. Holloway i kona palapala waiho oihana me he mea la aole e hakalia mai ana ke Kiaaina i ka apono ana i kona waiho mai i ka hana, oiai. he nui maoli no ka hemahema o na lawelawe hana ana i keia Luawai, a mamuii o ia mau hemahema i ala mai ai kekahi mau hana nui iloko o kekahi mau manawa i hala ae nei. f " > O ka hope peresidena Timmer, oia hui hookahi, ke hoopaaia nei oia no ekoiu mahina hoopa'i no ka hewa hoowahawaha i ka aha; ua hoole oia i ka haawi ana i kana olelo ike ma ka hookeĀokolo mua ia ana o Louis Glass.