Ka Nupepa Kuokoa, Volume XLII, Number 35, 30 August 1907 — HE NANE. [ARTICLE]

HE NANE.

He Kama ka'u, he lei a-i he puna'hele, a he milimili hoi na Pili laua o Kalahikioia, a ua lilo nae ua Kama nei ia lole, a oia ke Kahuhanai o ua Kama nei, hookahi no nae ike ana o ua kahuhanai nei i ua Kama nei ana, i ka la noa wale no o ka hebedoma a oia wale no kona la e hanai ai i kana hanai ua ua pili iho no he mau ouli kupaianaha t maluna o ua Kama nei a'u aia ma ka umaumia o ua Kama nei a'U he pua rose lani e popohe ana, nona paha keia hooheno ana. Kilakila o Maui Haleakala. O ka pua rose lani na'u 'hookahi. Ma ka aoao maluna o kuu pua Rose Lani la e kau ana keia mau hua palapala nunui moakaka "E lilo aku ana oe i mea nui a kaulana loa no luna o ke Kulanakauhaie Moiwahine, kekahi o na kulanakauhale kauiana loa, oluna o kekahi o na Hokuhele C ) kaulana loa." a ma ka aoao malalo o ua pua Rose Lani nei, e.kau ana no he, mau hua palapla nunui a moakaka. i "E lilo aku ana oe (ua Kama nei) lj hoaloha pili paa loa no Liona, kekahi o na holoholona i kau nui ia ka weli" aka nae, ua hooko piha ia keia mau ouli maluna o kuu Kama. Ua kapa ia iho la no hoi ka inoa o ua Kama nei a'u, he inoa pohihihi oj na pohihihi, he kamaha'o o na kamaha'o lua ole, a no ka mea, ma o keia inoa la ua kui aku kona kaulana apunl na welelau o ka honua. E hoohui oe i ka Akau, me ka Hikina, alaila, e loaa no ka inoa o kuu Karria, ka hanai punahele hoi a lole kekahi hoi o na kahuhanai kupaianaha loa; aka, he leo mana nui nae kona. Eia kekahi mea kupaianaha loa o na kupaianaha, a pohihihi loa no hoi o na pohihihi, ua make no ua Kama nei a'u, oiai nae oia e lei ana i ka lei hanohano loa o ke kaulana. Aka, ke ola nei no nae ua Kama nei a'u, a ma keia wahi he kupaianaha o na kupaianaha, oiai ke hanai mau nei no o lole i kana hanai i kela ame keia la mua o ka hebedona. a. Owai la ka inoa o kuu Kama, ka hanai 'punahele hoi a lole. b. Owai hoi keia kahuhanai kupaianaha? e, Heaha kea pua Rose Lani ma ka umauma o kuu Kama. d. Owai keia kulanakauhale Moiwahine? e. Owai hoi keia Hokulele kaulana loa? f. Owai hoi keia Liona. g. Ua make ua kama nei a'u oiai oia ie lei ana i ka hanohano ame ke kaulana l° a « , h. Ke ola nei no ua Kama nei au, ma keia wahi la ke kamaha'o o na kamaha'o loa a kupanaha hoi o na kupainaha. . Ke lana nei ko'u manao, aole no paha e loihi aku a o ka loaa mai no ia i na loea lae ula o Kawaiopae. 0 ka mea mua loa e loaa ai o ka haina piha o kuu Kama, ame na haina o na mahele apau o kuu Kama i hoike I ia ae la maluna, alaila, e loaa keia. makana. Eia ke ano o ka makana, he buke Kauoha Hou me ka Halelu pu oloko, a e kuni pu ia hoi ko'u inoa ame ka inoa o ka mea e loaa ana maluna o ua makana nei, a i ole ia he ekolu mahina e heluhelu wale ai i ka Nupepa Kuokoa e hoomaka ana mai ka helu mua aku o ka mahina o Okatopa, a e pau ana hoi i ka la hope o keia makahiki, alaiia, Hapenuia pu no kakou. Nou e kuu hoaloha i Kawaiopae J. W. K. Kakelamaluikaleo e papahi pu aku no au i kou inoa hanohano loa Polopeka kaulana hoi o ka makapeni a loea kaulana no hoi o Kawaiopae. Nau e ka mea e loaa mua ana o ka haina keia makana he hookahi no makana, aole elua, o kekahi o keia mau makana oia kau e wae ai nau e ka mea i loaa-mua ka haina.pa o ke a» pono ana mai a ka lunahooponopono o keia pepa i ka Buke Kauoha Hou pahai a i na mahine ekolu paha ou e helu-| helu wale ai i ka nupepa Kuokoa nei. 1 ka la 14 o keia mahina ae Sepatemaba oia ko'u la e waiho aku ai i keia makana e hoike ia nei ma ka lima) o ka lunahooponopono. E o'u mau hoaloha o Kawaiopae, ke haawl pu aku nei -au i ko'.u aloha pumehana ia oukou apau loa, a oiai, o ka la apopo Augate 31, 1907 oia ka pihaj ana o ke 43 o ko'u makahikl ma o ka lokomaikai ame ke aloha o 'na Lani. Me ka lunahooponopono ko'u alolia, ame na keiki oniu hua mekala hoi ko'u welina. P. K. H. AEKAI O MOANAL.UA. Ahua, Moanalua Sea Beach, Aug. 27, 1907.

Mr. Lunahooponopono, Aloha oe:—E oluolu hoi e hookomo iho i keia wahi ina'i ai ma kou poii; a na kou ahonui auanei e lawe hele aku ma na kaiaulu o ko kaua aina aloha i ike mai ai na keiki ihu-a o ke kai hohonu, a i kaulona hoi ma kahi olelo ana ae, na iae ula imi mea huna iloko o ka noeau o ka waihona ike. A eia iho ka hooheno ana o ua'ina'i ai la o Kaiapana. Kuu mokulehua i pohal ia e ka nu. Aloha ka leo o ka manu wai Akua, he wai kanaka ole. Noho nana maulu pali o "Wahinekapu. Kuu manu i kaulu a ka makani la-mal-ima ahi o Kauawea, mo a maka-li ke kino o ka laau, ka ohia o Moeawakea a moe no e. Heaha ka manu? O ka mea e hiki mua ana i ke alo o ka Lunahooponopono o ke Kuokoa me ka haina pololei o keia nane e loaa no ka makana o umi pooieka o 2 keheta pakahi. J. W. K. KAKELAMALUIKALEO. Keena Oihana, Halepaahao o Uwahisouli. v